الفصل الأول ♥️
"عائلة..♥︎"
ابتسم، لقد ابتدأ يومًا جديد من عُمرك، تفائل بما تُحب أن يكون وفوّض أمرك لله دائمًا..🌻💜
~~~~~~~~~~~~~~~~~~~~~~~~~~~~
الله أكبر الله أكبر الله أكبر...لا إله إلا الله.. الله أكبر الله أكبر ولله الحمد... الله أكبر كبيراً.. والحمد لله كثيرا...وسبحان الله العظيم بكره واصيلا.. لا إله إلا الله وحده🎤
كانت هذه أصوات تكبيرات العيد الذي أخذت تصدح بصوتها العالي في قصر"عادل الدسوقي"...
تحركت "مروة" بسرعة إلي المطبخ وهي تهتف بعجلة بالخدم...
"يلا بسرعة شهلوا كدا... ايه دا انتي لسة مخلصتيش صوابع الممبار يا وفاء زمانهم طالعين من الصلاة اعمل إيه أنا دلوقتي..؟ افطرهم ايه؟!"
ضحكت المدعوة'وفاء'بشدة وهي تهتف بمرح...
"والله يا ستي هنلحق أنا معرفش دايما قلقة نفسك ليه ارتاحي إنتي بس وانا والبنات هنخلص"
اومأت إليها"مروة" على مضض وهي تتحرك مجدداً خارج المطبخ وهي تدعو بداخلها أن ينتهوا الخدم من تحضير الفطور قبل خروج زوجها وأبنائها من صلاة العيد
~~~~~~~~~~~~~~~~~~~~~~~~~~~~
وعلي الناحية الأخري في حي متوسط
"يا مريم..يا مريم.. تعالي هنا يحبيبتي"
كان هذا الصوت لـ"نجلاء"التي أخذت تنادي على ابنتها
أتت إليها على الفور تلك الجميلة وهي تردف بلهفة...
"نعم يا ماما سمعت حضرتك بتناديلي آسفة لو كنت اتأخرت بس انا كنت بصلي"
أبتسمت إليها والدتها وهي تهتف بحنو...
"عادي يا روحي ولا يهمك أنا إللي آسفة إني قطعتك عن صلاتك عشان تساعديني"
قاطعتها"مريم"وهي تهتف بنفي...
"يا خبر!!لا طبعا يا ماما أنا خلصت هاا حابة اساعدك في إيه"
رمقتها والدتها بحب قبل أن تهتف بهدوء...
"ساعديني في عمايل السلطة من ايديكي الحلوة دي"
ابتسمت إليها ابنتها وهي تسألها بإبتسامة جذابة...
"في حاجة تاني اعملها ولا خلاص خلصنا"
_"لا يا روحي كدا خلصنا فاضل بس نرص الأكل على السفرة لحد ما بباكي واخوكي يجوا وبعدها هنبتدي نجهز الشوكولاتة وكحك العيد للضيافة لزوم عمك "عادل" وولاد خالتك وبقيت الضيوف اللي هتيجي كمان"
وعلي الفور لمعت أعين الصغيرة بفرحة قبل أن تتساءل بفضول...
"بجد يا ماما!!عمي "عادل" هيبجي وأبيه "خالد" و"عز" ووو 'وشهاب"
ابتسمت إليها والدتها وهي تجيبها ببساطة وخبث..
"طبعا يا روحي دا الطبيعي عمك "عادل" دايما بيعمل كدا؟! ايه اللي جد يعني؟!"
انتهت"مريم"من السلطة لتردف بإحراج...
"هاا لأ أبداً بس أنا أناا كنت بس يعني.. اهاا أنا خلصت السلطة بعد إذن حضرتك هروح اجهز نفسي أناا أنا لسة بالاسدال وميصحش مش كدا بعدين بابا يضايق مني وو.."
أنت تقرأ
أهيم بك عشقاً (مٌكتملة)
Romance_أمِيـلُ إلى الصمتِ لدَيَّ صعوبـَة في السَرد والاختلاط مع الملأِ لكِنني؛ لا أُمانِع من الثرثـرةِ معَك..💙 -هكذا أنتِ حنونة بلمسة و كلمة منكِ يتشكَّل معنى الإطمئنان لدي..♥️
