#اللهم صل على محمد وآل محمد
"نـفس الضـيـغـم"
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
#متابعه الحسابي19aann_19
وتصويتتاتكم الحلوة بين الفقرات فرولاتي 🍓.
#"نـفس ضيغـم الثـالث عشـر"
ــــــــــــــــــــــــــــــــــــــــ
ضـيـغـم
نزلت بخطوات تعبانه كلش ومهلوكه
اتمنا هسه بس اشوفها حته التعب كله يروح من روحي وجسمي هيج صارت شوفتها ضروريه اليه اخ الله اباوع ع الدنيا وقت العصر
بعد ما صفيت سيارتي ومشيت
وانا عقلي مشغول صالي ايام ما
شايفها حبيت من اشوفها كون
افرحها بخبر طلعتها
بس لحد هسه ما كدرت اثبت
برائتها مادري راح اتخبل كل شي
ضدها
طلعت وقت التشريح صاله تقريبا بال10ايام من متوفيه
وهي جانت بالبيت كل هذا الوقت
ماعرف شسوي بس لازم الكالها حل
واليوم قبل باجر
دخلت بالممر الي بي غرفت نـفـس
صارو مقابيلي الشرطي كاعد يم باب الغرفه و ذاكر وصديقتها حــرز اشوي عنه
واكفين مادري شيحجون من انتبه
عليه ذاكر رجع يحاجي حــرز وسكتو
مادري شعدهم
اتقربت عليهم: السلام عليكم
ردو: وعليكم السلام
ضـيـغـم اثنينهم واحد يباوع لثاني: خيرر شبيكم
ذاكر: المحاميه الي كلت عليها وصلت
حــرز بتوتر: بس بس
ضـيـغـم بستغراب: خير ان شاء الله شكو بس شني
حــرز: هاي المحاميه مادري شلون
تحجي وشايله خشمها
ضـيـغـم رفعت تك حاجب: شني عمي هذا الحجي
حــرز كحيت بقوه ثلاث مرات بصوت وكلت: والله اسلوبها مو حلو وبالاخص ويا نـفـس
ضـيـغـم احس اعصابي وجرت وقبل لا احجي سمعت نـفـس اتعيط
بسرعه فتحت الباب شفتها كاعده
اتناشغ واتكلها ما كتلتها وهاي اتحاجيها بطريقه مستفزة
زمخت بيها وانا صرت ما اشوف كدامي: ررررررهفففف
كامت رهف بسرعه والتفتت عليه
طاحت اغراضها بالكاع نزلت اتلم بيهن والكرسي
رجع الوراة وصار صوت احتكاك
بالكاع
رهف برجفه وهي ترجع توكف: استاذ ضـيـغـم استاذ والله
ضـيـغـم اتقرب يمها وعين عليها والثانيه ع نـفـس الي شكلها منهارة وما منتبها عليه بس تهمس ما كتلتها والله ما كتلتها وتشهك
أنت تقرأ
نـفس الضـيـغـم "باللهجة العراقية"
Lãng mạn.. ماذا لو كانت هي المسيطرة وهو المربك ولكن...؟ .. ماذا لو كانت هي المخططة وهو المنفذ من دون علم ولكن...؟ .. ماذا لو كانت هي الخاطفة وهو المخطوف...؟ .. ماذا لو كانت هي العاشقه منذو زمن بعيد وهو لم يعلم عنها شي ...؟ .. ماذا لو كانت نار الانتقام...
