نـفس الضـيـغـم "باللهجة العراقية"

"نـفس ضيغـم الخـامس والعشـرون"

اللهم صلِّ على محمد وآل محمد
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
"نـفس ضيغـم الخـامس والعشـرون"

ــــــــــــــــــــــــــــــــــــــــ

نـفـس

دخل ضـيـغـم قبلي بخطوات وهو كاض ايدي فجئه اتصنم ابمكانه
وعصر ع اصابعي بكل قوته حاولت اسحب ايدي ماكو متتت حسيت حديده وكبست ع اصابعي حجيت بهمس: ضـيـغـممم ايدييي حبوبي

ضـيـغـم وهو يلتفت عليه وعيونه
حمر مجمرات اخترعت من شكلهن كتله بهمس: شكو

ضـيـغـم ابرود: رجعي للغرفه

نـفـس سحبت ايدي منه بقوة قبل لا يكسرها وكتله: شبيك كسرت ايدي
شني صار... كلتها وسمعت صوت وحده وراة ضـيـغـم

بسرعه ضـيـغـم صار كدامي حته ما اشوفها من شافني ردت اباوع وراة
كتله بستغراب: منوو هاي

صاح الجد بصوت عالي: ضـيـغـم تعال وجيب بت عمك وياك حته اتشوف... سكت اشوي وكمل بستهزاء.. اتشوف امهاا

نـفـس اتصنمت بمكاني وعيني بعين ضـيـغـم الي غمض عيونه بقوة وعض ع شفته

ضلينه ع وكفتنه اشوي وكال ضـيـغـم بعلو صوته: اذا ما تردين ادخلين روحي حبيبي للغرفه واني اتفاهم وياهم

نـفـس بقيت ع صدمتي بحياتي ما شايفتها صار عندي فضول اشوفها
اشوف شكلها وطولها وعرضها
ماريد اسالها ليش لان ما تستاهل اسالها شي فزيت عليه يعيد عليه السوال بهمس رجعت باوعت بعينه وكلت بهمس: خلي اشوفها بس

ضـيـغـم هز راسه مغصوب وكال: ماشي فوتي.. كالها ووخر عن طريقي
اتخطيته ودخلت للمكتب بعد ما جنت واكفه برا اتقدمت بخطوات واضح انها واثقه بس من داخلي مهدود حيلي
دخلت بدون لا سلام ولا كلام رحت كعدت ع الكرسي ضـيغم اجه وراي  سحبني حته اكعد يمه ع القنفه ام نفرين وكال: شني الي ذكرج بينه هسه؟؟
اتوقع الكلام الي صار بينه اخر مرة
جان كلش واضح مو... كالها ورفع تك حاجب

ام نـفس: بتي هاي حته لو اكطعها تبقه بتي اصلا انا اختاريت الها الصالح وعفتها عد ناس شالوها بعينهم وربوها احسن تربيه

نـفـس بهدوء: رحم الله والديج الله لا يكثر من امثالج شني المطلوب

ام نفس بخبث: المطلوب يا عيوني انتي

نـفـس بضحكه خفيفه: هههه لا اتضحكيني يمعوده مالي خلق من الاخير خلينه نلعب ع المكشوف شكد تردين وهل المرة تختفين للابد وتنسين انه عندج بت هاي يعني اذا جنتي مذكرة عندج بت