اللهم صلِّ على محمد وآل محمد
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
"نـفس ضيغـم الـثامن عـشر"
ــــــــــــــــــــــــــــــــــــــــ
حــرز
اباوع عليهم واكفين بعيد
وهو صوت ضحكته واصل يمي
يكركر وبعد يكركر
اسـتـغـفـر الـلـه وهاي تتموع
عليه وكل اشوي مصعده ايدها
ع اجتافه لو تلعب بياخه قميصه وهو ولا كانه لعبت روحي منه ومنها ومن المكان بكبرة
عفتهم ومشيت لشارع عبرته وكفت
ع السايد الثاني انتضر تكسي
درت بعيوني شفته عافها واتقدم عليه
وقبل لا يوصل وكفت سيارة وصعدت حته ما سالت شكد الكروة
المهم اروح من وجهه القذر
رفعت عيني ع السايق شكله
محترم جبير بالعمر نوعا ما
وسيارته سايبه ونضيفه كتله: عمو
شكد الكروة
... عمو وين تردين حته اكلج الكروة
حــرز غميت كصتي وكلت: يوو عمو اعذرني ما انتبهت اخذني ع منطقه ال**
... تمام عمو والكروة سبعه
حــرز هزيت راسي وسكتت
رجعت راسي لشباك وانا كل اشوي
اتغوش عيوني بذكره زامخ الارعن
وهاي الصخله لايكين اثنينهم رعنين جدر ولكه غطاء
رجعت عيني ع الشوارع
والاضويه والدنيا لليل وزدحامات
ومن تعبر ع السوك والمحلات مالت المشاوي عليها ناس كلها شباب
ملتمين عبالك ذبان
سمعت نقالي يتصل طلعته
من جيب البنطرون شفته زامخ
ما جاوبته مالي خلقه كلش
رجع اتصل فتحت الخط
وخليته ع اذاني سمعته يلهث: حرز وين انتي ليش رحتي هيج فهميني
... سكت ما جاوبته رجع ذب حسرة... شبيج دخيل الحمزة شمالج فهميني
حــرز بضوجه: معليك بيه سامع
وبعد لا اتراويني وجهك
زامخ بهدوء: شبيك يول ليش هيج
حــرز بضوجه اكثر: من ما تحترم وجودي واتقلل من قيمتي شنو عايفني بالشارع ورايح انت وياها ع صفحه
ودك سوالف وشقه وصوت ضحكتك لستار واصل بعد ع شنو ابقه
ابقه انت وياها وفضت
أنت تقرأ
نـفس الضـيـغـم "باللهجة العراقية"
Romance.. ماذا لو كانت هي المسيطرة وهو المربك ولكن...؟ .. ماذا لو كانت هي المخططة وهو المنفذ من دون علم ولكن...؟ .. ماذا لو كانت هي الخاطفة وهو المخطوف...؟ .. ماذا لو كانت هي العاشقه منذو زمن بعيد وهو لم يعلم عنها شي ...؟ .. ماذا لو كانت نار الانتقام...
