نـفس الضـيـغـم "باللهجة العراقية"

"نـفس ضيغـم الـتاسع والعشـرون "

اللهم صلِّ على محمد وآل محمد

.

🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽

.
"نـفس ضيغـم الـتاسع والعشـرون "
ــــــــــــــــــــــــــــــــــــــــ

شهكت واني اكمل قراءة رفعت عيني واني اعض شفتي بقوة لدرجه
حسيت الدم طلع منها باوعت التميم الي اتقرب ع السيارة وهو مبتسم
دخل وبيده صينيه مشاوي طبك الباب وهو يبتسم بس من شاف حالتي كال وهو عين عليه وعين ع نقاله: شمالج هيج اتباوعين

نزلت دمعتي وكتله: انت اانتتت مو مريض

زامخ وهو يجر حسرة: ليش تاخذين نقالي بدون اذني

حــرز بقهر: سالتك جاوبنيييي... كملت بصوت عالي  ...

زامخ بنتر: لا اتعلين صوتج صلفهه ... كالها وحرك السيارة

حــرز باوعت لطريق وعيوني اتجر يعني هو مو مريض ولا بي كرونا ولا شي
جانت مجرد فلاونزة واني بس المريضه
ليش بقه وياي لحد هسه حاولت
اهدي بروحي غمضت عيني اشوي
من سمعته كال: اي صح انا مو مريض
ولا بيه كرونا ولا صخام بس انتي مصابه تردين اعوفج الوحدج تنعزلين

حــرز بقهر: لك انت شجاي تحجي
شجاااي فهمني انت مخبل انت الحمدلله مابيك كرونا شكو اتنام بصفي وتاكل من نفس ماعوني وحته الخاشوكه الي اكل بيها مرات تاكل بيها انت شني ما اتخاف ع روحك

زامخ بهدوء: فديت الشني

حــرز بضوجه: اسـتـغـفـر الـلـه يا الله
انت شمالك مخبل خوما مخبل اني وين احجي

زامخ ابرود: انا اسوي الي يعجبني
وما ابرر الاحد ولا اوضح.. سكت اشوي وهو يشغل جكارة... زين انا لو مصاب وانتي لا راح اتعوفيني انعزل ابوحدي

حــرز سكتت اشوي افكر بسواله كتله وانا امثل ابرود: اي اعوفك نفسي وصحتي اهم من اي بشر... كلتها ودرت وجهي لجامه مالتي انتبهت عليه بس هز راسه وعض شفته وسحب نفس بقوة من الجكارة ونزل الجامه وشمرها بدون ما ينطق بحرف

ضليت ساكته وهو هم ساكت
رجنه البيت ضـيـغـم واني مقررة ارجع لشقه مالتي

نزلت من سيارة بسرعه للغرفه الخارجيه
دخلت كبل للغرفه سديت الباب بسرعه
ماريده بعد يتقرب مني لحد الصبح اروح الشقتي احسن

ذبيت ملابسي الي لابستهن ولبست غيرهن ولميت شغلاتي الي جبتهن وياي فجئه
دخل عليه وعينه ع الجنطه

زامخ وهو عاقج حواجبه: خيرر شجاي اتسوين

حــرز سحبت كمامه جديده ولبستها وحجيت بدون ما اباوعله: شجاي اتشوف جاي الم اغراضي
باجر اريد ارجع البيتي

زامخ وهو يتقرب عليه كال وهو يتخصر: شيسموها هاي بله باوعيلي من احاجيج وشكو لابسه كمامه حضرتج انتي ما عديتيني قبل تعديني هسه... كالها وسحب ايدي حته اباوعله