نـفس الضـيـغـم "باللهجة العراقية"

"نـفس ضيغـم الرابع والعشـرون"

اللهم صلِّ على محمد وآل محمد
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
"نـفس ضيغـم الرابع والعشرون"
ــــــــــــــــــــــــــــــــــــــــ

نـفـس 

فتحت عيوني واني احس
راسي بي وجع بس احسن من
قبل باوعت المكان مغوش بعيوني
وكلشي كدامي ابيض بالاول
عبالي ميته انخمش
قلبي كلت متت بدون ما احجي الضـيغم كل شي حسيت بشي
يتحرك يمي حجيت بدون وعي: اني عايشه

حسيت بضيـغم كدامي يحجي
بلهفه اتكسر قلبي من كلامه وخوفه
ولهفته

نـفـس بحسرة: اني جذبت عليك بهوايه شغلات

ضـيـغـم فتحت عيوني بتركيز وهمست: شني

نـفـس بدموع: شفته رحت شفته اهناك
شفت بابا

ضـيـغـم بصدمـة وهو يبعد روحه عني:شجاي تحجين

نـفـس حجيت بوجع: راسي ضـيـغـم.. حجيت وغمضت عيني بوجع

حسيت بي رجع اتقرب عليه وهو يهمس وايده ع راسي: اهدي نفس اهدي بعدين نحجي ونتفاهم .. كمل وكام طلع براة الغرفه

فتحت عيوني بحسرة شراح اسوي
بس لازم استغل الوضع الي اني بي
يجوز بهاي اللحضه راح يشفق عليه ولو اشوي اذا عرف

ضليت افكر بالموضوع وشلون راح
احجي وشلون ابلش ويا راسي زاد وجعه غمضت من حسيت باب الغرفه
مفتوح

سمعت صوته وصوت بنيه ويا
فتحت عيوني اجت عليهم واكفين يسولف الها عليه وهي الابتسامة
من الذان لذان رفعت تك حاجب
ونسسيت ابو الوجع

حجيت بصوت امثل الوجع شهكت: ضـيـغـم راسيييي

ضـيـغـم اتقدم بسرعه وهو يكض ايديه: حبيبي هسه الدكتورة تنطيج
شي يريحج صبري اهدي شوي.

نـفـس بس هزيت راسي وسكتت بس وجهي يمثل الوجع.. بداخلي اكول شوكت تبطلين تمثيل هههه فلك...

اتقربت هاي الي ع اساس دكتورة
وكفت قاست الضغط مالتي وفحصتني
بدون ولا وحرف لحد ما خلصت
فتحت الاوراق الي بيدها كالت بهدوء:اختي عندج ضـغط ولازم اتراجعين دكتور اختصاص حته يكتبلج علاج مناسب حته لا يصير عندج مزمن وان شاء الله بس يومين ونكتبلها خروج بالسلامه

نـفـس هزيت راسي بهدوء وعيني عليها من دارت ع ضـيـغـم وكملت ببتسامه هادئ: اذا اتحبون انطيكم اسم دكتور مناسب

ضـيـغـم ببتسامه وهو عينه ع نـفـس الي رافعتله تك حاجب: ياريت ورحم الله والديج بس لو دكتورة اختصاص افضل

الدكتوره بهدوء: ليش شنو الي يفرق

نـفـس جاوبتها بهدوء: شكرا دكتورة تعبناج حبيبتي