نـفس الضـيـغـم "باللهجة العراقية"

"نـفس ضيغـم العـشـــرون"

اللهم صـلِ
على مـــــحــــمـد
وال مــــــــــــحمد
.

🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽

.

"نـفس ضيغـم الـــــــعشـرون"

ــــــــــــــــــــــــــــــــــــــــ

حــرز

فتحت الباب انصدمت طركاعه كلت وانا فاكه حلكي: ضـيـغـم؟؟؟؟

ضـيـغـم بهدوء وحرج: صباح الخير خويه اعتذر اجيت بهل الوقت بس احم اجيت اشوف نـفـس

حــرز بلعت ريقي واشرتله يدخل
وبعدت عن الباب اشوي

وهو اتخطاني بدون ما يطخ بيه
وعبر خطوتين ووكف سديت الباب
ودخلت شفته واكف وعينه
بعين زامخ وواحد يخوزر بالثاني

ضلو دقايق وهما ع هل الحاله
اتنحنحت حته ينتبهون: احم اتفضل خويه اتفضل

باوعلي ضـيـغـم بنضرة ما عرفت افسرها وحقه يعني شيسوي زامخ
وياي بالبيت ومن الصبح

بلعت ريقي من شفته
كعد وحط رجل ع رجل بكل
غرور وكال وهو يباوع ع زامخ الي كعد نفس كعده ضـيـغـم وعينه بعينه: شعندك اهنا

زامخ ابرود: ما يخصك

ضـيـغـم ابتسم تك خد: شني الي ما يخصني انت ابيت مرتي كاعده بي
وبعدين انت صاير كلش ما تستحي
احنه من شوكت ندخل البيت بي بنات ما يقربلنه

زامخ ابرود رجع سواله لفه كيمر عرب ويشرب جاي يشفط شفط صجيجه

ادخلت اهنا اني: خويه مو هيج
هو اجه علمود يبلغني بشغله اني كلفته بيها والله مو شي ثاني

ضـيـغـم بهدوء وما رفع عينه عليها: خويه انتي صديقه مرتي واختها يعني اختي اعرف اخلاقج شني ما يحتاج اتبررين شي بس انا اعتب ع هذا
الطلي

حــرز اباوع ضـيـغـم مشتعل من العصبيه وزامخ ثلج ولا عبالك
الحجي عليه ملتهي ياكل بدون ولا حرف استغربت من الحاله الي بينهم

اخذت القوري الجاي حميته وانا افكر
بنفس وين راحت استغفرالله
عافتني بين هذولي الثنين شلون
راح اتصرف وهما ثيران واحد بارد والثاني مشتعل

حمه الجاي طفيته وحضرت الاستكانه
حته اصب واسمع ضـيـغـم يصيح
عفته وطلعت شفت زامخ طابك
ضـيـغـم ع الحايط فلك فلك