اللهم صلِّ على نبينا محمد وعلى آله الطيبين الطاهرين...
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
"نـفس ضيغـم الثـامن والعشـرون"
ــــــــــــــــــــــــــــــــــــــــ
نـفـس..
فزيت ع الباب بتفلش طفرت
بفزع كمت بالكوة اسحب النفس
اريد اركز ماكو اباوع محد بالغرفه
الجربايه فارغه لا ضـيـغـم ولا نونو
ركضت للباب واني اعثر بالغراض
لحد ما وصلت للباب فتحته وشهكت بقوة من لكيت مسك بوجهي كتلها بعصبيه: شبيج انتي مخبله اكو واحد يدك باب احد هيج وجه السطل
مسك وهي تدفعها وتدخل للغرفه وعيونها ع الجربايه كالت بقهر: نايمه ويا ع نفس الجربايه شكد ما تستحين انتي
نـفـس سحبت نفس حته اهدء اشوي ودرت عليها: عمي اني وحده ما استحي نايمه ع جربايه رجلي
وع نفس فراشه ومتغطيه ويا بنفس الغطه.. سكتت اشوي ورجعت كملت بخبث.. وازيدج بعد نازعه كل ملابسي كدامه وهو نفس الشي بله عليج شايفه هيج ناس ما يستحون مثلنه
مسك بعصبيه: حقيرة انتي وماكو احد رباج
نـفـس رحت كعدت ع الجربايه وخليت رجل ع رجل وكتله واني ابتسم تك خد: اي طبعا محد لحك يربيني جانو ملتهين يربونج عيني
مسك عضت ع شفتها وكالت: جدي ينتضرج بمكتب ضـيـغـم.. كالتها وطلعت من الغرفه شايطه
نـفـس عيني عليها من طلعت
غمضت عيوني بنعاس ميته اوفف يا نونو ووين فلك
كمت نزلت جواة سمعت صوت ذاكر
وجـمر مديت راسي عليهم لان نسيت شالي فوك بلوعت الهم وابتسمت جـمـر مخليه نونو بحضنها اتلعبها وتكركر وياها وهي كاعده ع القنفه
وذاكر مكومز كدامها بالكاع وعينه عليها وابتسامته من الذان لذان خرب يومه شكد مفضوح
سحبت روحي ورجعت للغرفه دخلت الحمام سبحت حته اتنشط اشوي لان
مسطورة نعس والساعه بعدها 9شكول عليج يمسك انتي وجدج البومه
سبحت وطلعت غيرت ملابسي ونشفت شعري بالخاولي ورتبت وجهي وعدلت الغرفه كلش خلصت بال11 ويا دخلت جـمـر عليه وهي خايفه كالت: ولج همزين كاعده شوفي هاي بس تبجي مادري شتريد
نـفـس ابتسمت واخذتها منها: سويتيلها ممه شي
جـمـر بتوتر: لا والله ماعرف
نـفـس ببتسامه: عادي تلكيها جوعانه
تراة حته اني ما اعرف الها لا عبالج هههههه.. كملت وخليت الممه بحلكها
جـمـر وهي تكعد يم نونو ع الجربايه: هههه الله يعينها كلنه ما انعرف بس صديقتج حــرز اتعرف شفتها قبل من اجتنه شلون مهتمه بيها احسن منه هههه
أنت تقرأ
نـفس الضـيـغـم "باللهجة العراقية"
Romance.. ماذا لو كانت هي المسيطرة وهو المربك ولكن...؟ .. ماذا لو كانت هي المخططة وهو المنفذ من دون علم ولكن...؟ .. ماذا لو كانت هي الخاطفة وهو المخطوف...؟ .. ماذا لو كانت هي العاشقه منذو زمن بعيد وهو لم يعلم عنها شي ...؟ .. ماذا لو كانت نار الانتقام...
