نـفس الضـيـغـم "باللهجة العراقية"

"نـفس ضيغـم الثـالث والعـشرون"

اللهم صلِّ على محمد وآل محمد

.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
"نـفس ضيغـم الثـالث والعشـرون"

ــــــــــــــــــــــــــــــــــــــــ

نـفـس

دخلت للمحل بسرعه من شافني وكف ع حيله وابتسم جان اكو واحد لابس اسود من فوك الجواة ومنطي ضهرة للباب

ما اهتميت كتله: اريد عنوان احمد

كال: بالاول سلمي حته احنه عشرة وبينه اسرار.. كالها وابتسم بخبث

نـفـس باوعتله بحتقار: عمرنه ما جنه عشرة وحلكك سده واكتبلي عنوان المغضوب ع عمرة احمد لا وال...
وقبل لا اكمل سمعت اخر صوت ما
مستعده اسمعه هسه انفجعت....

وانا اشوفه اخر شخص متوقعه
اشوفه نطقت بصدمه: بابا

احمد ببتسامه خبث وهو يتقرب عليها: عيون ابوج انتي... كالها وشبكهابقوة..

نـفـس وكفت بين ايدي وانا
مصدومه مادري احس اتبنج
كل جسمي كل خليه بجسمي
تصرخ حته اتحرك بس ماكو
ما جاي اكدر

اباوعله اتقرب شبكني الفترة
بعدين وخر وهو يبتسم عرفت
هاي الابتسامه الي جنت مخدوعه
بيها طول حياتي

سحبت نفس قوي وكلت ابرود: جـمـر وذاكر وين

احمد بتمثيل وهو يكض ايدها ويتلمسها: بابا نفسي شلونج
يعمري والله مشتاقلج اعرف هسه انتي متوترة بس صدكيني ايدي ابيدج ناخذ حقنه من بيت السلطان(جد ضـيـغـم)

نـفـس ولا كان سمعت رجعت حجيت وانا اسحب ايدي منه بنتر: اخر مرة اسال جـمـر وذاكر وووووين

احمد يحاول يهديها: انتي حبيبه
روحي احبج اكثر من ابني الي من صلبي

نـفـس رفعت تك حاجب وابتسمت: مممم لا واضح زين هسه شتريد
ممم احد كلك حبني؟

احمد بضوجه: شبيج تحجين هيييج هااا.. سكت ورجع كال بعصبيه... لو صدكتي كلام ضـيـغـم الحـيوان

نـفـس حاولت اسيطر ع روحي علمود جـمـر وذاكر: تدري بيه ما اصدك شي بدون دليل مرة وحده صدكت بدون دليل رحت لتهلكه برجليه

احمد دار وجهه عنها وهو فاهم شنو تقصد شاف ما كدامه غير يحاجيها
بكل وضوح كال بكل حقارة: هه انتي تراة ماخذة بروحج مقلب تراة انتي
مجرد ورقه استخدمها حته انتقم من السلطان جدج