Mga Tula Ng Pusong Sawi | ✓

MTNPS06

***

Kumusta na kaya ang pusong mapaglaro
Nag-aalala sa kasalukuyang estado nito
Hindi natatakot na sundan lang ang bugso
Parang hindi nadadala na masaktan ito

Ganito nga ba talaga kapag nagmamahal
Walang pakialam kahit mukhang tanga na
Lunod sa pakiramdam ng may minamahal
Kahit na alam namang maling umasa pa

Naghihintay ang pusong mahalin mo pabalik
Ang hangarin na ito ay isang halik sa hangin
Gayunpaman ay heto ako't patuloy na umiibig
Ilang beses pa mang masaktan sa iyong lingid

Isang laro na hindi ko na sana sinubukan pa
Ngayon tuloy ay nagdurusa sa pagmamahal sa'yo
Maling tao pala ang bingyan ko ng atensyon
Sana nga'y sa tamang tao nalang ako nahulog.

***