🌻🌀 لو عرفتموة 🌀🌻
🍥حلقتبن 51 ... 52 🍥
🔅حلقتين 🎀
🔅 الحلقة 51🔅
يلا صلوا على النبى 🙂
رحله الإسراء و المعراج من الارض للسماء (ج2)
قم يا محمد إلى لقاء الله
امس وصل سيدنا جبريل و النبى عليه الصلاه و السلام للمسجد الاقصى و كانوا راكبين البراق، فقال سيدنا جبريل: يا محمد انزل.. عارفين النبي ﷺحيعمل ايه؟ النبي نزل و راح رابط البراق فى عمود من عواميد المسجد الاقصي، بتربطه ليه يا رسول الله، ده ربنا خلقه مخصوص من أجلك وهيختفي بعد رحله الاسراء والمعراج..،وربنا هيحفظه ليك اكيد..ليه بتربطه؟ سيدنا النبي ﷺ قمه فى التوازن،، قمه فى الربانيه، ربنا رايد مننا اننا ناخد بالاسباب و فى نفس الوقت نتوكل على الله ..
النبى ﷺ حيتصرف بقمة الواقعيه . دي قوانين الدنيا ،هوه ينفع اسيب السيارة مفتوحه واقول انا حتوكل على الله ..ربنا حفيظ؟
..لأ..لازم اخذ بالاسباب واقفلها..و مينفعش أقفلها و أقول انا متأكد ان السيارة مش حتتسرق لانى قفلتها . ليه مينفعش؟ لان لازم تبقى مؤمن أن ربنا على كل شئ قدير و مفيش شئ معصوم من قدر الله..الصحابه بيقولوا كنا نري النبي ﷺياخذ بالاسباب حتي نقول انه لا يتوكل على الله،،وكان يتوكل على الله حتي نقول انه لا ياخذ بالاسباب..حبيبنا سيدنا النبي ﷺ كان قمه فى التوازن..
يربط البراق ويقول له جبريل: ادخل يا محمد ..طيب مين اللى بيحكم فلسطين فى الوقت ده؟ الرومان ،فطبيعي المسجد الاقصى يبقى مهجور ومفيهوش حد و مضلم ..لكن تتفتح ابواب المسجد الاقصي وينظر النبى ﷺ و يندهش المسجد مليئ على اخره .. والمسجد كله منور ،طب مين اللي فى المسجد ؟ كل الانبياء من ادم عليه السلام إلي عيسي عليه السلام،، ومتنسوش قال تعالى :" وَرُسُلًا قَدْ قَصَصْنَاهُمْ عَلَيْكَ مِن قَبْلُ وَرُسُلًا لَّمْ نَقْصُصْهُمْ عَلَيْك".. والنبيﷺمبهور وجبريل بيعرفه على الانبياء و هم واقفين فى صفوف منتظرين الصلاه .. كل الانبياء مسلمين يعنى كلهم موحدين ،قال تعالى:" لِكُلٍّ جَعَلْنَا مِنكُمْ شِرْعَةً وَمِنْهَاجًا "..طريقه العباده مختلفه بس الاصل هوه التوحيد بإن لا إله إلا الله و يبدأ جبريل يقول للنبى ﷺ تقدم للإمامه ..
النبى ﷺ واقف قدام ابراهيم خليل الله و عيسي روح الله وموسي كليم الله ،النبى غير متخيل انه يكون الإمام ..و جبريل يقوله مرة اخرى: تقدم يا رسول الله للإمامه و يوقف النبى عليه الصلاه و السلام إمام و صلي بالأنبياء ركعتين من صلاه المسلمين،، وده قمه التشريف للنبي عليه الصلاه والسلام كأن ربنا بيعرفنا ان الانبياء كلهم حيعطوا راية البشريه للنبى وانه هو الرسول الخاتم..الرسول عليه الصلاه والسلام مره قال: لو كان موسي حيا بيننا، ما وسعه الا اتباعي (يعنى لو كان حى كان زمانه اتبع رسول الله و دين الإسلام )
و تخلص الصلاه و ياخد جبريل النبى و يطلع خارج المسجد الاقصى.. فيحضر جبريل إنائين واحد فيه لبن و الإناء التانى فيه خمره ويقول جبريل :يا محمد اختار (على فكره الخمره فى الوقت ده كانت غير محرمه علينا ) فاختار سيدنا النبي اللبن ..ففرح جبريل وقال: أهتديت إلي الفطره يا رسول الله وهديت امتك اليها..،كل يوم بنقع فى الاختيار بين الحرام والحلال اللبن رمز النقاء والصفاء والخمر رمز المعصيه ..و الحلال واضح و الحرام واضح لينا.
حاليا هيطلع النبى و جبريل للسما بس قبلها جبريل حياخد النبى و حيطوف بيه على اهل المقابر حيشوف فيها ناس بتتعذب و يعرف نهايه ابو جهل هيكون مثلهم و حيشاهد ناس بتتنعم حتى تطمئن يا رسول الله علي سميه (فكرينها؟ اللى ماتت من تعذيب ابو جهل ليها عشان تكفر بدين محمد ) و تطمئن على اللى ماتوا و حيموتوا و تعرف ان وعد الله حق انهم حينعموا بالجنه. حتى ﻻ يحزن حبيبنا النبى ﷺ علي حد بعد الحين..
فيمر النبي ﷺ على قبر ويقول: رأيت أناس يخمشون وجوهم وصدورهم بأظافر من حديد ..وقال من هؤلاء يا جبريل ؟ فرد جبريل و قال : هؤلاء ياكلون لحوم الناس (الناس اللى بتغتاب) قال تعالى:" أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ" و يمر على قبر اخر فبيقول : رأيت اناس تقرض شفاتهم بمقاريض من نار ،فيقول لجبريل من هؤلاء؟ فيقول: خطباء امتك يا محمد يقولون ما لا يفعلون، يأمرون الناس بالمعروف ولا ياتوه وينهونهم عن المنكر وياتوه،فيمر على قبر تالت فيلاقى فيه سيدنا موسي قائم يصلي فى قبره (المفروض مفيش تكليف فى القبر لأن الاعمال بتترفع بعد الموت) فقال النبى عليه الصلاه و السلام: يا جبريل أهذا موسي ؟ قال نعم فقال النبى: وماذا يفعل ؟ فقال جبريل: يصلي إلي ربه فقال النبى :و لما ؟
⤵️⤵️⤵️⤵️
فقال جبريل : إن موسي كان شديد الشوق إلي ربه فعندما مات قال للملائكه أريد أن أرى ربي؟ فقالت الملائكه: لا (وموسى هو كليم الله ) فنادي ربه و قال يارب ان لم الاقيك حتي ادخل الجنه فأذن لي أن أصلي لك فى قبري حتي يهدأ الشوق فى قلبي.. فأعطاه الرب هذه المنحه إلي يوم القيامه ... الله شايفين ♡ سيدنا موسي اللي قال: وَعَجِلْتُ إِلَيْكَ رَبِّ لِتَرْضَى..موسي مش قادر يصبر على لقاء الله...وبعدها النبى عليه الصلاة و السلام شاهد قبر طالع منه ريحه جميله ،،فيقول رائحه من يا جبريل ؟ فيقول جبريل عليه السلام هذه رائحه ماشطه ابنه فرعون، فيسأله عليه الصلاه والسلام من ماشطه ابنه فرعون؟ فيحكيله جبريل قصتها
حنعرفها دلوقتي إن شاء الله <3
🌷🍃🌷🍃🌷🍃🌷🍃🌷
#لو_عرفتموة
