🌻🌀 لو عرفتموة 🌀🌻
🍥حلقتبن 41... 42 🍥
🔅الحلقة 41🔅
يلا بينا صلوا على النبى 🙂
هجرة المسلمين للحبشه (ج5)
النجاشي ملك الحبشه حب المسلمين من أخلاقهم و حب الإسلام لأن أجمل طريقه للدعوة إلى الله هى الدعوه بالأخلاق و فعلا النجاشي أسلم فى السر و أتعلم الصلاه و بعت للنبى ﷺ رساله وقال : يا رسول الله أنا أسلمت فهل تقبل مني أن أخفي إسلامي؟ فقال رسول الله ﷺ: أجل أقبل.. و بعد كده فى ناس من حاشيه النجاشى شكو فيه و سمعوه مره و هوه بيصلى.. فيتقسم جيش النجاشى لنصفين نصف مع النجاشي و نصف ضده ،فيخاف النجاشي على الصحابة .
و يبدأ يشتري سفن و يملاها أكل و مياه و فلوس و يقولهم اركبوا السفن و روحوا في عرض البحر و أفضلوا أسبوع بعيد، و بعد أسبوع تبعتولي مرسال لو عرفتم أنى أتقتلت أوعوا تيجوا الحبشه عشان حيقتلوكم و لو عرفتم إنى أنتصرت فبسرعه أرجعوا..حتلاقونى فى إنتظاركم وفعلا يركب الصحابة السفن و بيقولوا : كنا ندعو للنجاشى ليلا و نهاراً أن ينصره الله ..و بعد أسبوع أرسلنا المرسال فوجدناه انتصر فرجعنا إلي الحبشه و والله ما فرحنا بشيئاً بعد فرحتنا برسول الله ﷺ كفرحتنا بإنتصار النجاشي .
بعد كده لما حينتصر النبي ﷺ في بدر، حيبعت النبى للنجاشي جواب يقول فيه: أيها الملك أبشرك إننا انتصرنا في بدر . والنجاشى ساعتها لما اخذ الجواب رفض أنه يقرا الجواب و هوه قاعد على العرش و باس خطاب النبي :')♡ و نزل يقراه و هوه قاعد على الأرض إجلالا و توقيرآ لكلام النبي صل الله عليه و سلم و لما قرا النجاشى أن النبي ﷺ انتصر ، سجد لله شاكرا و بشر الصحابة بنصر النبي
الصحابة حيعيشوا فى أمان فى الحبشه لمده 12 سنة، وفى السنه 7 هجريآ يعنى بعد 7 سنين من هجره المسلمين مع النبى من مكه للمدينه حيبعت النبي ﷺ جواب للنجاشي يقول فيه: أيها الملك جزاك الله خيرا رد علي أصحابي، فيفرح الصحابه جدا و يلموا حاجتهم.. أخيرا راجعين لحضن النبى عليه الصلاه و السلام :') ♡ و حيرجعوا فعلا زى ما حنشوف بس هيبقوا مش عارفين يعني ايه اذان و لا يعني ايه مسجد ولا يعرفوا ان الصلوات بقت خمسه فى اليوم ، طيب ليه مرجعوش فى وقت هجرة النبى ﷺ مع المسلمين من مكه للمدينة أو بعد الانتصار في غزوه بدر مثلا ؟ دول حيمشوا من الحبشة بعد غزوة خيبر يعني بعد 7 سنين من الهجرة من مكه إلى المدينة ، طيب ليه يا رسول الله ؟
لأن لحد صلح الحديبية كان النبى خايف يحصل حرب و إبادة للمسلمين فى المدينة فكان عايز يبقى المكان فى الحبشه معانا احتياطي عشان لو انتهت المدينة فيكون في مكان تاني ينطلق منه الإسلام مره تانية أما بعد صلح الحديبيه النبى ﷺ بقى مطمن ،عامل معاهدة صلح مع قريش فخلاص مفيش لزوم يفضل ال100صحابى فى الحبشه .وساعتها النبى حيبعت لهم عشان يجوا على المدينه :') ♡..
بس وسط الفرحه دى حيحصل شئ حزين أوى لما النبى حيبعت جواب للنجاشى يطلب منه أنه يرد الصحابه فيفرح الصحابه جدا و يلموا حاجتهم و أخيرآ هنرجع للنبى ﷺ.. بس للأسف النجاشى مش هيهاجر معاهم طب ليه؟ عشان يطمن علي الصحابه و يتأكد أنهم و صلوا المدينة أمنين و بعد ما يوصلوا هيهاجر. فيمشي الصحابة و النجاشى يأمن لهم الطريق لحد ما يوصلوا ، و في الليلة دى يبات النجاشي حزين لفراق الصحابة و فجأه يموت، و في الليلة دى نزل جبريل على رسول الله صلى الله عليه و سلم و يقول له: يا رسول الله قم من نومك و أيقظ أصحابك ..مات أخاكم "أصحمة" مات النجاشي 😢 ..قوموا فصلوا على صاحبكم
و يقوم النبي عليه الصلاه و السلام و يبكي و يصحي كل الصحابة من النوم و يصلوا علي النجاشى صلاة الغائب ، ملحقش النجاشى يكون صحابي لأن عشان تبقى صحابى لازم تشوف النبى ﷺ بعينيك ،ضحى النجاشى بإنه يكون صحابى عشان يحمي أصحاب رسول الله صلى الله عليه و سلم
نكمل الحلقه القادمه إن شاء الله ❤
🌸🌺🌸🌺🌸🌺🌸🌺🌸🌺🌸
#لو_عرفتموة
