وخلف زجاج غرفة العناية المركزه كانت نجود غائبه في عالمها الغريب اسموها الغيبوبه غير عالمه ولا مدركه لبكاء أمها وعائلتها موصله بالاجهزه والاسلاك القلب الحياه العقل وغيرها
جميله (تصيح) : ياليتني وقفت قدام الكل وقلت لا
مهند : ليتنا سافرنا باريس ولا جينا هنا كان ماصار فيها شي
وبعد دقايق صمت أمام زجاج غرفة العنايه....
وصلت عبد الملك : خير وش صار فيها ؟
مهند : ابد من جدي ومنك ومن ابوك شوف كيف حالتها
عبد الملك : تقنعني ان علشان بس فتحنا موضوع الزواج صارت كذا
ابراهيم بستهزا : ابد تبيها توقف وتقول موافقه اقول انقلع عن وجهي لا امسح فيك الارض ترا ماسك نفسي غصب
عبد الملك : ليه وش شويت
ابراهيم : ابد بس انت عارف اني احبها وابيه تقوم تخطبها وتقول تبغى الملكه بسرعه ومافيه زواج خير
عبد الملك تنهد : مين قالك اني ابغى اتزوجها ؟
ابراهيم : مافهمت
عبد الملك امي غصبتني وخيرتني يا اني اتزوج ياني انسى ان لي اهل وقلت بتزوجها شهرين واطلقها
مهند بعصبيه من كلامه : حسبالكم اختي لعبه تاخذها وتطلقها
عبدالملك : لازم عمي يرفض علشان اعيش مرتاح انا ما ابي اختك ولا احبها
__________________
بعد اسبوع على هذا الحال قرر عبدالعزيز انه يرفض هذا الزواج والكل زعل بس ماهمه احد همه الوحيد بنته وابراهيم اكثر انسان كان طاير من الفرحه ان عمه رفض الزواج عكس شيما و وعنود الي زعلو وحقدو زياده
_______
يوم الثلاثا الصباح كانو تعبانين وراحو يرتاحون بعد تعب اسبوع وابراهيم قرر انه يزورها ويدخل يشوفها بما ان الكل راح يرتاح وراح عند الدكتور وطلبه انه يدخل يشوفها والدكتور وافق له
ابراهيم دخل ومسك يدها : قومي ياعيون ابراهيم ارجعي لنا ترا عمي رفض الزواج قومي علشان الي يحبونك قومي واكسر عيون الي يكرهونك تكفين لاتخلينا ولا تخلين ابوك يحس انه السبب جوري قومي اوعدك ماتنزل دمعه منك واوعدك ان الي تبينه يصير لو اوقف في وجيه الكل قومي تكفين
جوري شده على يد ابراهيم بقوه ابراهيم من الفرحه زهم الدكتور وعلمه انها شده يده الدكتور بفرحه : هذا معناته انها تبغى تقوم بس خايفه ولازم الي تحبهم ويحبونها يساعدونها
ابراهيم : الله يبشرك بالخير
راح الدكتور ورجع ابراهيم : جوري سمعتي لازم الي يحبونك يساعدونك وانا اول واحد احبك واموت فيك وبساعدك باس جبينها وطلع وهو الفرحه ماتوصفه
