جوري بنرفزه : يوه ياخي كذب انا بنفسي مو حاسه اني حامل
ابراهيم بستغراب : دقيقه دقيقه حامل صدق ؟
سلمان : ايه حامل وطلع تحليلها يوم الحادث
ابراهيم تفرج في سلمان بضحكه : اطلع برا لو سمحت
وتفرج لجوري وانتي تعالي
سلمان بضحك : ماراح اطلع بنشب لكم
ابراهيم بضحك :نفسي اقوم اصفقك اطلع برا يله
سلمان : يله خمس دقايق وارجع ترا
وطلع وهو يضحك وقابل مهند والشباب
مهند : وش فيك تضحك
سلمان : اه ياخي اخوي واخت حفله
حمد ضحك من ضحكه : لاتقول طردوك
سلمان : بغو يكفخوني وانت صادق
مهند : امشو نداهمهم
سلمان : لا لا خلهم يمكن اختك تقتنع انها حامل صدق
مهند بستغراب : وش سوت
سلمان : تخيل مساعده ابراهيم يمشي واقول لها هاتيه عيت
مهند : مجنونه والله
سلمان : المشكله تقول كذب مو حامل
__________
الجده : نروح نزوره العصر يقول جدكم
فاطمه : وش نسوي معنا طيب
الجده: بسوي عصيده ومرق وقهوه وشاهي
ريم : وانا بسوي كيكه
ديم : بس ابراهيم ماياكل كيك ترا
ريم : اجل وش ياكل علشان اسوي
ديم : مدري جوري هي الي تعرف بس وجوري مو هنا
هدى : لاتعبيت نفسك ياريم ابراهيم ماراح ياكل ترا حتى انتي ياعمه حتى لاتعبين نفسك اعرف ابراهيم
ريم بدلع يغث : افا يا خاله تعبنا راحه
هدى ببجامله : ماتقصرون ديم تكفين روحي جهزي شنطه جوري
ديم : ابشري الحين اروح اجهزها
ريم اشرت لعنود وقامو برا
ريم : اف ذي نشبه مره
عنود : تقهر صح
ريم : مره ودي اصفقها
عنود ضحكت وهي تشوف عبود الي مع عبد الملك : شوفيه خذي حققك
ريم : تكفين جيبه من اخوك سريع
عنود جابته : خذي
ريم: بس بضربه كف اخذ حقي منه امه
عنود : لو تذبحينه بكيفك
ريم مده يدها بتضربه بس انصدمت لما حست بشخص مسكها : والله ياريم لو بس جربتي لا ادفنك مكانك سامعهه
ريم لفت بتئتا : اء اء مهند
مهند : قسم بلاه ياريم لو ماتركتي ولدي وزوجتي لحالهم قسم بلاه اني لا انهيك ترا ماعاش ولا راح يعيش الي يمد يده على شي لي وخاصه اذا كانو عزيزين مثل ولدي وزوجتي فاهمه مو معناته ابراهيم سكت لك تتمادين انا غير وابراهيم غير انا انهي اي احد ياذي زوجتي و ولدي انه تعرفين شمعنا انهيه ولا تبين تجربين علشان نشوف
ديم : مهند انت فاهم غلط ترا
مهند بضحكه شماته : بسوي نفسي غبي المره ذي وبمشيها لك
_______
ابراهيم ببتسامه مسك يد جوري : صدق حامل
جوري : مدري يقولون حامل بس مو مصدقتهم
ابراهيم : ليه
جوري :لان انت سمعتهم لما قالو معاد راح احمل
ابراهيم : بس مو هم مايدرون عن شي رب العالمين اراد انك تحملين
جوري: بس اخاف يطلع كذب
ابراهيم : طيب حللي علشان نتاكد
جوري :حللت هنا بس مو متاكده
ابراهيم: اجل التحليل صح وانتي حامل وراح تصيرين اجمل امي
جوري بيتسامه : وانت بتصير احن ابو في الدنيا وماراح تتركنا صح
ابراهيم : اكيد ماراح اتركم انتم قلبي وروحي وكل شي
مد يده لبطنها : اه ياروح ابوك انت
جوري مسكت يده : يمكن بنت طيب
ابراهيم : مايفرق بنت ولد اهم شي انك انتي امهم
جوري : وش بتسميه طيب
ابراهيم : عبدالله وش رايك
جوري : يجنن واذا بنت شهزلان
ابراهيم : لا بنت ريما
جوري : لا شهزلان احلى ونادر
ابراهيم : تم
دق الباب : يا هوه ادخل
ابراهيم بضحك: تعال تعال
سلمان : والله ترا كانو الشباب بيطبون عليكم بس بفزعتي عيت
ابراهيم بضحك : بسم الله عليك جونسينا على غفله
سلمان : انت اسكت وانتي امسكي
جوري اخذته كيس صيدليه : وش
سلمان : ادخلي حللي علشان تستوعبين انك حامل
جوري : ماراح احلل
سلمان : لا بتدخلين تحلليل وترجعين البيت انا برافق معه
جوري تفرجت في ابراهيم واشر لها تدخل دخلت وهي
خايفه من النتيجه
