جوري بزعل :ماراح ارجع انا شفته معها كانت قريبه منه
جميله: ياقلبي انتي خلاص افهميه وش بيقول طيب
هدى:صادقه امك بس اطلع شوفي وش يبي
جوري : ماراح اطلع وقوليله يخليها تنفعه
هدى بقلت حيله من مشاكلهم : بكيفكم
طلعت هدى وجميله من عندها وهم طفشو من المشاكل وقالو انها عيت تطلع انقهر مرهه ومشى وكان كل يوم يجيهم ومافيه فايده
________
مهند كان في دوامه وكان مركز ويفكر باخته وفي مشاكلهم جاه اتصال من رقم غريب رد: الوو
: الاخ مهند ؟
مهند: ايه سم
:يمكن انك ماتعرفني بس انا اخو ديم من ابوها
مهند : هلا والله ارحب
:الله يحيك بس للامانه متصل علشان شي
مهند : وش ؟
:ابويه عطاك عمره وانت تعرف ديم كيف متعلقه فيه ماقدرنا ندق عليها اتمنى توصل لها الخبر وتجيبها اذا تبي تشوفه
مهند صنم ماعرف يرد وهو بس يقول لا اله الا الله كيف مات ؟
:جاته جلطه
مهند :الله يرحمه ويصبركم
:امين
قفل الخط وهو مصدوم كيف يعلمها وهي امس كانت تقول له بتروح عنده وبتجلس يومين كيف يعلمها انها بتروح توقف في العزا كان مره مهموم طلع من الدوام ومر اخذ اكل وراح البيت وكان ناوي مايعلمها الا لما تاكل وترضع عبود وتروق
ديم شايله عبودي الي جالس يبكي : شوف بابا جاء
مهند حاول يتصنع الابتسامه وقرب:هات حبيب بابه واخذه من حضن ديم : اسمعي حضري الغداء بموت جوا
ديم :من عيوني ثواني بس
حضرت ديم الاكل وجلس واكلو وشالت السفره وجلست : وش فيك ؟
مهند : مافيني شي
ديم : مهند تلعب على كل الناس الا علي وش فيك
مهند ابتسم : هاك ولدك وضعيه نوميه شوفي له حل
ديم : كانه ولدي لحالي
مهند بضحك : اسفين بس رضعيه بيموت جوع
ديم :ترا زعلت وبرضعه لانه فقع اذني
مهند بضحك : ايه معليك اهم شي يشبع ولدي
رضعت ديم وخلصت ولفت عليه : ورضعت ولدك وش عندك
مهند : ماعندي شي
ديم ؛مهند تكلم ترا اعرفك
مهند تنهد واخذ يدها : تدرين ان الشي الي بقوله قضاء وقدر طيب
ديم : طيب
مهند : كلنا ماشين بهذا الطريق وكلنا راح .. قاطعته ديم من ماتتت ؟
مهند سكت كملت تكلم مين مات امي جدي ابويه مينننن
مهند : ابوك
ديم صرخت باعلى صوتها وهي تبكي مو مستوعبه وقامت تضرب صدر مهند وهي تبكي سحبها مهند حضنه وجلس يهديها ويمسح على شعرها يبيها تهدا شوي بس ديم انهارت ورفعت راسها : ودني له الحين تكفي ودني
مهند : ديم ياقلبي اهدي طيب وقام واخذها وساعدها تلبس وشال عبود وسندها ومشو طول الطريق وديم بس تصيح وصلو ونزلت ديم زي المجنوهه وهي تشوف اخوانها متجهزين يروحون يغسلونه ويصلون عليه كانت تحسب ان الخبر كذب طاحت على الارض وهي تضرب بيدينها : ليه تخلينا ليهه يبه ليه ترا ابيك انا ابيك يبه تعال تكفي تعال انت قلت لي ماراح تخلينا ليه رحت طيب ليههههههههه عبود صحى من صياح ديم وقام يبكي تنهد مهند وعطى عبود واحد من اخوان دين ونزل لديم : ديم ياقلبي انتي قومي معي امش ادخلي شوفي عبود قام يبكي خايف منك
ديم بعدم استيعاب وقهر :قامت وهي ترمي تراب على عبود اسكت اسكتتت ابوي مامات ابوي ما ماتت
مهند مسك يدينها بقوه علشان ما عاد ترمي بس ديم قامت تدعي على عبود مهند قدر حالتها تقدم اكبر واحد من اخوانها ومسك وجها : ديم ترا بابا لو درى انك تسوين كذا بيزعل تبينه يزعل ؟ تبينه يشوف بنته تدعي على ولدها ويسكت ؟
ديم ؛ بس بابا ما مات هم قال ماراح يخليني
عبدالله : بس هذا يومه وربي كتب له انه يموت ولو درى انك تسوين كذا بيزعل مره
ديم صارت كانها طفله وهمست :بس انا ما ابيه يزعل كيف
عبدالله : توقفين دموع وتهتمين لعبودي وتهتمين بنفسك
ديم : بس ما اقدر
عبدالله : ديم انتي قويه وراح تقدرين يله ياقلبي يله امشي ندخل
دخلت ديم وعبدالله ويوم شافت الكل يبكي قامت تبكي وتنهار تنهد عبدالله وهو يشوف خالد وهو داخل بعبودي وهو يصيح :ديم خذيه مو راضي يسكت الا معك
ديم اخذته بس مو مستوعبه انه ولدها ورمت على الكنبه انصدمو كلهم من حركتها وركض عبدالله واخذ عبود وطلع برا اما خالد تقدم لها : ديم تدرين وش عطيتك ؟
ديم؛ عطيتني لعبه مزعجه ورميتها
خالد :بس انا عطيتك ولدك مو لعبه
ديم مارده وهي تبكي عرف خالد انها معاد تستوعب وش يعطونها طلع وشاف مهند يهز عبود يسكت مهند: بلاه واحد يمسكه بسوي له رضاعه
خالد :هاتيه
اخذه خالد ومهند فتح سيارته وجلس يسوي رضاعه بس قطع عليهم صوت صياح وكان زوجت عبدالله وهي تقول الحقو ديم طاحت مهند ترك الرضاعه وركض لها جوا وحاول يصحيها لين صحت وشاف وجها الطفولي البري قامت ديم وتمسكت بمهند : ابويه ما مات صح كنت اتحلم صح ورجعت تصيح
طلعو من عند الحريم
عبدالله : يله شباب وقتنا نروح نغسله
مهند : روحو انتو انا بحلس مع عبود
خالد ؛هاتيه ندخله عندهم
مهند : لا ديم مافيها حيل
عبدالله : هاتيه بعطيه بنتي وزوجتي لين نرجع وهات اغراضه
مهند : تكفي قلهم لايعطونه ديم ديم مو مستوعبه شي جالسه ترميه وتاذيه
عبدالله ؛ ابشر
