دخلت البيت معه وشافت كل شي مكانه دخلت الغرفه وشاف الدم الي على الارض وتذكرت كل شي نزلت دموعها بخوف انه يتكرر المشهد عليها شافها ابراهيم وسحبها وجلسها على السرير وقال : ما اشتقتي لي
جوري : مو بس اشتقت الا بموت من الشوق
ضحك ابراهيم وقال : من بعد اليوم معاد بسمع كلمت طلقني اتفقنا
جوري بضحك : وحتى انا معاد ابغى اسمع كلمت بتزوج
ابراهيم ضحك بقوه وكملت جوري : الا وش صار على ذيك
ابراهيم بضحك : ابد خطبتها والملكه بعد اسبوع
جوري بصدمه : ايشش
ابراهيم حب يلعب بعصابها : مو كنتي ماتبيني وش تغير ؟
جوري : ابراهيم لا تستهبل انت تدري انا كنا مسحورين
ابراهيم : والله البنت واهلها مالهم دخل مره صعبه
جوري بقهر : ابراهيم قول لهم ما ابيها سهله
ابراهيم: بس انا ابيها
جوري بغيره : تبينا نتمشكل صح
ابراهيم بضحك : وربي امزح واصلن كان كله فام وجدتي ساعدتني فيه
جوري بقهر : جدتي معك بعد
ابراهيم : ايه وهي الي اقنعتني نلعب عليك
جوري : حسافت دموعي الي نزلت ذاك اليوم
ابراهيم سحبها وهو ينسدح معها : مجنونه انتي اتزوج غيرك انا اموت واحيا على صوتك ودام رجعتي لازم اطلع شوق ثلاث شهور الي راحت
جوري ضحكت بخجل
__________
هدى وجميله كانو جالسين يسولفون
هدى : من يصدق انهم سوا كذا
جميله : حسبي الله عليهم خربو حياتهم الله يخرب حياتهم
هدى : والله عنود ما استغرب دام امها شيما بس ريم
جميله : حبيبتي انا الين الحين مانسيت وش سوت فيني شيما والحين حولو على بنتي
هدى : الله ينتقم منهم ما سلمنا منهم وحتى عيالنا ماسلمو مدري وش دخل الصغير الي راح
جميله: الله يعوضهم ويصلح حالهم
هدى : امين يارب
____
مهند يسولف مع اديم كانت تنوم عبود ايه صح ماعلمتكم ان جاهم ولد وسموه عبدالله على اسم صديق مهند الي توفى والكل تعلق فيه
ديم : حسبي الله عليهم كيف قلبو حياتها في لحظه
مهند : الله يكفينا شرهم بس
ديم : ياحبيبي يا جوري كانت دايم تقول انها تبيه بس اذا شافته تكرها وتصدع
مهند: الحمدالله ان ربي كشفهم بس
ديم : وش بتسون الحين
مهند : والله ما ادري بس ابراهيم حالف ان يقلب الدنيا عليهم
______
سلمان كان يراسل لمى بنت عمه فايز هو يحبها ويموت فيها بس ما يبي احد يعرف عكس ابراهيم الي كانت مشاعره تفضحه سلمان متكتم على حبه في قلبه محد يعرف عنه شي وغيور بشكل يقهر لادرجه انها خلاها تغير تخصصها من تمريض الى رياضيات وكمل شهرين يكلمها بس لين الحين ماخطبها بسس للاسف جوها خطاب وخطبوها كلمته وقالت : سلمان تعال اخطبني ترا انا انخطبت وبابا وماما موافقين
سلمان بصدمه : انخطبتي
لمى : ايه انخطبت مو معقوله اوقف نصيبي ترا
سلمان اخذ نفس : بتوافقين !
لمى : للامانه هو رجال ومكون نفسه وجاء دق باب البيت واهلي موافقين اكيد بوافق
سلمان : شوفي لمى انا ما اقدر اجي اخطبك ودامك انخطبتي الله يوفقك وقفل الخط ودموعه تنزل وكان يسوق سيارته هو مايقدر يخطبها الانه عقيم مايجيب عيال مايبها تتحلم وتخرب احلامها كان يسوق بسرعه جنونيه وهو ماسك خط الجنوب بس للاسف طلعت قدامه ناقه وصدم فيها وطار من السياره الي كانو ماشين وقفو وبلغو واخذو جوالها ودقو على رقم محمد وبلغوه ان ولده صار عليه حادث تجمعون الكل في المستشفى هدى منهاره على ولدها ومحمد بعد منهار وابراهيم حس انه انكسر محد يسانده الا اخوه وهذا هو اخوه طايح كان يبكي ويدعي ان ربي يرجعه لهم طلع الدكتور وعلمهم ان سلمان حالته خطره ودخل غيبوبه ويمكن مايصحى منها ابراهيم انهار وهو يبكي نزلت له جوري وهي تبكي : ابراهيم تكفى قوم معي
ابراهيم : بيروح سلمان ياجوري بيروح
جوري : مابيروح ربي معه بس تكفى قوم لاتسوي بنسفك كذا
ابراهيم ما رد وهو يحط راسه على كتفها ويبكي جوري مدت يدها تمسح على شعره وتسمي عليه وكانت تبيه يهدا بعد نصف ساعه هدا ابراهيم وساعدته يوقف ورجعو البيت وهي تشوفه منكسر حاولت تهديه باشت الطرق بس حتى هي يبغالها من يهديها
______
اما لمى كانت اكثر وحده حزينه كانت تلوم نفسها انها السبب ودخلت اكتئاب هي الوحيده الي كانت تعرف سلمان زين كان يضحك معها ويسولف عكس لما يكون مع احد غيرها حست انها السبب يوم تشوف الكل منهار _________
مرة شهرين وسلمان في غيبوبه بعد اسبوع صحى سلمان وكان جداً تعبان وطلب منهم الدكتور انهم ما يطولون في الزياره وعلى الساعه ١٢ باليل جات لمى تبي تشوفه ودخلوها عليه شافته جالس وتعبان بكت وقربت :سامحني
سلمان : لمى انتي مالك دخل
لمى : انا السب انا الي خليتك تصدم
سلمان : والله مالك دخل انا كنت معصب من قبل اصلن بس ممكن اعرف وش جابك الحين
لمى : جيت اتطمن عليك
سلمان : لمى تكفين ارجعي ما ابي يصير لك شي تكفين
لمى طلعت من عنده وهي تشوف كيف تغير توقعت انه عرف انها وافقت بس سلمان ماكان يدري ان لمى وافقت وان ملكتها بعد اسبوعين
_____
طلع سلمان من المستشفى وسوت محمد عيد سلامه له واجتموع كلهم وقال فايز : دامكم مجتمعين ترانا حددنا الملكه
الجد : متى حطيتها
فايز : الخميس الجاي
سلمان : ملكت من ؟
فايز : لمى بنتي
سلمان تجمد مكانه من الصدمه ماتوقع انها وافقت استاذن وطلع الحوش يشم هوا
___
جوري صبت القهوه لهم وجلست جنب ديم وهي تسولف وقطع عليهم صوت شيما : اشوفك ياجوري سمنانه شوي لايكون حامل
ضحكت جوري : لا مو حامل ماجلين الموضوع مره وحده
شيما : ترا المفروض معكم نونو الحين
جوري : المفروض بس راح والحين مره بدري اني احمل ابي اعيش حياتي شوي مع ابراهيم بدون اطفال
ديم : ايه والله عيشي حياتك وسافري وانبسطي لان الاطفال ماوراهم الا القلق
جوري : اكيد حبيبتي بستانس واسافر وبعدين افكر احمل
ريم قامت من عندهم تبي تقابل ابراهيم وطلعت عنده قي الشقه حقته وحصلته عند الباب : سلام
ابراهيم بقرف من شكلها ولبسها : وعليكم السلام
ريم: كيفك
ابراهيم : ريم وش تبين
ريم : شدعوه ما ابي شي
ابراهيم قرب لها : شوفي ترا حركاتك ولعبك ماتمشي علي وترا لين الحين سالفت السحر مانسيتها
جوري كانت شاكه ان ريم بتطلع لابراهيم ولحقتها وجلست تسمع وش يقولون
ريم : ابراهيم انا احبك
ابراهيم : وانا ما احبك انا احب زوجتي الي حاولتي تسحرينها
ريم قربت له تبي تبوسه دفها ابراهيم وعطاها كف وبتهديد : وربي يا ريم اذا ماوخرتي عني انا وزوجتي وربي اني الا ادفنك هنا سامعه نزل مع اول درجتين ورجع من تذكر انه ماقفل الشقه : ترا مو راجع علشانك راجع علشان اقفل الشقه لان دام الساحره موجوده عندها ما اضمنها نزل وشاف جوزي في الدرج وانتبه ان ريم نزلت وراه حضن جوري وقال : اشتقت لك
جوري بضحك : توك شايفني
ابراهيم : لان محد يشبع منك وايه اقري اذكارك وحصني نفسك دام السحره موجودين ابراهيم تعمد انه يقول كذا يبغاها تسمع يبغتها تبعد عنهم
