دخل عبدالله عبود ووصاهم عليه وهم طالعين لحقتهم ديم مهند تنهد يوم شافها :ديم وش فيك
ديم ببكي : ابغى اشوفه تكفون ابغى اشوفه
مهند: ديم ادخلي داخل
خالد : خلها تجي تشوفه وانا برجعها هي الوحيده الي ماشافته
مشو السياره وركبو وهم متوجهين للمغسله عبدالله بتذكير : شباب احد كلم محمد وريوف ؟
خالد :محمد جاي بس ريوف ما دري
علي: ماكلمتها انا
عبدالله : مهند دق على احد يعلمها ويجيبها
مهند :ابشر الحين ادق
طلع جواله ودق على سلمان : الو
سلمان : هلا
مهند : اسمع بلغ الكل ان عمي سعيد توفى وعلمو ريوف وجيبوها
سلمان بصدمه ؛الله يرحمه ويجبر قلوبكم ومحمد وينه
مهند : جاي بس ماقال لريوف
سلمان : تمام وقفل الخط وتوفه المجلس شافهم كلهم مجتمعين وقال : بقول لكم شي
الكل وش
سلمان : عمي سعيد توفى
ريىف وقفت من سمعت اسم ابوها ونزلت دموعها :سلمان وش قلت ؟؟
سلمان :ريوف اهدي
ريوف بانهيار : وش قلتتت تكلم
سلمان : ريوف ادعيله برحمه
ريوف طيحت نفسها على الارض وصرخت باعلى صورها : اههههههههههه
قربو منها البنات لمى :ريوف اهدي تكفين ذا يومه
جوري ببكي:ريوف لاتسوين بنفسك كذا تكفين اهدي
وريوف وفعت راسها وهي تسمعهم كلهم يقولون اهدي : كيف اهدى علموني كيف كيف وهو كان احن البشر علي ماكان ينام لين يكلمني ماكان يسافر لين ياخذنا ماكنا نمرض وماكان يعالجنا كان كان يقول انتو قويات ماراح يكسركم شي قو انفسكم وسكتت وهي تبكي
فاطمه قربت لها وهي تاخذها لحضنها :بس يمامه بس
ريوف رفعت راسها ودفت امها ؛ وخري عني وخري لو ماتطلقتي من بابا كان حن كل يوم نشوفه وخري عني بسبتك انا ماشبعت منه
فاطمه بصدمه بس قدرت موقف بنتها :ريوف ماما بابا راح للي احسن مني ومنك
ريوف وهي تصارخ : بس بس بابا ما ماتتتت ودوني له ودوني له
سلمان : طيب قومي يله اوديك المطار لان خالد حجز لك
ريوف وهي تبكي :كان بابا الي دايم يحجز لي
وطلعت تلبس عباتها ومشت وقرر الجد انهم كلهم يمشون العزا
_______
دخلت تشوف ابوها وساندينها خالد ومهند وهي تشاهق بكي اول ماشافته : بابا بابا قول لهم انك حي انت قلت ماراح تتركنا بابا تكفي قوممممممم تكفى وطاحت وهي تبكي علو صدره خالد نزل عندها : ديم قويم يله نرجع
ديم : ماراح اترك بابا لحاله
خالد: بابا معه ربي يله معي قومي
قامت ديم وهي تشاهق وهم طالعين قابلو محمد الي توه واصل ديم اول ماشافته ارمت بحضنه وهي تشاهق
محد تنهد : ديم بابا تكفين خلاص
خالد؛ يله ديم نمشي يله
خالد اخذ ديم ورجعها ورجع المغسله
وصلت ريوف واخذت تكسي وراحت بيت ابوها اول مادخلت وشافت اخوانها الي توهم واصلين والناس معهم ركضت لهم زي المجنونه : قولو لي ان بابا ما ماتت تكلمو
محمد: ريوف حبيبي ادخلي داخل فيه ناس
ريوف : محد يهمني الي يخمني بابا دفنتوه صح حطيتو فوقه التراب
خالد هز راسه بايوه
ريوف : ليه ليه تدفنونه ليه تخلونه لحاله ودوني له ابي اشوفه تكفوننن
محمد سحبها لحضنه وجلس يمسح عليها
واخذا داخل دخلت وشافت ديم وركضت حضنتها وبكو سوا كان منضرهم يقطع القلب بس وهم يحضنون بعض ديم رفعت راسها من سمعت بكا عبود وشافت بنت عبدالله تهزه وبتطلعه برا قامت وافتكته منها : اسكتتت اسكتت مابي اسمع صوتك اسكتت ليه مارحت انت وخليت بابا يجلسس ليه مافكيتني منك هاه ليههه ليههه
حلا شافت عمتها كذا راكضت تزهم احد يفتك عبود منها وحصلت عمها محمد : عم عم
محمد: هلا حلا
حلا: عم الحق عمه ديم مو في وعيها وعلى عبود
محمد مشى معها ودخل شاف اديم تهز عبود بقوه وهو يبكي مشى بسرعه وافتك عبود منها رفعت راسها: خله خله يموت بدال بابا خلههههههه
محمد مشى وعبود معه وجالس يهزه يبيه يسكت وطلع مهند على صوت عبود : وش فيه
محمد : ديم
مهند اخذ نفس : يا الله هاتيه اخذه من محمد ومشى من العزا وهو يحس انه طاقته انتهت ودخل بيته ونوم عبود وانسدح جنبه هو عقله مشوش من ديم وتصرفاتها
ودخل نومه من كثر التفكير
_______
فاطمه كانت تبكي من كلام بنتها لها وتبكي على سعيد وحست صدق انها هي السبب دخلو البنات
جوري : عمه لاتزعلين من ريوف
فاطمه مثلت الابتسامه : لا ماراح ازعل فيه احد يزعل من ضناه
جوري :اهم شي ماتزعلين
فاطمه : ماراح ازعل بس بزعل اذا مارجعتي لابراهيم وشلتي الدلع من راسك
جوري : عمه انا جالسه اتكلم بموضوع ثاني
فاطمه : وانا اتكلم بموضوع حياتكم يا ماما لاتضيعين حياتكم علشان وحده بالعكس اكسري عينها لاتستسلمين مثلي حاربي علشان حبكم يمامه انتو قطعتو نص المشوار لا تنهون كل شي توا بعدين كل ماشوفين نفسيك تذكرينه
جوري : عمه عادي نقفل الموضوع
فاطمه : لا مو عادي وانا بخليه يعتذر بس لاتخربون حياتكم ترا بتندمين بعدين مثلي
_______
خلص العزا وديم وريوف منهارين بس الفرق ان ديم كرهت ولدها وريوف كرهت امها جاء مهند ياخذ ديم وركبت وشافت عبود جالس ورا على جوال مهند وهمست الله ياخذك ويفكني مهند سمعها ولف عليها : تدعين على ولدك يا ديم ؟
ديم بكره ؛ لاتقول ولدي لاتقول انا ماعندي عيال ما ابيههه
مهند تنهد وهو يستودع الله في عبودي ويتجاهل ديم قدر المستطاع وصلو البيت وشال عبود ودخلو انسدح مهند وحط عبود بحضنه وتلحفو ديم :وخره بنام
مهند ؛نامي احد مسكك ؟
ديم : وخره
مهند : اسف ماراح اوخره انا ابيه
ديم بانفعال سحبت عبود وهي ترميه : ماتفهم انا ما ابيه افهمممم
مهند عصب من حركتها بس طنشها وشاف عبود مرمي على الارض ومغمض عيونه خاف وشاله وطلع بسرعه على المستشفى وسو اشاعات وطلع سليم اخذه ورجع البيت ودخل شافها نايمه تنهد واخذ عبود وانسدح هو في الوسط بينهم ونام
______
جوري جلست برا تفكر بكلام عمتها هل ممكن يروح الوقت وتفقده خاف من الطاري تعوذت من ابليس وقامت وما نامت جلست تنتضر الساعه ٧ علشان تدق وتصحيه لدوامه على انهم متزاعلين بس ماهان عليها
وفعلن جات الساعه ٧ ودقت : الوو
ابراهيم بستغراب وفرح : هلا والله
جوري ابتسمت غصب : قلت اصحيك لدوام
ابراهيم : مهتمه لي ؟
حوري : لا بس جاني تانيب ضمير باي قفلت وهي تضحك
________
ريوف جالسه تبكي وضامه ملابس ابوها وهي مو مستوعبه انه راح وهي ماشبعت منه دخل علي : ريوف حبيبي وش فيك.
ريوف ببكي : مو مستوعبه انه راح خلاص راح وانا ماشبعت منه ليههه ليه راح ليه ماقلتو لي انه تعبانه ليه انا اخر وحده عرفت
علي بحزن على اخته : ريوف حبيبي انتي ماكنا ندري انه بيروح بس ترا بابا وصانا عليك لانك دلوعته وحبيبه قلبه قال لنا اذا صار فيني شي ريوف لاتبكونها واهتمو فيها
تبينه يزعل علينا
ريوف :مو قادره والله مو قادره اوقف بكي
حضنها علي وهو يمسح على شعرها
_________
ديم صحت على صوت عبود فتحت عيونها وشافت مهند يهزه : ياليل ياخي سكته او اقلك ارمه وفكنا
مهند : ممكن افهم وش فيك
ديم : وش فيني مافيني شي
مهند بانفعال : ديممم صحصحي ترا من اول ساكت جالسه تدعين وتضربين وقبل شوي ترمينه ليهه
ديم : لاني ما ابيه
مهند بصوت عالي : وربي مو صاحيه بس من اليوم ورايح اوريك كيف ماتبينه
عبود كان يبكي يبي رضاعه وعيا باقي ياخذ رضاعته لف مهند على ديم : بترضعينه
ديم : ماراح امسكه
مهند صر على اسنانه : ديم بترضعينه الحين
ديم بكره : وع مستحيل ارضعه
مهند : ديم دقايق وتخلصين امسكي رضعينه جالس يبكي
ديم برفض تام : لا
مهند بعصبيه : اش قلت اناا
ديم اخذته بكره وهي ترضعه وماقدرت تسوي شي لان مهند جالس يراقبها خلصت وعطته ها رضعته
مهند اخذه وهو يهزه علشان ينام
ديم : ياخي فكه خلاص
مهند : ولدي صح
ديم بقرف : وع
