ابراهيم مستانس وهو على شما ومستانس لنضراتها وحركاتها ودلعها وهي كل مالها تجذبه اكثر واكثر وقال بصوت خفيف : اخ ياجوري حبك ذبحني
مهند والشباب ورا
مهند بصوت عالي : يا الاخو ترا نبي نركب
ابراهيم ضحك : ماسمعت جوري وش وصتني اضاهر
مهند : اقول هات قال ايش قال جوري
سلمان : ابراهيم عطنا نركب حتى حن
ابراهيم : اقول سرو امها بس جوري وصتني وانا انفذ وصيتها
مهند : وع منك ومنها
ابراهيم بضحك : مقهور صح
_________
ريم : شوفي جوري وابراهيم كيف
عنود : شفت شفت وعطته خيلها وماخلت الا هو
ريم :اخ بس لو بيدي لا ادفنها هنا
عنود : معليك نقدر عليها ترا
___
وصل ابراهيم والشباب ورراه وهم يبون ياخذون شما يركبون عليها
ابراهيم : جوري الحقي يبون ياخذونها ترا
جوري قامت لهم وهي تضحك : ياليل انا قلت بس ابراهيم يركب انتو شكو
مهند :حيوانه انا اخوك
سلمان : انا ولد عمك
جوري : محد فيكم فزع لي بدمه ولا انقذني الا ابراهيم فا ولا كلمه ابراهيم باقي تبي تتمشى ؟
ابراهيم : مابي اكون طماع علشان كذا بنزل واعطيك
نزل ابراهيم وركبت جوري : اخ مهند ممكن تفتح لي البوابه بطلع اتمشى في الشارع شوي
العم ظافر : وشو
جوري : بطلع اتمشى قلت شي غلط ؟
العم ظافر : اقول انثبري هنا هذا الي ناقص احمدي ربك سامحين لك تركبينه قدامانا وتجلسين مع الاولاد بذا البس
جوري : وش فيه لبس هاه
العم ظافر : وش مافيه احد يلبس عبايه ورديه
جوري : لو سمحت لاتدخل فيني انا حره اتوقع
الجد : والله وطلع لك لسان بعد
جوري. : ايه و... قاطعها عبدالعزيز :جوري خلاص
جوري : بابا ماتسمعه وش يقول ؟
عبدالعزيز : ظافر لاتدخل في بنتي وانتي احترمي نفسك وفكونا
الجد : اذا انت ماربيتها خل اخوك يربيها
عبدالعزيز: شوفوها قدامكم
جوري بصدمه : بابا وش فيك وش صار لك
الجد قرب لها : انزلي من الي عندك وتعالي
جوري : ماراح انزل وش تبون ؟
الجد : والله لو مانزلتي ياويلك
جوري : طيب ماراح انزل
ظافر قرب لها وهو ناوي يسحبها من شعرها بس وقف قدامه ابراهيم :هوب هوب وين جالسين احنا ؟
ظافر : وخر انت بعد
ابراهيم : اسف ماراح اوخر انت الي بتوخر والا فيه احد صاحي يسحب بنت من شعرها من على الخيل ؟
الجد : ابراهيم وخر ابوها ماتدخل تدخل انت
ابراهيم لف على عمه : عم يرضيك بنتك تدخل المستشفى من جديد يرضيك انهم بيسحبونها من فوق خيل تطيح على ضهرها بطنها راسها عادي عندك ؟
عبدالعزيز : تعبت وربي تعبت خلاص ارحموني شوي
مهند قرب وهو يشوف عمه ناوي على جوري : عم حدك لاتمد يدك تبي تمدها مدها على بناتك اما اختي لا
قام فايز ومحمد ومهم يدفون ظافر
فايز : ظافر اصحى ترا مالك حق تمد يدك وصادق ابراهيم تبي تسحب اسحب ولد وتبي تمد يدك مدها على بناتك
محمد قرب وهو يشوف جوري تبكي على الخيل وتتفرج فيهم بصدمه مد يده ينزلها وحضنها : خلاص لاتبكين ادخلي داخل ووعد مني اخليك تطلعين بها بس الحين عمك معصب
دخلت جوري وهي مصدومه من ابوها ومن تصرفاته الغريبه الي تجيه الايام ذي
ظافر : خلوني اربيها من جديد
مهند : عم لا تغلط اختي مرباه وكلنا ربانا ابوي احسن تربيه لا تسوي فيها يعنني
عبدالعزيز بصياح : بس خلاص فكوني من مشاكلكم كلكم ودخل وخلاهم
ابراهيم راح عند امه
ابراهيم : امي
هدى : هلا
ابراهيم : يمه شوفي انا ابي جوري
هدى بفرح : ليه
ابراهيم :يمه وش الي ليه ابيها احبها وابغاها
هدى :عاد تدري اني اتمناها لواحد فيكم
ابراهيم بفرح : وانا فزت فيها يمه تكفين كلمي ابوي وعمتي جميله قبل عبد الملك يرجع يخطب
هدي : ابشر اليوم اكلمهم
طلع ابراهيم وهو الفرحه مو سايعته وهو يتخيل ان في يوم ممكن تصير زوجته وام عياله
شافها جالسه عند الاسطبل وضامه نفسها ومنزله راسها قرب منها وسم شهقاتها واضح انها جالسه تبكي قرب وجلس قدامها : ممكن اعرف وش فيه الحلو يبكي ؟
جوري صدت وكمل ابراهيم : جوري ياحبيبي انتي وش فيك ؟
جوري ببكى : قبل يبون يزوجوني واليوم يبون يربوني وبكره وش بيسون بعد
ابراهيم : من بكره وانتي زوجت ابراهيم محد يقدر يتكلم بس انا اقدر
جوري : وقته مره صح
ابراهيم قرب وهو يمسك يدها : والله اني صادق ترا قلت لامي ابي اتزوجها وهي وافقت
جوري مارده وهي وهي تبكي ابراهيم سحبها لحضنه وهو يمسح على شعرها يحاول يهديها لان الدكتور قال ماينفع تتعرض لاي ضغط جلست عشر دقايق وهي تبكي بحضنه تحت انضار عنود وريم الي ما انتبه لهم ابراهيم ابد
قام ابراهيم وهو يسحب جوري تقوم : قومي اركبي شما سريع وانا بركب ذباح على انه مو كويس بس يله
جوري : ليه نركب
ابراهيم : نبي نتسابق
جوري : طيب
وركبو على الخيول وبدا يتسابقون ويتمشون ابراهيم يدري ان اذا ركبت شما تنسى كل شي وهو يبيها تنسى كل شي وقفت جوري : ابراهيم نبي نطلع برا
ابراهيم: يله
مشو خارج المزرعه وهم مستانسين اول مره جوري تحس بقربه وبحبه لها وتحس انها حتى هي تحبه
ابراهيم اول مره يحس انها تحبها علشان كذا ماراح يرد لها اي طلب
____________
ظافر : وين طسو ذا الاثنين
عبدالعزيز : ظافر ماتلاحظ اني من يوم جيت وانت على بنتي ؟
ظافر : لانك ماعرفت تربي على دخلت محمد تفرج فيه : وين ولدك انت بعد
محمد :مدري دقو عليه
ظافر بسخريه : ايه حتى ولدك ماتعرف وينه
محمد : رجال اطول مني تبيني اجلس اراقبه ليه
ظافر : وانت بعد تدري وين بنتك
عبدالعزيز : ياليل لا ما ادري ولا ابغى ادري خلها بكيفها
محمد : خلاص الحين ادق على ولدي وادق على جوري واخليهم يجون
ريم بلعانه : لا تدق ياعم لان جوري وابراهيم طلعو على الخيول في الشارع
محمد :اجل دقايق ويرجعون
ظافر : وتقولون وش فيها تربيت عيالكم
_________
اول ليه رمضان جوري تصومها في الديره بعد انقطاع مده طويله عن الديره وكان الكل في المطبخ الي يطبخون والي يضحكون والي يلعبون والضحك واصل لاخر المكان ديم وهي تغسل المواعين هي وجوري : يدي تشققت من الغسيل
ديم : حتى انا بس وش اسوي لازم نغسل
عنود : جوري ممكن نقول بنت عز ماتغسل بس انتي ياديم وش عندك
ديم : او صح ماتدرين من انا ماتدرين مين بنته ترا على فكره نادر اغسل المواعين دايم الخدم يغسلونها
عنود بضحك: وين الخدم ما نشوفهم
ديم : او الحين اخليهم يجون وطلعت جوالها واتصلت على الخادمه حقتهم اطرت فاطمه تبعدهم علشان البيت يكفي لهم
ديم : وهذاني كلمتها تجي يله اذا جات خلونا تكمل عني انا بروح ارتاح يله جوري وريوف ولمى امشو معي
اه وانتو كملو شغلكم
طلعو وهم يضحكون عليهم لمى : مسخرتيهم مسخره
ديم :خليهم من اول ماجو وهم يهايطون
جوري :من جد يله انا بروح عند شما تجون معي
ديم : انا ايه وهم لا امشي
لمى : على طول قررت تعالي رويوف نروح نتابع مسلسلات
ريوف : يله
عند ديم وجوري
ديم : وش فيك هاديه اليوم ؟
جوري: افكر
ديم :وش تفكرين فيه
جوري :بعلمك بس لا احد يدري تكفين
ديم : ابشري
جوري : لما كنت في المستشفى كان ابراهيم عندي وقال انه يحبني ومن ذا الكلام وامس كنت هنا اصيح وشافني وجا عندي وحضنى وجلس يمسح على شعري لين هديت وخلاني اخذ شما واطلع بها برا
ديم : وانتي تحبينه ؟
جوري : اكذب عليك اذا قلت لك لا بس ما ادري انا طول عمري ما احتكيت فيهم كثير بس ابراهيم احس اميل له شوي
ديم : ترا لما تعبتي علينا هو كسر الباب وشالك والمسكين مسكوه طقطقه وجدي عصب عليه
جوري : ادري وادري بعد انه هو الي تبرع لي بدم وادري اني لما كنت في غيبوبه طول الايام عندي وهو قالي انه كلم امه تخطبني له
ديم : وانتي وش رايك
جوري : مدري خايفه خايفه من كل شي ديم احس اني ضايعه مدري
ديم : جوري شوفي ابراهيم كويس والله كويس ومستحيل يضرك او شي انتي فكري بس لا تردين الحين حتى لو امك كلمتك اجلسي فكري واستخير
جوري : وهذا الي بسويه
__________
بعد صلات التراويح بصدفه ابراهيم قابل جوري وجلس يسولف معها ساعه كامل وهو خلاص معاد يبغى يوخر عنها ابد وصار روتين يومي بعد صلات التراويح يتقابلون لين مشت الايام وجوري تفكر في ذا الزواج وتذكر لحظاتهم الحلو وتتخيل مستقبلهم كيف راح يكون وصارت تسولف هي وابراهيم على الجوال وكانت ليلت العيد الكل صاحي وجوري اول مره تحب عيد زي كذا كانت تختار اي شي يخليها اجمل وحده في عيونه طلعت لها فستانها الورد مع كعب شفاف وصلحت شعرها ويفي مع ميك اب ناعم وحلو وابرز جمالها ولبست وبصدفه اتصل هو ورده جوري :
كل عام وحسنك الباهي يزيّد
عسى عامك سعيد وأيامك هنيه .
جوري بخجل : دامك رديت علي كذا فا حتى انا برد مثلك
لا انتهت خطبة صلاة العيد
خلك أول صَووٺ يعايدنـي♥️.
ابراهيم :انا بعايدك قبل صلاه العيد وبعد صلاه اليعد واي وقت بعد
جوري سكتت وكمل ابراهيم : طيب ابي اشوف كشختك ممكن !
جوري : ايه عادي بس مايمدي البيت مليان
ابراهيم: تعالي المطبخ وانا بسوي نفسي داخل بالغلط
جوري بضحك : يلعن ابو التفكير ياشيخ
وقفلت وراحت المطبخ تنتضره ودخل ابراهيم ويوم شافها فهى بجمالها باناقتها ماعمره شاف وحده انيقه مثلها دايم
ابراهيم : اول مره اشوف اناقه وحلوه زي كذا دايم اشوف ريم او العنود وسبببو لي ازمه
جوري بخجل : حرام عليك
ابراهيم : اخ وربي انك اجمل عيد يمر علي في حياتي
جوري : قلبي والله ويله اطلع قبل احد يشوفك بسرعه
ابراهيم : مقبوله بس راجع ترا وايه قبل اطلع اذا وديناكم تروحون الاستراحه تركبين معي فاهمه
جوري : ابراهيم بلا استهبال ومهند
ابراهيم : خليه عندي
_____
طلع ابراهيم ودخلت ديم : شوفي استحيت ادخل اخرب عليكم غزلكم والمدح بس سمعت كل شي
جوري بفشله : لا تكفين 😭
ديم : والله تهبلون خلي عنك بس كيف بتركبين معه ؟
جوري : مدري
ديم :اسمعي انتي تاخري جدي لازم الساعه ٧كلنا نكون هناك انتي تاخري فكي فستانك وقولي انه انقطع او شي وبتجلسين تخيطينه ومهند بتركب معه جدتي وجدتي مثل جد وبكذا سيارت ابراهيم فاضيه وبياخذك معه
جوري بضحك : وش جاكم اليوم كيف تفكرون انتو
ديم بضحك: كيف بس
________
مو قلت بعوضكم وهذا هو العوض 💕
