مهند دخل وشاف جوري حاطه كفوفها على وجها وتبكي قرب منها وحضنها ومسح على شعرها : ليش البكي ياقلب مهند شوفيه قدامك بخير ماراح منكم ربي حفظه
جوري ببكي: كان بيروح مني كان راح اوقف بعزاه كان راح يقولون اعظم الله اجرك كان بيروح مهند بيروححح
مهند: اوش ماراح شوفيه شوفيه قدامك كلها حروق بسيطه بتروح بعد كم شهر ولا عاد اسمع ذا الكلام منك انتي قويه وين جوري الي قويه مره وين جوري الي ماتضعف
جوري: بس ذا ولدي ضناي ضناي الي كنت متوقعه افقده وهو ببطني ويوم جاء تعلقت فيه والحين كنت بفقده ليه ياربي يصير معنا كذا ليه
مهند : بس ذا اختبار من ربي ربي جالس يختبر صبركم وانتو المفروض تكونو صبورين لان البكي والضعف ماتفيد ماتفيد ابد وشوفي عبود قدامك حي ربي ما اخذه المفروض توقفين بكي خلاص لان البكي مايفيد
فقال تعالى: {يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللهَ لَعَلَّكُمْ تُفْلِحُونَ} صدقى الله العظيم ويله اشوف مسحي دموعك وصيري قويه
جوري ابتسمت بخفه وهي تمسح دموعها : الله يخليكم لي ولا يحرمني منكم
مهند : ولا منك ياقلبي وروح مهند وترا سلمان وابراهيم برا بس ما ابيهم يدخلون ويشوفنك تبكين لان دموعك غاليه واذا بيشوفون يدفعون
جوري ضحكت : خلهم يجون
منهد بضحك : باقي بتبكين
جوري ابتسمت وهزت راسها بنفي
دخلو سلمان وابراهيم
سلمان تقدم وحضنها : الحمدالله على سلامتك يازوجت اخوي
ابراهيم عطاه نضره : دز
سلمان ضحك وهو يجلس جنبها ويحضنها : ماراح اقوم احبها مقدر
ابراهيم بغيره سحبه من جنبها وجلس مكانه : انقلع عن زوجتي
مهند بضحك : والله وطلعت غيرو
سلمان بضحك: شفت وهذا وانا اخوها بغى يذبحني
ابراهيم : انطمو ودقو عليهم وقولو لهم ان عبود بخير وانه بيتنوم وانا وجوري برافق معه
سلمان تفرج فيه : حبيبي تراك في مستشفيات الديره بس امه ترافق بس
ابراهيم : اكسر النظام ولا اخلي وولدي
مهند ضحك : واضح
سلمان دق على ابوه : سلام
محمد : وعليكم السلام بشر
سلمان : حرق من الدرجه الثالثه وكتبو له تنويم
محمد : الحمدالله جات على كذا
سلمان : ايه والله
محمد : كيفهم
سلمان : بخير كيفكم انتو
محمد : طيبين الحمدالله
سلمان : يبه ارجعو البيت شوي وجاين لا تجلسون في البرد
محمد : ايه يبه بنرجع الحين جالسين نلم العفش
سلمان : تمام
قفل سلمان ولف لهم : اتوقع ابويه وعمي انحرقو
ابراهيم : كيف صار اصلن الحريق؟
مهند : ابد ولدك كان بحضن ابويه وابويه كان يصلح الدافور ....................
ابراهيم : احد يصلح الدافو جنب شبه
سلمان : تصير تصير عادي
جوري : تكفون واحد يروح البيت يجب اغراضه ابي بطانيه ثقيله له برد
سلمان : ما يصلح تلبسونه او يلمسه ملابس
جوري : حرام مره برد شوف كيف يرتجف
ابراهيم فك جاكيته وغطاه من الجه الي مافيها حروق وهمس : ياليتها فيني ولا فيك
مهند : اتوقع مايصلح تجلسون هنا مره برد
ابرهيم : افكر انزل استاجر في تهامه
سلمان : ايه تهامه دفى وماراح يتعب لان ولدكم مناعته تجنن بسم الله عليه كل اسبوع تعبان
جوري : اخاف يمرض وهو كذا ماراح اقدر اتصرف
ابراهيم : تهون ان شاءالله بس احد يعرف بيوت للايجار في تهامه ؟
سلمان : بنزل ادور لكم
ابراهيم : ايه تكفى
مهند : طيب الحين كيف مع الحفايض ماراح تضيمه ؟
ابراهيم : مدري والله بس ركبو له وحده كبيره وطبيه
سلمان : ياقلبي انا الي جالس يتعب ويعاني وتوه بزر
ابراهيم: ياحبيبي توه ماكمل سن قطع حديثهم صوت بكي عبود فزت جوري عنده : ياروح ماما انت
عبود كان يبكي من الحرق وجوعان
ابراهيم : يمكن جوعان وين رضاعته
جوري : مدري بس ما اخذتها من الحديقه ترا
ابراهيم : عادي بنزل اشتري الحين من تحت
سلمان قرب يلعبه : حبيبي عبود
عبود ما سكت بس يبكي جات السستر : وش في بيبي
جوري : مدري قام يصيح
السستر : عادي مدام علشان حرق بس ومر هذا جاكيت مافيه حطي
جوري : بس برد مره عليه
السستر :انا جيبي بطانيه حلو
طلعت السستر واستاذن مهند وسلمان ورجعو البيت وجلسو جوري وعبود لحالهم الساعه٣ الفجر قام عبود يصيح بوجع وتعب قربت جوري له وعطته الرضاعه ورفض يشربها دقت الجرس وجلست جنبه بتعب : خلاص يامامه خلاص حبيبي الحين تجي الدكتوره
جات الممرضه :السلام عليكم
جوري رده السلام وقربت الممرضه : وش فيه الحلو يصيح
جوري: مدري رافض ياخذ الرضاعه وبس يصيح
الممرضه قربت وهي تشوف الحروق واخذت كريم وحطت له واخذت الرضاعه وعطته بس رفض يشربها : ليه يا نونو الحلو ما تبي ننه
جوري : رافض ياخذها مدري ليه
الممرضه : جربي ترضعينه انتي يمكن يتقبل
جوري بخوف : لا اخاف امسكه والحروق فيه
الممرضه تطمنها : لا عادي امسكيه من الجه الثانيه وحاولي
