جوري : لا بس هو طلع زعلان مني
عبدالعزيز اخذها وجلسها وانسدحت على صدره : لا يابا هو مازعل بس اخذ بخاطره ولا والله مازعل منك وهم يحبك ويبيك انتي هدي الحين وبعدين مو انتي تعبانه تعالي نروح نشوف وش فيك ونرجع هنا
جوري برفض : لا بجسل هنا
عبدالعزيز بنرجع والله بنرجع بس امشي معي
قامت جوري ودخلو الطواري وسوت التحاليل وقالت الدكتوره لازم تحليل حمل وجوري حللت وهي ماناقشت ابد بعد نص ساعه : ممكن اعرف ليش تبكين
جوري مسحت دموعها ؛ مافيني شي بس متضايفه
الدكتوره ببتسامه : طيب التحاليل فيها نتيجه راح تخليك تطيرين من الفرحه
جوري بستغراب : وش
الدكتوره : مبروك بتصيرين ام بعد كم شهر
جوري سكتت بصدمه وكملت الدكتوره : وعاد لازم تهتمين لنفسك ودموعك ماتنزل وترا بزعل لو راجعني عند غيري
جوري ابتسمت بفرحه وهمست : اللهم لك الحمد يارب
ولفت على الدكتوره مره شكراً على ذا الخبر الحلو طلعت وهي تطير من الفرحه ومعها ورقت التحليل وشافت ابوها وعطته الورقه : شوف
عبدالعزيز فتح الورقه بستغراب وهمس : حاملل
جوري بفرح : ايه حامل يعني راح اصير ام بعد كم شهر بابا تكفون قولو لابراهيم يمكن يفرح بالخبر ويرجع مثل قبل
عبدالعزيز حضنها بفرح : امشي نبشر عمك
عبدالعزيز : محمد بارك لزوجتك ولدك
محمد بستغراب : مبروك بس على وش
عبدالعزيز جلس جنبه وضربه على رجله : بنصير بعد ٦ شهور جدان
محمد : بذمتك
عبدالعزيز : ايه وربي بحي ورع صغير يقول لنا جد
محمد قام وحضنها بفرح : الف الف مبروك يابنتي وان شاءالله يقوم ابراهيم ونفرح كلنا سوا
جوري : ان شاءالله
___________
هدى الي درت ان ولدها صار عليه حادث ببكي : يمه ولدي لايصير فيه شي
جميله : يارب انك تحفضه بعينك التي لا تنام وتخليه لنا ولزوجته ياربب العالمين
هدى ببكي : يارب لاتاخذه وانا ماشبعت منه ولا شفت عياله يارب انك تحفضه لي يارب
جميله حضنت اختها ومسحت على شعرها : هدي تكفين لايصير فيك شي
هدى : اه ولدي بيروح مني وانتو تقولون هدي طلع من عندي وهو يقول يمه تكفين حاولي في جوري ترجع كان اخر شي قاله لي وهي وينها ماكانت مهتمه حتى
فاطمه بحزن : جوري معه في المستشفى والله يعلم بحالها
جميله : جوري تحبه بس تكابر علشان كرامتها والا والله انها تحبه
___________
مهند الي رجع بيته وحصل ديم نايمه في الصاله تنهد ومشى يودي عبود غرفته ورجع عند ديم : ديم ديم حبيبي قومي معي جوا
ديم فزت بخوف وهي تبكي مهند قرب : وش فيك تبكين
ديم : عبود وين وينننن
مهند خاف على ولده : موجود بس وش تبين فيه
ديم ببكي : حلمت فيه ان في حنش اسود يسحبه من حضنييي خايفه مهند خايفه
مهند خاف من حلمها بس كابر وحضنها : اوشش هدي هدي عبود بخير وانا بنفسي حاطه بسريره
ديم رفعت راسها : جيبه ينام معك في غرفتنا لاتخليه تكفىىى
مهند : ابشري الحين نقوم ناخذه ونروح غرفتنا
مشى مهند واخذ عبود وراحو الغرف
ديم بحزن : عادي ارضعه كانه جوعان
مهند ابتسم : تبين ترضعينه
ديم : شكله يحزن هات برضعه وانت اجلس هنا علشان لو سويت شي انت تكون موجود
ضحك مهند بخفه وعطها عبود
