صفن بوجهي ثواني يلا بلع ريگه و ثنه ركبته و گعد گبالي
خلهه عيونه بعيوني و سألني ـ ليش اني الأصلي شلونها صلاتي؟
ابتسمت متعجبة و خليت ادية على ركبي رديت ـ يربي شسويلك، رجال ماتريدني و انطيتك خوش حجة روح گل لأهلك هاي صلاة ما تصلي
كزز سنونه و ادنه علية گلي ـ يا حجة حوراء شبيچ گايل اني ما رايدچ ؟ شي صار من زمان و انتهى جاي تحسسيني اني عندي علاقة و طالع و مسولف و مراسلها
رب العالمين شاهد علية ما حاچي وية المرأة غير مرتين
نزلت عيوني و دردمت ـ ما صرت طبيب نفسي لان تعرف تفر الحچي ، غير بإذني سمعتك تگل لأهلك اني رايد غيرها و جبرتوني بيها
ردد جواد بصوت عالي ـ لا إله إلا الله
ابوية و امي صارو يباوعولنا
گمت ردت الف سجادتي گال جواد ـ عوفيها اني المها
عفتها الة لمها و خذاها خلاها على الميز
اني گعدت على السرير مالتي فامي گامت تريد تغطيني بالچرچف گلتلها ـ ما اريد اتمدد
گعدت يمي و جواد أخذ كرسيها و گعد گبالي مخلي ايده تحت خده و يباوعلي
أبوية سأله ـ شيگول هذا الطبيب ؟
رد جواد ـ بعده يباوع على الفحوصات ما انطاني كلمة
فات حسن جايب اكل گابلوني ياكلون بيتزا و برگر و ما خلوني اكل وياهم
جابولي من اكل المستشفى گوة اكلت شوية هو اني شاردة من اكل مطعم المستشفى و مگضيتها لانچ باكس
فات الطبيب ويل هو و الممرضة الي تشتغل وية جواد "ام هاري" و دكتورتي
اخذ جواد كلنس و مسح حلگه و گام
رفع ايده الطبيب ويل و گلهم ـ لا ارتاحو بالعافية بس ديربالكم لا يشوفكم طبيب التغدية د.نيكولاس مقدم شكوى لرئيس الاطباء على الاطباء اليطلبون اكل من برا
ضحك جواد و رد عليه ـ و هو شكو خوش سالفة هاي
الممرضة ام هاري گالت ـ احنا اصلاً بطلنا نجيب من برا صرنا نجيب حافظات طعام من البيت
اشرت براسها علية و كملت كلامها ـ حوراء جابت الفكرة و احنا تبعناها
تقرب الطبيب ويل علية و گال ـ لازم يفرح دكتور جواد خطيبته ذكية و اقتصادية
شوف الدكتور اني اريد افسخ و هذا يگول يفرح بية
فتح الطبيب تابه و راونياه اشر على الاشعة و گلي ـ شوفي عزيزتي هذا الدماغ بيوم الي تعرضتي للضربة و هذي صورته اليوم واضح جداً انو راجع لمكانه لكن احنا ما نگول الخلايا استعادت حالتها السابقة بالعكس احنا اكثر الناس الي نركز على هذا الموضوع
غلق التاب و اشر على أهلي و سألني ـ هذولي ابوچ و امچ مو؟
جاوبته ـ اي دكتور
أنت تقرأ
في ظِلال نعمٍ سابغات
General Fictionاني لگيت روحي يا حوراء بظِلال نعم سابغات الي يكون بالظل متنعم يحب يرجع تحت الشمس التحرگ حرگ؟ المستقرين في مرضاة الله تراضيهم تراضي ربك مو بس هم عايشين بطمأنينة لا يفيضون على عاشقهم بهاي الطمأنينة شلون افارگهم
