راسه گام يجري دم و لزم ايده و هو يصرخ
حرت شسوي التفتت اصيح اجو ثنين دكتور و مدني دخلوه للطوارئ و اني وراهم
گعده الطبيب على السرير و صاح على الممرضات
الممرضة "ام هاري" شافتني و اجت بيدها العدة و تسألني شسوي هنا و اذا گرايبي هذا
گلتلها اعرفه التفتت بالطوارئ ما اشوف جواد و تالي اسمع صوته وراية واگف يم دكتور و گدامهم امدد رجال داخلة برجله حديدة
خليت ايدي على گلبي و شهگت و هو كلش عادي و هو جاي علية يلتفت يسولف وية الدكتور
وصل يمي لزم ذراعي و سألني ـ شتسوين هنا
غمضت عيوني و اخذت نفس يلا اشرتله على مارتن
عافني و راح سأل الطبيب ـ شبي هذا؟
جاوبه الدكتور ـ زلگت رجله و هو يسولف وية الاخت ما بي شي بس اخيط راسه
مارتن خزر جواد و جواد التفت علية يسألني ـ شعنده جاي؟
كلش بعد ما اتحمل اني اصلاً اكثر مكان اكرهة هو الطوارئ طلعت للباب وگفت و جواد اجه وراية يردد ـ غير تفهميني شعنده جاي؟
جاوبته ـ يعرف اني تنازلت لخاطر ايڤا
باوع جواد على الطوارئ بخوف و رجع سألني ـ صدگ تحچين؟
ـ اي و الله
خلة ايده على راسه و نزلها بسرعة و هو يردد ـ لعنة على..
التفت و هو ضايج صاح ـ جيمس بس اغسل و ارجعلك
سألته ـ شبيك
مشة و هو يرد ـ چفي كله دم و خليته على شعري
ردت اتقيئ من شفت الدم گوة لزمت نفسي گعدت على الكرسي بالممر گبال غرفة الطوارئ
رجع جواد و فات للطوارئ
حسيت ماكو فايدة من گعدتي هنا گمت لشغلي الدكتور العالج مارتن اجه ملأ اوراق يمنا سألته على حاله جاوبني ـ ماعنده شي بس خيطنا جرحه حتى ايده ما بيها شي رض بسيط
ديانا جرت الملف من ايد الدكتور حتى توقيعه صار شخابيط و سألها ـ شالقضية؟
ما اهتمتله و سألتني ـ حوراء هذا مو نفسه الي ضربچ؟؟
الدكتور گال ـ ضرب منو؟ ليش مو صديقها
ردت عليه ديانا ـ ضربها يا صديقها؟ بس هي ما رفعت عليه دعوى شعنده جاي يريد دعوى حتى يتأدب
ما رديت عليها جرت ايدي ـ ويامن احچي؟
گلتلها ـ شمدريني زلگ و وگع و هو يسولف وياية
اجه الدكتور نسيبها خلة تابه گدامها و گلها
ـ ديانا شوفيلياه شنو خربان هذا
صاحت بوجه الرجال ـ و اني مبرمجة شگايليك علية
أنت تقرأ
في ظِلال نعمٍ سابغات
General Fictionاني لگيت روحي يا حوراء بظِلال نعم سابغات الي يكون بالظل متنعم يحب يرجع تحت الشمس التحرگ حرگ؟ المستقرين في مرضاة الله تراضيهم تراضي ربك مو بس هم عايشين بطمأنينة لا يفيضون على عاشقهم بهاي الطمأنينة شلون افارگهم
