"မင်း! မင်း!"
"ငါပြောထားပြီးပြီ။ ငါအဲ့ကလေးကို လက်မလွတ်နိုင်ဘူး။"
"ငါ့ကို တစ်ခါလောက်တော့ အနိုင်ယူခွင့်ပေးရင်..ဘာဖြစ်သွားမှာမို့လဲ.. ငါ့ကို..ငါ့ကို..တစ်ခါလောက်လေးပဲ.."
"ငါ့ဘဝမှာ မင်းကို ဘယ်လောက်ပဲ အရှုံးပေးရပေးရ...ငါ့မှာ သူရှိရင် ဆုံးရှုံးမှုတွေကို ပျော်ပျော်ကြီး ပြုံးပြလိုက်ဦးမှာ.....
ငါ..သူ့ကိုမတွေ့ရရင် သေမှာဟာ..""ငါ့ကို...ထည့်စဥ်းစားပေးပါအုန်း။ ကျေးဇူးပြု၍.."
"ငါမင်းကို အနိုင်ယူခွင့်တွေ ပေးပါ့မယ်..ဒီတစ်ခါတော့ လက်လျှော့ပေးပါလား..."
"ဟင့်အင်း..မရဘူး။ အဲ့လိုမဖြစ်ရဘူး ဆောင်းဟွန်း။"
"မင်းအကျင့်ကိုငါသိတယ်။ မင်းသူ့ကို ရသွားပြီး ပစ်ထားခဲ့မှာ...မင်းအဲ့လိုလုပ်ရင် ငါပဲ ရင်ကွဲရမှာ အီဟီးဆွန်း! မင်းဂျယ်ယွန်းတုန်းကလည်း အဲ့လိုပဲ ပစ်ထားခဲ့တာမလား။"
ထိုသို့ပြောတော့ အီဟီးဆွန်းမှာ အနာပေါ် တုတ်ကျသလို ဖြစ်၍ ဘာမှ ပြန်မပြောနိုင်။ လက်သီးကိုသာ တင်းတင်း ဆုတ်ထားသည်။ မျက်လုံးထဲက ဒေါသရိပ်တို့ကိုလည်း မြင်ရ၏။
*ခွမ်း*
ထို့နောက် စားပွဲခုံကို ဆွဲလှန်လိုက်ရာမှ စားပွဲပေါ်က စာအုပ်တွေ၊ တစ်စုံတစ်ယောက်၏ ဓါတ်ပုံတွေ၊ ဝိုင်ခွက်တွေ၊ ဝိုင်ပုလင်းတွေမှာ လွင့်စင်ကုန်သည်။ ပြီးလျှင် ဟီးဆွန်းသူ့ကိုဘထိုးသည်။ ထို့နောက်အခန်းထဲက ထွက်ခွာသွားသည်။
ဆောင်းဟွန်း ဝိုင်တွေ ပေနေတဲ့ သဘာဝဆန်ဆန် ပြုံးရွှင်နေသည့် တစ်စုံတစ်ဦး၏ ခပ်နွှမ်းနွှမ်း ဓါတ်ပုံကို ကောက်ကြည့်လိုက်သည်။ မျက်ရည်ပေါက်တို့နှင့် မျက်နှာမှ သွေးစက်အချို့ကက ထိုဓါတ်ပုံပေါ်သို့ ကျဆင်းကုန်သည်။ နွှမ်းနေပြီ ဖြစ်သည့်အတွက် ပြဲသွားမည် စိုးရွံ့၍ တယုတယကိုင်သည်။ ထိုဓါတ်ပုံလေးကို ကိုင်ကာ ရုတ်တရက် လဲကျသွားသည်။
သူဖမ်းချုပ်ခံထားရတာ ဘယ်လောက်ရှိပြီလဲ။ အစာမစားရသဖြင့် အာဟာရချို့တဲ့သည်။ တစ်ချက်ထိုးရုံနဲ့ မေ့လဲသွားနိုင်သည့်အထိ။ သူမေ့လဲနေပေမယ့် မျက်ရည်တွေဟာ ကျဆင်းနေဆဲ။ အစာမစားရဘူးသာပြောသည်။ ဝိုင်တွေကရောဟု တွေးကောင်း တွေးနေကြလိမ့်မည်။ ဆောင်းဟွန်းက အရက်သောက်သူမဟုတ်။ မူးယစ်စေသည့် အရာတွေကို ဝေးဝေးက ရှောင်သည်။ ဝိုင်သောက်သည့်လူက အီဟီးဆွန်းဖြစ်ည်။
ВЫ ЧИТАЕТЕ
Soul Under The Cherry Tree | Sunsun |
Фанфикဝိညာဥ်တွေက တကယ်ရှိတာလား။ အင်း အဲ့မေးခွန်းကို ကျွန်တော် ဖြေရခက်လိမ့်မယ်။ ကျွန်တော်စွဲလမ်းနေတဲ့သူက ဝိညာဥ်လိုလို နတ်ဘုံက ဆင်းသက်လာတဲ့ နတ်သားလေးတစ်ပါးလိုလိုနဲ့ အပြစ်အနာအဆာမရှိအောင် ချောမောသူပါလေ။ စကားလည်း တစ်ခါမှ မပြောဖူးပေမယ့် တစ်ခါမြ...