"အီဟီးဆွန်းသည် လူသတ်မှုဖြင့် ထောင်ဒဏ် ၇ နှစ်ကျခံစေ။
ကိုယ်တိုင် ပွင့်ပွင့်လင်းလင်းဝန်ခံသဖြင့် သနားငဲ့ညာသောအားဖြင့် ၁၀ နှစ်အစား ၇ သာ ကျခံစေသည်။"
---------------------------
"ဂျယ်ယွန်း...ကိုကို...ကိုကိုအပြစ်တစ်ခုလုပ်မိတယ်..."
"ဘာအပြစ်လဲ..မေမေ့ပန်းအိုး ကွဲအောင် လုပ်မိလိုက်တာလား။"
"မဟုတ်ဘူး..မဟုတ်ဘူးဂျယ်ယွန်း။"
"ဘာဖြစ်တာလဲ။ ဘာလို့ငိုနေတာလဲ ကိုကိုရဲ့။"
ဟီးဆွန်းက ဂျယ်ယွန်းကို ဖက်၍ အကြီးအကျယ်ငိုချပါတော့သည်။ အကြောင်းအရင်းက ရေရေရာရာရှိဟန်မတူ။ ထုံးစံအတိုင်း အရက်သောက်လာတာပဲ ဖြစ်ပေလိမ့်မည်။
"ကိုကိုတောင်းပန်ပါတယ်ဂျယ်ယွန်း။"
"ဘာဖြစ်တာလဲလို့!"
"ကိုကို...ကိုကို.......လူသတ်မိတယ် ဂျယ်ယွန်းရယ်.."
"ဘယ်လို!"
အဲ့လို ဖြေလာမယ်လို့ တကယ် ထင်မထားခဲ့ပါ။
လိမ္မာသွားပြီဖြစ်တဲ့ လူဆိုးလေးကိုကိုက လူသတ်မိတယ်တဲ့လား။ အခု..အခုလို လိမ္မာသွားပြီးမှလေ။ ထားခဲ့ပြီး ပြန်ကပ်တွယ်လာပြီးမှလေ။ ကျွန်တော့်ကို နူးညံ့လာတဲ့အခါမှလေ။ ဘာအတွက်ကြောင့်များလဲ။
"ကိုကိုတောင်းပန်ပါတယ်ဂျယ်ယွန်း။ ကိုကို့ကို ခွင့်လွတ်ပေးမယ်မလားဟင်။"
"ကျွန်တော်က ခွင့်လွတ်ပေမယ့်..အစိုးရက ခွင့်လွတ်မှာမဟုတ်ဘူးကိုကိုရဲ့။"
"ကိုကိုဘာလုပ်ရမလဲဟင်။ ဟင် ဂျယ်ယွန်း။ ကိုကိုဘာလုပ်ရမလဲ။"
"ဒီလိုလုပ်...ကျွန်တော်တို့ အတူတူ ထွက်ပြေးကြမလား။"
"ဘယ်ကိုပြေးကြမှာလဲ။"
"ရွာကိုပဲဖြစ်ဖြစ် တစ်နေနေရာပေါ့ ကိုကိုရဲ့။"
"မဖြစ်ဘူး။ မဖြစ်ဘူး။ ကိုကို့ကြောင့် ဂျယ်ယွန်းပါ အပြစ်သားဖြစ်သွားလိမ့်မယ်။ ကိုကိုဒီလိုလုပ်လိုက်မယ်...ကိုကို ရဲစခန်းမှာ ဝန်ခံလိုက်မယ်။ ဒါပေမယ့် ဂျယ်ယွန်းက ကိုကို့ကို စောင့်နိုင်ပါ့မလား။ ကိုကို ထောင်ထဲရောက်နေတဲ့အချိန်။ စောင့်..စောင့်နေပေးမယ်မလား။"
أنت تقرأ
Soul Under The Cherry Tree | Sunsun |
أدب الهواةဝိညာဥ်တွေက တကယ်ရှိတာလား။ အင်း အဲ့မေးခွန်းကို ကျွန်တော် ဖြေရခက်လိမ့်မယ်။ ကျွန်တော်စွဲလမ်းနေတဲ့သူက ဝိညာဥ်လိုလို နတ်ဘုံက ဆင်းသက်လာတဲ့ နတ်သားလေးတစ်ပါးလိုလိုနဲ့ အပြစ်အနာအဆာမရှိအောင် ချောမောသူပါလေ။ စကားလည်း တစ်ခါမှ မပြောဖူးပေမယ့် တစ်ခါမြ...
