"ကိုကိုအမှန်ကို ပြောပြပါနော်။ ကိုကို့ရဲ့ ဝိဥာဥ်က တကယ်ပဲ ဆောနူးအနားရှိနေခဲ့တာလား။"
"ကိုကိုဘာမှမသိဘူးလို့! နားလည်းမလည်တော့ဘူး!"
သူနှင့် ချစ်ကျွမ်းဝင်ခဲ့သည့် ဆောင်းဟွန်းသည် သူ၏ စိတ်ကူးယဥ်သက်သက်သာလား။ တကယ့်ဝိဥာဥ်လား သူဝေခွဲ၍မရတော့။ သူငိုချလိုက်ချင်သည်။ သူအရမ်းသိချင်သည်။ ဆောင်းဟွန်းက တကယ်ပဲ သူ့ကိုမမှတ်မိသည်လား။
"ကိုကို! အမှန်ပြောပြပါနော်။ ဆောနူးတကယ်သိမှ ရမှာမို့ပါ။"
"ကောင်းပါပြီ။ ဆောနူးတကယ်သိချင်တယ်ဆိုရင် ကိုကိုပြောပြပါ့မယ်။ ဆောနူး ဘယ်သူ့ကိုမှ ပြန်ပြောမပြနဲ့နော်။"
"ကတိပါ။"
"အင်း..ကိုကိုယာဥ်တိုက်မှုဖြစ်တုန်းက အမြင်တွေ အမှောင်ကျသွားခဲ့တယ်။ ပြန်နိုးလာတော့ ချယ်ရီပင်ရဲ့ အောက်ခြေကို ရောက်နေခဲ့တယ်။ အစကတော့လူတွေကိုကို့ကို မမြင်ရမှန်းမသိခဲ့ဘူးလေ။ နောက်နည်းနည်းကြာလာတော့ ကိုကိုဟာ ဝိဥာဥ်တစ်ခုသာဖြစ်တယ်ဆိုတာကို သတိထားမိခဲ့တယ်။ နောက်တော့ ဆောနူးနဲ့တွေ့တယ်။ ဆောနူးက ကိုကို့ကိုအရင်မြင်ခဲ့တာပါ။ ကိုကိုက အဲ့တုန်းကလမ်းပျောက်နေခဲ့တာ။ ဘာလုပ်ရမှန်းမသိတာနဲ့ စိတ်ပျက်ပြီး စိတ်ကိုဖြေဖို့ အေးချမ်းလှတဲ့ ကောင်းကင်ပြာကြီးကိုပဲ မော့ကြည့်နေခဲ့တာ။ ဒါပေမယ့် ဆောနူးက ကိုကို့ကို မြင်ခဲ့တယ်လေ။ ကိုကိုအဲ့တုန်းက နည်းနည်းကြောင်သွားတာ။ ငါကလူလား ဝိဥာဥ်လားဆိုပြီးပေါ့။ ဆောနူးကို မယုံသင်္ကာရှိလာတာနဲ့ ဆောနူးနောက်ကို တိတ်တဆိတ်လိုက်ခဲ့တာ။အဲ့မှာ ဘယ်သူဆိုလားမသိဘူး။ ဆောနူးကို လာအထာပေးတာလေ။ ကိုကိုတောင် အဲ့ကောင်မလေးကို စိတ်တိုခဲ့သေးတယ်။ အဲ့တုန်းက ဆောနူးလေးကို ခုထိ မှတ်မိသေးတယ်။ တကယ်ချစ်စရာလေးသိလား။ ဒီလိုနဲ့ပဲ ကိုကို့ရဲ့ ခန္ဓါက အရောင်မှိန်လာတာကို သတိထားမိခဲ့တယ်။ ပြီးတော့ တကယ့်ခန္ဓါကိုယ်ထဲကို ဝင်လို့ရတဲ့နည်းကို ရှာတွေ့ခဲ့တယ်။ ဒါကြောင့် ဆောနူးကို ခဏခွဲခွာပြီး ခန္ဓါကိုယ်ထဲကို ပြန်ရောက်သွားတာ။ ကိုကိုပြန်မနိုးလာခင် လမ်းပျောက်နေခဲ့တယ်။ အဲ့တုန်းမှာပဲ အလင်းလေးတစ်ပွင့်က ကိုကို့အမြင်အာရုံမှာ ပေါ်လာခဲ့တယ်။ အဲ့ဒါနဲ့ကိုကို အဲ့အလင်းရောင်နောက်ကို လိုက်သွားခဲ့တာ။ အဲ့အလင်းရောင်က ကိုကို့ကိုလမ်းပြပေးတဲ့ ကြယ်လေးတစ်ပွင့်လိုပဲ။ ကိုကိုအဲ့ကြယ်ကလေးက ဆောနူးဆိုတာယုံကြည်တယ်။ အဲ့တုန်းက ဆောနူးဆီကို အရမ်းလာချင်ခဲ့တာ။ ဒါပေမယ့် စိတ်သွားတိုင်းကိုယ်မပါခဲ့ဘူးလေ။ ဆေးရုံမှာ အချိန်တွေအများကြီး ကုန်ခဲ့ရတယ်။ နောက်တော့ တိုက်တိုက်ဆိုင်ဆိုင်ပဲ ဆောနူးက ကိုကိုတက်နေတဲ့ကျောင်းကို ရောက်လာခဲ့တယ်။ ကိုကိုဆောနူးကို မျက်နှာချင်းမဆိုင်ရဲခဲ့ဘူး။ ဒါကြောင့် အားလုံးကို မမှတ်မိယောင်ဆောင်ခဲ့တာပါ။"
KAMU SEDANG MEMBACA
Soul Under The Cherry Tree | Sunsun |
Fiksi Penggemarဝိညာဥ်တွေက တကယ်ရှိတာလား။ အင်း အဲ့မေးခွန်းကို ကျွန်တော် ဖြေရခက်လိမ့်မယ်။ ကျွန်တော်စွဲလမ်းနေတဲ့သူက ဝိညာဥ်လိုလို နတ်ဘုံက ဆင်းသက်လာတဲ့ နတ်သားလေးတစ်ပါးလိုလိုနဲ့ အပြစ်အနာအဆာမရှိအောင် ချောမောသူပါလေ။ စကားလည်း တစ်ခါမှ မပြောဖူးပေမယ့် တစ်ခါမြ...