بارت _1_
غلطه حبِک تسوَه كل صَّح بالوجود
وبيهُ من عنِدک وجـِٰع چنَ عـِٰافيه
ميثم فالح
------------------
كعدت الصبح عل ريحه الاكل نزلت اركض
::-مامممممما ممماممماا
::-ووجع شبيج تصيحين
::-شنو هل ريحه الطيبة شنو الغدة
::- هي هاي الفالحه بيها شنو الغدة واريد غدة
::-يبوووو ماما هسة شبيج شسويت
::-كافي سكتي دوختيني
::-صرت اني دوخه؟؟ الا اكول لبابا يتزوج عليج اني الج
::-دهر صابج ولج امشي عن وجهي لا ابتلي بيج
ولزمت الجفجير وكاملتي اني شفت الوضع صار صدك طكيتها ركضه
رحت غسلت وبدلت ملابسي ونزلت لكيت مسوية دولمه اااووووييييللي حضرب الرجيم بعرض الحايط اليوم
رفعت ردن ملابسي وتربعت وكعدت
::-عل كيفج يمه شبيج جنج ماشايفه
::-ماما شبيج ترا جوعانه
::-دومج جوعانه انتي
::-بابا صيح بمرتك كلللها لتدخل
ضحك بابا وكال
::-عوفيها يمرة شبيج وياها خليها براحتها
::-هو شخربها غير دلالك
مديتلها لساني اعيب عليها وبابا يضحك وهي تهز ايدها ماعاجبها
::-اكول رائد اريد اروح لاهلي من زمان ماشايفتهم
غصيت بالاكل وتوترت وضليت اجيب الاكل منا واحطه هنا
رائد
::-تمام روحي واخذي البنات هم وياج خطيه يتونسن بليل اجي اخذجن
طفرت من الاكل
كالت ماما
::-اسم الله الرحمن شبيج طفرتي؟!
حجيت بتوتر
::-هاا لا شسمه هذا شبعت
عفتهم ورحت
صعدت اركض لغرفتي وطشرت ملابسي كلهن شلببسس يربي شلبببسس
ووجهي يبو وجهي شخلي اله
انخبصت اجيب واحط وكل شوي لابسة لبسة ونازعتها
تالي ثبتت عل لبسة جانت جينز ازرك وقميص فوك الفخذ وسويت شعري وحطيت شوي كحل
اجت امي شافتني
::-وين رايحه لعرس
::-ممممااممما ترا ماحاطة بس كحل
::-وجع ولج شو تصيحين
::-يبو ماما ترا مو بقصدي اسفه
عافتني ونزلت
كملت كلشي وكل شوي اباوع لوجهي بالمراية
أنت تقرأ
القليب و القمر
Narrativa generaleفتاة قوية شرسة تتعرض للخيانه وتختفي قوتها هل يأتي من يعوضها ام تبقى مكسورة خيانه... ضعف... الحب... العذاب... الحزن... الكراهية... الحقد... كلها تجتمع في قصة واحدة
