القليب و القمر

بارت 11

يتابوتي الدمع چذاب لا توكف اذا يبچون

اسعد الدفاعي

----------------------

دخلنا طلع بتيته رجعت ليورا ضحكت وكتلة

قمر
::-لا لا يمعود تريد تحركني كلشي ولا البتيته

ضحك وكال

القليب
::-اني اسويها

هزيت راسي هو بدة يكشر بيها بعدين غسلها وحطاها بالطاوة طلع بورك جاهز وهم حطا بالطاوة وكبة وزلايط

قمر
::-المن كل هل اكل شنو شايفني ماشايفه واكلهن كلهن

ضحك وكال

القليب
::-اني وياج اكل

قمر
::-حتى لو شكد هذا هواي

القليب
::-ماعليج اني اكلهن كلهن

هزيت راسي ساكته ضليت افكر شلون اوهمة واخلي يصدك بية واشرد اجت خطة عل بالي وقررت انفذها

رحت يم الطاوة مال الزيت واخذت نفس دفعتها وطاحت كلها علية ضليت اصرخ اجاني يركض ملهوف

القليب
::-االله االله شبيج

ضليت ابجي ولازمه ايدي

القليب
::-كافي كافي اسكتي هسة اجيب شي احطه عل راسج واجي اخذج للمستشفى

هزيت راسي وهو راح يركض جاب شال وحطا عل راسي لزم ايدي ويمشيني طلعنه واخيرا شفت الشمس وطلعت ابتسمت براحة هو انتبهلي

عكد حاجبة وكال

القليب
::-شبيج

قمر
::-من زمان ماشايفه شمس

ابتسم واخذني للسيارة واني بدت ايدي صدك توجعني ضليت اصرخ وهو يهدي بية

االقليب
::-تحملي بوية تحملي وصلنة

القليب
::-ريته الوجع بية ولا بيج

القليب
::-كافي لا تبجين مردتي كلبي

وصلنا للمستشفى نزل يركض رحنا لطوارئ بس شافو ايدي بسرعه حولها ورحنا للدكتور كام يشيل الجلد الميت واني اصرخ بكل قوتي والقليب حاط راسي عل صدرة ويمسد عل شعري طلعت روحي علما كملو كاله جيب العلاج اي هذا الي اريدة راح حتى يجيب العلاج واني استغليت هاي الفرصة وطلعت بعدما تأكدت انو هو راح وبعد

رحت اركض للباب الخروج وطلعت واقرة دعاء بس كون ابتعد مشيت للشارع وعبرت المستشفى بعدت عنها حمدت ربي وضليت اركض وصلت لطريق مسدود غميت نفسي ليش مااخذت تكسي من يم المستشفى ضليت مستمرة امشي واحس نفسي تهت ماكو لا واحد بالشارع بس اني امشي

كعدت عل رصيف حايرة شلون هسة وين اروح وشلون اوصل لاهلي ضليت كاعدة فترة وشفت ضوة سيارة جاي من بعيد لحد ماتقربت شوي شفته هو كمت اركض وهو يصيح ويهدد واني مستمرة بالركض بعدت ودخلت بغابه وختلت ورا الشجرة احس كلبي حيطلع من مكانه يدك بشكل مخيف احاول الكف النفس اتنفس بشكل سريع