القليب و القمر

البارت 14

من حنيتك شگِد نبهّتني النـٰاس
بس أخجل إگلهمّ گِلبي ما يفهَم

لـ أيهاب المالكي
------------------

دخلت لـ بيتنه تلكتني ماما تركض حضنتني وتبجي
حضنتها وكمنا نبجي سوية هي تبجي واني ابجي وياها

من بعد حضن طويل بعدت عنها ومسحت دموعها

قمر::-ماما حبيبتي مشتاقتلج

حنان::-يروح امج انتي اني هم مشتاقتلج يبعد عافيتي

ابتسمت وبستها
حنان::-تعالي خل ندخل ليجوا

دخلنا ليجوا الله البيت شكد مشتاقتلة

قمر::-بالعباس هستوا نور البيت ايع جان اضلم

ضحكت وكالت
حنان::-هدوووووء شحلاته

قمر::-افا عليج هدوء؟ قصدج وحشة وضوجة مو

حنان::-لا ماقصدي هيج قصدي هدوء شحلاتة

قمر::-اشوفج كتلتي نفسج علية حتى ضعفانة هيج فراگي صعب

ضحكت وراحت للـ مطبخ رحت وراها اشتميت ريحه برياني

قمر::-يمممممة اليوم بريانييي عززاااا

حنان::-بدت الهوسة والصياح انتي ليش كل حجيج صياح تكدرين تحجين بهدوء ترا

قمر::-طالعه عليج ماما

باوعلتي صفح وبدت تصب بالاكل
صبت الاكل وكعدنا اني وهي ناكل

حنان::-سولفيلي شصار ماصار شلون طلعتي ووين جنتي كل هل ايام؟

رفعت راسي الها صفنت بوجهه كالت
حنان::-احجيلي كلشي بدون جذب لبوة

رفعتلها حاجبي وحجيت
قمر::-لبوة?هاي منو يحجي قبل اكلج اني لبوة تكولين صخمة هسة صرت لبوة

ابتسمت وكالت
حنان::-لان طلعتي صدك لبوة

رفعت ياختي بـ غرور

حنان::-احجيلي ولج لا تضيعين السالفه لا اكتلج

قمر::-اهدي ماميتي شبيج خل اجر نفس بالاول

بديت احجيلها من لگو المخد** ومن طلعني
القليب حجيتلها كلشي

حنان::-يا فدوة الروحه ربي يحفظة والله ابن حلال

ضليت مدنكه اكل

حنان::-الله يكثر من امثاله والله صاحب نخوة ورجال من صدك

سكتت ماجاوبتها عفتها ودخلت لغرفتي اخخ واخيرا
رجعتلها رحت فتحت كنتوري واخذت
ملابس ودخلت للحمام اسبح
كملت وطلعت شسورت شعري
ومشطته صاحتني ماما

قمر::-هاا ماما

حنان::-اتفقنه اني وام نرجس نروح لبيت هذا الساعدج نتشكر منة ومن اهلة لان استقبلوج