القليب و القمر

البارت9

هسـه اتريدني بطرگ الهـلا اتلكـاك
جـا و الشيـب جـا و مناهـت العبـره

عباس العبادي

----------------------

انخبصت المستشفى بثواني

اجاني دكتور نور يركض كال
::-قمر بسرعه صعدي لطابق الـ3

قمر
::-حاضر دكتور رايحه

رحت اخذت الغراض وصعدت لطابق الـ3

دخلت للغرفة لكيت ولد شطولة وشضخمه ماخذ السرير كلة وجه شايفته مدري وين نايم

رحت حطيتله مغذي وستوني داريد اضربة ابرة كعد وكال

حجه بصوت تعبان
::-دمار وين

عكدت حاجبي يادمار هذا
::-منو دمار

::-دمار وين

قمر
::-ارتاح هسة اشوفه الك

شال الصوندة مال المغذي وراد يكوم لزمت ايدة وكتله
::-ميصير تكوم جرحك يلتهب

دفعني من ايدي حيل وكال
::-مممعليجج ارريدد اشوفة وووينهه

تفاجئت من تصرفة اني شكو ويصيح علية

قمر
::-ارتاح واني ادور علي واجيبلك اخبارة

تقرب مني وحجه
::-ك ت ل ج اريد اش وفة ماتفهمين

حجه مركز عل كل حرف

اتوترت من قربنا ورجعت لورا وكتله
::-بس ميصير ت..

بعدني داحجي عافني ومشى

هستوة وصل للباب دخل ولد هم متصاوب صاح

::-دمماارر لكككك وينك

::-انت وينك ادور عليك وماكو عباالي صايرلك شي ليش كايم مو زين ارجع ارتاح

رجع نام عل سرير ورحت شكلت اله مغذي وحطيت كانونه وطلعت

غريب ثنينهم متصاوبين اليشوفهم يكول مابيهم شي يكومون ويصيحون واني بس ايدي تنجرح شوي انام بالفراش اسبوع والله ياالله

والنوب كل واحد شطولة وشعرضة رفعت راسي يلا شفت شكلهم

داحجي وي نفسي واجتني رنا

رنا
::-هاا بيب تخبلتي

قمر
::-استغفرالله بدت رحمه الله

رنا
::-يلا حبيب مابقة شي ونخلص منج بس هل شكم. ساعه وداعتج

عفتها ومشيت مااهتميت لكلامها تولي بس حجي ماتنفذ رحت بين الشغل والطوارئ اليوم هواي حالات الطوارئ انملت وكمت ماالحك اروح لهذا ولذاك شكلي كله تخربط وانكلب كلاب

شعري انفل وانفتح عل حيلة اجاني دكتور زين وكال

دكتورد زين
::-قمر صعدي شوفي المريض بطابق الثالث بدليلة الكانونة وحطيله مغذي