القليب و القمر

بارت 25

#القليب_والقمر

بقلمي::-ميامين🤍✍️

لتنسون التصويت+تعليق بين الفقرات+متابعه لحسابي💙🥲

- ولكيّتك منرسم بية .

Π___________Π

دك جهازي شفتة القليب استغربت ليش
اتصل هسة رفعت الخط وانهد بالغلط والفشاير

صوتة عالي يمكن حتى همة سمعو
اترخصت منهم وصعدت فوك سديت الباب
وحجيت
قمر::-شبيكك شبيككك

رد وهو يتنهد
القليب::-خرب عشيرتج خرب ذيج الساعه
انعل ابوية

قمر::-هاي شبيك؟

القليب::-شبية؟هاااا شبية ياضحكتج عافية
صايرة ضحكتج عافية للعالمم

فتحت عيوني عل وسعهن ماعرفت
شنو اجاوب سكتت
القليب::-هاااا احجيي احجيي ليش
تسكتين،،ليش ولج هجي تسوويين
كالو وماصدكتتتت ككاللللوووو

قمر::-بس خ...

القليب::-ولااا حررررف ولااا كلمةةة
سكتتتيييي گمرة سكتتيييي

نزلت راسي وشهكت اكيد هسة
اخذو نظرة محلوة علية ونجمة اكيد هسة
كارهتني
القليب::-تبجين؟عليمن تبجين

قمر::-ماتخليني احجي

القليب::-شتحجي گمرة؟كلشي سمعتة
لا تحجين ولا تتعبين روحج

قمر::-بس اني معلية هو...

القليب::-گمرة

قمر::-هاا

القليب::-بعد يومين العرس ومااريد
اي عذر فهمتي لو لا

انصدمت وفتحت عيوني عل وسعهن
قمر::-شدتحجي انت؟شنو يومين

القليب::-اي بعد يومين باجر يجوج البنات
حظري روحج

قمر::-اوكف عليك الله

سد الجهاز بوجهي خلاني
تحت صدمة شكو وليش هيج سوة
اكيد نجمة حجتلة واخذو نظرة محلوة اني صوجي
ماسديت الخط نزلت لجوة دمعتي بطرف
عيني باوعت لماما وكلت
قمر::-ماما العرس بعد يومين

عكدت حاجبها وكالت
حنان::-ياعرس ماما

قمر::-ماما خابرني القليب ديكول
العرس بعد يومين

حنان::-ياا عليمن مستعجلين صدك
جذب

قمر::-ماما حبابة لتوافقين احجي وياهم

حنان::-كافي ماما لا تبجين هسة اخابر
امة وافهم منها

دخلت ماما للغرفة تحجي وي
خالتي ام القليب واني كعدت
عل قنفة محتارة عيوني من وحدهن يدمعن
كعد احمد بصفي وكال
احمد::-اول وتالي تتزوجين ان جان
هسة لو الاسبوع الجاي نفس الشي

سكتت ماجاوبتة جلال يباوعلي
بس ميكدر يحجي وياي حسيتة خجلان مني
واني هم زودتها ويا
رقية::-كافي هيو قميرة هسة خل نفهم
السالفة من امة لا تبجين