القليب و القمر

بارت 20

#القليب_والقمر

بقلمي:ميامين🤍

لتنسون التصويت+تعليق بين الفقرات+متابعه لحسابي💝🥺

شجاك وكمت ماتشتاك ؟
هوا الشوك شيكلّفك !

                  ♪ _________________♪

كملنة وباوعت لنفسي بالمراية تغيرت180د
باوعتلي نرجس وضحكت
نرجس::-ولجج شهلل جماالل هننياللك القليب

ضحكت وكلتلها
قمر::-طبعا هنيالة طبعا

نرجس::-اهو عاد مو كبرنا راسج انجبي

ضحكت ورحت لبست فستان بصلي
يصير طويل وكلش حلو باوعتلي رقية وكاالت
رقية::-ولج والعباس بدون مجاملة طالعة تخبلين

ضحكت وهزيت راسي طلعن هنة
كالن راح نبدل ونجيج ضليت كاعدة
وحدي بالغرفة ماكو اي مشاعر بداخلي
عبالك هذا مو عقدي عقد وحدة غيري
باوعت لشكلي ودمعت جنت اتمنى اتزوج واحد
احبة وهسة تزوجت واحد لا اعرفة ولا اعرف طبعة

دخلت علية ماما شافتني واجت حظنتني
وكالت
حنان::-عين باردة عليج بنيتي تخبلين طالعه

ضحكت وكلت
قمر::-واخيراً اعترفتي اني حلوة

ضحكت ودمعت عيونها رحت مسحت
دموعها وكلت
قمر::-شبيج ماما

حنان::-اسفة بنيتي ماكدرت احافظ عليج وخليتج
تتزوجين غصباً عليج

هزيت راسي بحزن وكلت
قمر::-ماما انتي شعليج وتعتذرين

حنان::-بنيتي عل كيفج وي الولد ترا زين
وحباب ويستاهل كل خير ساعدج مرتين وطلعج من مشكلة لو مو هو جان هسة انتي ماخذيج
فصلية

هزيت راسي وبعدها طلعت كعدت
عل سرير خلص ماكو مهرب بعد
حتزوجة اجتني رقية كالت نزلي بدت الناس
تجي

نزلت جوا ولكيت نجمة وخالتي سعاد
وبعد بنية وياهن مااعرفها
اول ماشافتني خالتي كالت
سعاد::-اللهم صل عل محمد وال محمد
عين باردة عليج يمة

ابتسمت ورحت بستها همست بأذني
سعاد::-الله يساعدك القليب عل هل جمال هذا

ابتسمت ونزلت راسي
اجتني نجمة هلهلت وصاحت
نجمة::-عمممممي هننيياللييي علل هلل مرتت الاخوةةة امممحح

ضحكت عليها ورحت كعدت ع
كوشة بدن الناس تجي وتباركلي
اجتني نفس البنية الجانت كاعد بصف خالتي
كالت من ورا خشمها
ملاك::-مبروك

ابتسمت وكلت الها
قمر::-الله يبارك بيج

كلبت عيونها ماقابلة ورجعت كعدت
يم خالتي استغربت حالتها شبيها؟

مااهتميت الي بيني مكفيني شغلو
اغاني ونجمة ذبت لحم هي ونرجس
ولا كعدن بالكاع بس يركصن كومني اركص
وياهن كمت شوية وكعدت شوي وكالن اجة الشيخ
راح يعقد توترت