القليب و القمر

بارت 7

بارت_7_

وحَگ الچِنت أحِبّهِن بيك وإنباگن
بَعد وجهي ويّ وجهَك حِلم يتلاگن!

#قمر
-------------

ضلينا نصفك ونغني جان احلا يوم بحياتي

سميرة
::-يايمه ولك حتى انت جلال واني اكولن جلال عاقل

احمد
::-شسالفتكم عاقل وعاقل ترا والله مو عاقل

ضحك جلال بصوت وكالت
::-وانت ليش مضغوط هلكد

احمد
::-يابة مو سالفه مضغوط بس كتلوني عاقل وعاقل

سميرة
::-ايي عاد مامسوي سوايتك

ضحكنا وكال جلال
::-بيبي من بعد اذنج اريد اجيب اختي وامي يسلمون عليج اذا ماعندج اعتراض

سميره
::-يايمه اني عندي اعتراض ليش ايي يبعد عمري جيبهم جيبهم اريد اشوفهم

هز راسة وكال
::-باجر همه يمج

قمر
::-ياااييي متحممسه حتصير عندي صديقة جديدة

باوعلي جلال وضحك

رقية
::-اييي اييي صديقة جديدة وتنسيني

جلال
::-هاا شنو تغارين

بس حجه وياها ضلت مفهية بوجهه الخبله دوم فاضحه روحها لحد ما صاح بيها احمد

احمد
::-هاا وين صفنتي

توترت ونزلت راسها

ردت اغير الموضوع كلت

قمر
::-جلال شنو اسمها

جلال
::-نرمين

قمر
::-االلله حلو اسمها زين هي حبابة لو مثل فرح

ضحك وكال
::-تجي وتشوفيها

قمر
::-ايي كلش متحمسه

احمد
::-راح ينضم للشلة مالتنه عضو جديد

ضحكت وكتله

قمر
::-واخيرا تغير وجوه مكابلتكم وكاعدة

رقية
::-بعدهي ماجاية وبعتينه

ضلينا هيج نسولف ونضحك تالي ب12 كلهم طشو رحت فرشت وي رقية وداشوفها متغيرة مو ذيج رقية التضحك وتحشش

قمر
::-رقاوي هيج الحب يعقل

جرت حسرة وكالت

رقية
::-اوووف ماتدرين احسن اسكتي

قمر
::-ممكن تنجبين عزيزتي شكو احجي

رقية
::-جلال يحب وحدة

تفاجئت جلال يحب!!؟ منو هاي الي يحبها جلال

قمر
::-عززا عود صدك ومنو هاي اليحبها جلال؟

رقية
::-مااعرفها بس الاعرفة هو يحب وحدة

قمر
::-شمدريج؟منين عرفتي