القليب و القمر

بارت 2

بارت _2_

يِا طعَم كل الَعراق الذايَب بلَيل الَبنِفسج

مظفر ألنواب
----------------

سديت الموبايل بوجه مدري ليش هيج سويت هو شعلي اني ثولة ورحت صعدت فوك ونمت كعدت ثاني يوم ونزلت انصدمت

لكيت بيتزا جاهزة عل طاولة

قمر
::-ممماممممما مممممممااااامماا

حنان
::-ومرض شبيج ولج تجوعرين الواحد من يكعد يكول صباح الخير

قمر
::-ماما ياخير شسالفه بس هاي المن البيتزا

حنان
::-الج
قمر
::-الي؟؟ منو جابها بابا؟

حنان
::-لا ولج علي جابها

انصدمت علي جابها ليش جاب بيتزا

قمر
::-ماما ليش علي جاب بيتزا

حنان
::-ولج ماادري شنو تحقيق جابها وكال هاي لقمر شمدريني يايمة انتي دوخه ضلي نايمه احسن

قمر
::-ايي ايي اضل نايمه واني لو اتأخرت شوي تكلبين الغرفه كلب علية كعدي وكعدي والله تصرفاتج متناقضة

حنان
::-انجبي ولا تراددين روحي اكلي وعزلي غرفتج صايرة عبالك سوك باله

قمر
::-عود ميخالف

راحت ماما واني بوضع صدمه ليش جاب بيتزا وشمعنى حدد الي

فتحت البيتزا واكلتها كلها حتى المقبلات الي وياها اكلتها عبالك مشايفه

رحت صعدت لغرفتي اتصلت برقية

اول مردت صرخت

رقية
::-مووووووووووووو عل اااسسسساسسس زعلانه

قمر
::-الهايشة ومرض شبيج تجوعرين واني شوكت زعلانه

رقية
::-لعد منو البارحه نامت بلا اكل وسدت الجهاز بوجهنا

تذكرت البيتزا وسئلتها

قمر
::-اكلج ليش علي جايبلي بيتزا

شفتها تفاجئت
رقية
::-ششنو شنو عيدي علي جايبلج بيتزا وين شوكت شنو حلمانه انتي

سولفتلها كلشي كالت وهي تضحك

رقية
::-ياااا ولج خطييه البارحه من سديتي كام يحجي يكول هسة تتخربط ميصير تنام وهي جوعانه يجوز طلع من الصبح جابلج

ضليت صافنه فزيت عل صرختها

رقية
::-اييييييي اييييييي عيينيي بعدج ماصايرة وكام يجبلج ويهتم بيج مثل عود انام مثل الجلبة جوعانه عطشانه محد بحالي والله وكت

قمر
::-هههههه ولج عابت حسدتيني عل هاي

ضلينا نحجي بالنص ساعة وراحت كالت امي تصيحلي