القليب و القمر

بارت 4

بارت_4_

يل متعبني احب وجهك

بهاء الرحمن
------------------

بيومها بتت عندهم وثاني يوم وصلنا علي وهو يوصي بينا انو منسوي مشاكل والله لو تدري عل شنو ناوية

وصلنا وطلعنا للساحه لاكتنا زهراء صحت بصوت عالي

قمر
::-اكككووووووو ناااسسسس اعتذرت من يمنا

باوعتلنا صفح واني والبنات ضلينا نضحك جرتني رقية وكالت

رقية
::-قمر عل شنو ناوية عليج الله لتسوين شي مو وصانا علي

قمر
::-معليج طلعي منها اني اعرف شلون اتصرف

رحت ليقين وحجيتلها شراح نسوي ووافقت

طبعاً يقين صديقتي المقربة والمشاركة بكل مصايبي

بوكت الدرس جان عدنا تاريخ ام التاريخ زينه تخلينا نطلع كلنالها نروح للحمامات وافقت طلعنا اني ويقين رحنا لغرفة المعلمات لكيناها فارغة بس خاف تجي معلمه كلشي يصير كلتلها روحي راقبيلي وخلي الباقي علية

يقين
::-تمام بس تصير حركة غريبة اجيج

كلتلها تمام وطلع رحت لجنطه ست رفل هاي ماتتحاجة ومنحبها هم اهبطها شوي واهم اكمل خطتي

اخذت جهازها حطيته جوا صدريتي ستوني رجعت الجنطه لمكانها واجتني يقين تركض

يقين
::-اجت المعاونه بسرعه خل نطلع

انخبصت وبسرعه طلعنا لاكتنا المعاونه

المعاونه
::-شتسون هنا؟

يقين وجها انكلب اصفر رديت اني

قمر
::-ست جنا بالحمامات

المعاونه
::-مو عندجن حمامات شكو جايات

قمر
::-ست ماكو مي بالحمامات مالاتنه

المعاونه
::-تمام اخر مرة اشوفجن هنا

هزينا راسنا وطلعنا

يقين
::-يمه كلبي وكع بين رجلية كلت هاهية انكشفنا

قمر
::-ماطولج وي قمر لتخافين

يقين
::-هو لان وي قمر خفت

ضحكنا ورحنا للدرس كمل ودك الجرس للساحه اشرت لليقين حتى محد يشك طلعت واني وحدي ضليت بالصف طلعت الموبايل من جوا صدريتي وحطيته بجنطه زهراء

ومن كملت طلعت لكيت رقية ويقين منتضراتني مشيت وياهن اشرتلي يقين هزيت راسي ابتسمت

رقية
::-شبيجن توزعن ابتسامات

قمر
::-شلون الواحد ميصير يضحك

رقية
::-اعرفجن واعرف سوالفجن شمسويات مصيبة جديدة