တဖြည်းဖြည်းနှင့် ပျောက်ကွယ်သွားသော နေလုံးကြောင့် မီးတုံးစပါးတင်လာသော လှည်းဦးထိပ် မြင်းပေါ်က နေညို ကညင်ဆီ မီးတုတ်ကို ထွန်းညှိလိုက်ရလေ၏။ ငွေကွန်ူကို ရောက်အောင် သွားချင်ပေမယ့် ညနေ ၆ နာရီအတိမှာပင် မြို့ရိုးဂိတ်က ပိတ်သွားပြီမို့ ခပ်မှန်မှန်သာ လာရင်း တောလမ်းတစ်နေရာမှာ စတည်းချရန်သာရှိတော့၏။
"ကိုအောင်ဗလ ဒီတေါထဲ ဘယ်နေရာမှာ စတည်းချဖို့ အဆင်ပြေလောက်မလဲ "
ထိပ်ဆုံးလှည်းပေါ်က တာလီစာရေးက နယ်ခံဖြစ်သောကြောင့် နေညို မေးလိုက်ခြင်းပင်။ ကိုအောင်ဗလက အနည်းငယ် စဥ်းစားလိုက်ရင်း
"တောလမ်း အကွေ့မှာ စမ်းမြှောင်တစ်ခုတော့ ရှိမယ်ဆရာမလေးရဲ့ ကျုပ်တို့ အဲ့သည်ကိုရောက်အောင် သွားလိုက်မယ် ဆရာမလေးကတော့ အနီးအနား ရွာ မှာ ဝင်တည်းလိုက်ပါ "
အားလုံးက ယောကျ်ားသားတွေ ဖြစ်ပြီး နေညိုက မိန်းကလေးတစ်ယောက်ထဲမို့ ကိုအောင်ဗလက အတူရှိမနေစေချင်သဖြင့် ပြောလိုက်ခြင်းမှန်း နေညို ရိပ်မိသွားလေဖြင့်
"ကောင်းပြီလေ ကိုအောင်ဗလပဲကြည့်စီစဥ်လိုက်ပေါ့ စိတ်ချမယ်နော် ဒီမှါပဲ လမ်းခွဲကြတာပေါ့"
ကိုအောင်ဗလကလဲ သူဌေးလူယုံတစ်ပိုင်း အတွေအကြုံပြည့်သော လူမို့ စိတ်မချစရာ အကြောင်းမရှိတာကြောင့် နေညို လှည်းစုနှင့့် ခွဲထွက်လာခဲ့လေတော့၏။
"ဒိုင်း "
"ဟီး ...ဟီး"
ပြစ်ဖောက်လိုက်သော တူမီးသေနတ်သံကြောင့် နေညို၏ မြင်းပါ လန့့်ဖြန့်ပြီး ပဒက်ထရပ်သဖြင့် မြင်းဇာတ်ကြိုးကို အသာကုန်ဆွဲထားရပါတော့၏။ ညကြီး မိုးချုပ် ဘယ်အရပ်က သေနတ်သံပါလိမ့်။
"ဒိုင်း .....ဒက် .....ဒက် ....ဒိုင်း"
"ငါ့တို့ မြေကို အုပ်စိုးချင်တဲ့ တစ်ကျွန်းသားတွေ အကုန် သတ်ပြစ်ဟေ့ "
"ယား "
"ချွမ်း ....ချလွမ်"
ညာသံပေးလာသော လူအုပ်ဆီမှ အသံများနှင့် သေနတ်သံတွေ ဓားချင်းထိခတ်သံတွေက သူနှင့် မျက်နှာချင်းဆိုင် တောတန်းလမ်းမှ ထွက်ပေါ်လာနေ၏။ ကြည့်ရတာ မျိုးချစ်ပုဂ္ဂိုလ်များနှင့် တစ်ကျွန်းသားလောက်ကောင်တွေ တိုက်ပွဲဖြစ်နေပုံရ၏။
YOU ARE READING
ရာဝဏလို ...လူ...
Romanceသုံးပွင့်ဆိုင်အချစ် ဇာတ်လမ်းလေးပါ။ အဝယ်တော် မိန်းကလေးရယ် မြို့အုပ်မင်းရယ် ကျေးတောရွာက မိန်းကလေးတစ်ဉီးကြားက ဆွတ်ပျံ့ဖွယ်အချစ် ဇာတ်လမ်းတစ်ပုဒ်။ သုံးပှငျ့ဆိုငျအခဈြ ဇာတျလမျးလေးပါ။ အဝယျတျော မိနျးကလေးရယျ မွို့အုပျမငျးရယျ ကြေးတောရှာက မိနျးကလေးတဈဦးကွားက ဆှတ...
