شروق الآدم ( دولا مجانين )

part 5

كانت تجلس كالروح الخاوية تفكر لما حدث هذا....وبما اخطأت حتى يحدث لها كل هذا ...وعلاما تعاقب 
Flash back 
بعدما وصل والد شروق ووالدتها .....ليردف جمال بجدية ... : روحى اتكلمى مع شروق واقنعيها...
الام بغضب : انا مش عارفه انت مقتنع ازاى كده ....
الأب بجدية وثقة : هتبقى تعرفى بس....ان شاء الله بعدين ....
الام بغيظ : اما نشوف اخرتها معاك ....لتذهب بعدها باتجاه غرفة ابنتها...لتقوم بالطرق على الباب ....
شروق وهى تجرى باتجاه والدتها لتقوم باحتضانها لتقول بفرحه : ماما انتى كويسه وحشتينى اوى..... وبابا كويس 
الام وهى تملس على شعر ابنتها لتردف بحب : اهدى يا روحى انا كويسه .....وبابا بردوه كويس انا جايه اكلمك فى موضوع ولازم يخلص بكره بالكتير عشان لازم نختفى عن الأنظار لوقت طويل ....
شروق بقلق وبتسأل : فى ايه يا ماما قلقتينى ...فى حاجه حصلت ولا ايه 
الام بجدية : انتى هتتجوزى آدم ابن عمك حسين ان شاء الله بكره .....
شروق باستغراب: ماما انتى سامعه نفسك بتقول ايه...
الام بجديه: اه سامعه بقول هتتجوزى بكره ....ايه إلا مش مفهوم فى كده 
شروق بذهول : انتى بتبلغينى يا ماما ولا بتاخد رآى 
الام بجدية وبحزن على صغيرتها : يا بنتى مفيش وقت .....الجدى مش هيسمح بأنكم تقعدوا فى نفس البيت من غير رابطه وكمان انتى فى مكان صعيدى ....
شروق بحزن وبكاء : ياماما حرام فى بنت بيحبها ....وليه ما امشيش انا معاكوه 
الام بخضة ..تمشى تروحى فين ....مفيش مكان اامن من هنا ليكى.....لتكمل محاوله اقناعها : يا بنتى ده جواز على الورق لحد ما القضيه تخلص وبعديها انتوه وراحتكم تتطلقوا تقعدوا براحتكم....وقتها اعلى مافى خيلكم اركبوه 
شروق برفض : يا ماما انا مش موافقه انا اصلا بخاف من الكائن ده ومش بحبه ....
الام بغضب : شروق متجننيش ده مش وقت تفكير ...
شروق ومازالت على موقفها لتردف بعند : انا مش موافقه يعنى مش موافقه 
الام بغضب وبانانيه حتى تستطيع حماية ابنتها : والله يا شروق بكره ان منزلتيش ووافقتى يبقى لا انا امك ولا اعرفك واعتبرينا موتنا 
End 
آدم بغضب وسخرية : مبروك يا ست الحسن والجمال ايه رايك لقيتى عريس لقطه 
شروق وهى توجه انظارها له لترد بغضب : جوازة الندامه يااخويا ....انا كنت عارفه ان انت وش المصايب كلها لو مكنتش شفتك انته والبيبى بتاعتك ياوش النحس كنت زمانى مسكوعه فى بيتى دلوقتى 
آدم بغضب: انتى يابت تطولى...
شروق بتهكم: ياريتنى يااخويا ماكنت طولت....لتكمل بسخريه...الا خدته القرعه تاخده ام الشعور.....محسسنى متجوزه تامر حسنى بذات نفسه....
آدم بغرور : انا احسن منه علفكره....
شروق بسخرية : يا اخى اتوكس ....اتلقحلك فى مكان مش ناقصاك....قال احسن منه قال
آدم بغضب : انتى يابت طوله لسان مش عايز والا والله هعلقك ...
شروق بردح : حوش حوش ياخويا ...خفت انا بقى ......ماتقوم يا اخويا تدينى قلمين على وشى احسن ...لتكمل وهى تندب حظها.......اه يا حظك الاسود يا شروق ....اه يابختك المايل يا اختى فى جوازتك ...يا شماتة ام سماح فيكى يا ختى
آدم بسخرية : عليكى نور اربطى بس طرحه فى دماغك واقعدى اندبى حظك هيبقى شكلك احسن كتير ....يلا كملى هايل يافنانة...
ملك بضحك : مبروك ياعرايس والله محظوظ ياض يا آدم وصلت للعود الفرنسى ده ازاى.....لتكمل بحلاميه.....اه ربنا يوعدنا.......الا قولولى ايه الكلام الرومانسى الا العرايس بتقوله 
آدم بسخرية : تعالى ياختى اقعدى فى الوسط عشان تسمعى كويس 
ملك بمرح : والله فكره حلوه 
وبالفعل ذهبت ملك وقامت بالجلوس بين آدم وشروق ....وشعرت انهم سيقوموا بقتل بعضهم البعض الان...كانت تحاول تخفيف الأجواء المشحونه لتردف بمرح : فى ايه يا شباب هدوا اعصابكم دى ماكنتش جوازه الا تعمل فيكوه كده يلا اهو علقه تفوت ولا حد يموت ...متقلقوش.....ان شاء الله تعيشوه وتاخدوه غيرها.....لتجدهم ينظرون لها نظرات نارية....لتقول بخوف.....فى ايه ياشباب بتبوصولى كده ليه ....هو انا جيت جمبكم ولا قولتلكم اتجوزوا.....انا مالى...لتقوم من مكانها وتقول ...انا شكلى عكيت الدنيا....لتوجه انظارها لشروق وتقول ....انا لسه صغيره يا اختى ومدخلتش دنيا ...اخاف على روحى ...استئذن انا بقى
قام حسين بتوجه باتجاه آدم ليقوم باحتضانه ويردف بفرحه وجديه : مبروك يا ولاد ربنا يتتمملكم على خير ....عقبال اما نشوف ولادكم.... 
آدم بسخريه على كلام والده : ايه يابابا ده ان مكنتش عارف الا فيها متتقمصش الدور اوى 
حسين بمرح : بس ياض سيبنى افرح 
حسين بحب : تعالى يامرات ابنى ....وقام بحضنها وقال ..... مبروك يا بنتى ربنا يتمملكم على خير 
جمال وهو يقوم باحتضان ابنته وتقبيل راسها ليردف بحب : مبروك يا بنتى...ربنا يتمملكم على خير 
والدة شروق والتى كانت ترى عتاب كبير فى عين ابنتها لها...لتتوجه باتجاهها وتقوم باحتضانها وتقول : ...والله بعد كده هتعرفى أن ده الاحسن ليكى...ربنا يتمملك على خير ...وهتقولى أن انا عملت الصح ... 
الجدى بجدية : يلا دخلوا العرايس ...علشان يتعشوا 
بعد دخولها الى الغرفة توجهت شروق بسرعه باتجاه صينية الطعام حتى تاكل..... 
آدم بتهكم : مش تستنى ...فى بنى آدم معاكى هياكل .....
شروق بسخريه : ماتطفح انا مسكاك ولا ماسكه بوقك. ...
ادم بغضب : والله انتى بنت قليلة ادب انا هاخد شاور وبعدها هاكل .....
بعدما خرج آدم من الحمام وجد شروق مازالت تجلس تاكل ليردف بتسال : ...ده كله بتاكلى..... فين بقى منابى من الأكل 
شروق وهى تكبب له فى وجه : خمس وخميسه فى عينك..... بص انا مش بحب المولخيه وسيبهالك اهيه عجباك كل مش عاجبك خلاص روح نام .....
آدم بتسأل : طيب والديك الرومى فين 
شروق : بص اخر حته لحمه راقده اهيه عايز تاكلها انت حر مش عايز تاكلها قول لو كده اكلها انا حرام نهدر الاكل....اصل والله لسه مشبعتش 
آدم : دى شويه وهتاكلنى ....ايه اتفجعتى....ناقصه تاكلينى انا كمان...
شروق بجديه : عارف ياآخ آدم ....انا اصلا مش باكل اللحمه وعامله دايت اليومين دول ......دى كانت تحبيشه بس زى تسالى كده .... 
آدم بتهكم : باين حتى الدايت بعد ده كله مش هيكون باظ .....ده انتى كنتى بتتسلى مش اكتر....
شروق بجديه : بص بقى يا أخ آدم انا هنام على السرير وانتى بقى شوفلك مكان اتلقح فيه...
آدم بغضب وسخريه : اتلقح..... وليه انتى متشفيش مكان تتلقحى فيه يا اختى شروق ......ده الناقص ترمينى بره الاوضه 
شروق بجديه : ...ده يبقى من ذوقك يا اخ آدم والله...... لتكمل بجدية : .... انا حذرتك فانت حر عايز تنام جنبى معنديش مانع ....بس اتحمل إلا يحصلك فى الاخر 
شروق : انا قايمه انام ...يلا تصبح على خير 
فى منتصف الليل ..لم يستطع آدم النوم بسبب نومها الغريب ....مره يجد يدها على وجه ومره اخرى رجلها...ليقوم آدم بفزع ليجدها جالسه بجانبه على السرير وشعرها منكوش تغنى وتتكلم....فجاءة قامت بازاحته من على السرير.....ليجد نفسه ملقى على الأرض 
آدم بألم ووجع : ااااه يا بنت المفتريه ....حسبى الله ونعم الوكيل فيكى...قام آدم بالفرش على الأرض لينام....ومن ثم غط فى نوم عميق ...
فى مكان تاني 
شخص ما : مبروك اهم اتجوزوا ...