متنسونيش فى الفوت يا قمرات 😘😘
ولاء والتى كانت مرعوبة من فكرة هروبها ...وماذا سيحدث ان امسكوا بها ....لكن لا تعلم ماذا تفعل
صلاح بجدية وعدم استيعاب أنه يبيع ابنته : جهزى نفسك ياعروسه بكرة كتب الكتاب ..... والله وهيبقى ليكى فايدة يا بنت صفية وهتنغنشينا فى الفلوس....
ولاء ببكاء مرير : يا بابا حرام عليك عايز تجوزني ل واحد قدك ...
صلاح بصراخ : حرمت عليكى عشتك يا اختى...... ماله الراجل مهو ملو هدومه..... الراجل ميعبهوش حاجه ...انتى وامك دايما كده نحس مبتعملوش حاجه غير ترفسوا النعمه برجليكم .....لما هتزول من وشكم....
ولاء بحزن : ايه جاب سيرة ماما دلوقتى ....
صلاح بغضب : ولله وطلعلك لسان يا بنت صفية
صلاح بجدية : أنا مش عايز ارفع ايدى عليكى النهارده عشان المعلم عايزك ورده مفتحة فلمى الدور واتلمى ويلا انجرى شوفيلك مصلحه اعمليها ....بعد الانتهاء من كلامه وجد أحد ما يطرق بابهم....ليذهب صلاح ويقوم بفتح الباب ليجد المعلم حمدى.....
المعلم حمدى : ازيك يا صلاح واخبار العروسة ايه
صلاح بجدية : كويس الحمد لله..... وبالنسبه للعرو سه اهي متلقحة اهية
حمدى بنظرات جريئة ل ولاء : اخبارك يا عروسة.... كلها ساعات وهتكونى بتاعتى .....
كانت ولاء تنظر له باشمئزاز لتقول فى نفسها : لما تشوف حلمة ودنك يا ابو كرش يا راجل يا خرفان انت .....انا لازم اهرب ....لو ايه حصل انا همشى من هنا..... متبقاش فى العالم غير فار المجارى ده عشان اتجوزه ده الواحد يبقى احسنله يقعد معنس وبلاها جواز..... يعنى الا اتجوزوا خدوا ايه
قام حمدى بتوجيه انظاره لصلاح ليردف بجديه : انا جايب بنات كده من البتاع الا بيجهزوا فية العرايس لست البنات
حمدي وهو يقوم باستدعاء الفتيات من الخارج ..: ادخلوا يابت انتى وهيه عايزكوا تطلعولى ستكوا ولاء اجمل واحده فيكى يا حارة .....
حمدى بجدية : يلا استئذن انا يا صلاح ....سلام يا عروسة
ولاء فى نفسها : عرسة اما تمصك راجل لزقة ....متقلوش جابوا غره ولزقوه فيا
صلاح لفتيات التجميل : ادخلوا يابت انتى وهيه استنوها فى اوضتها ....
بعد دخول الفتيات قام صلاح بتوجيه انظاره لولاء ليقول : شوفتي يابت العز إلا هتعيشى فيه هتبقى ست الكل
ولاء بحزن : انت بتبيعنى ليه يا بابا عشان الفلوس
صلاح بجدية : اه ببيعك يعنى بعد دفع الفلوس دية كلها فيكى ومش هعرف أقبض من وراكى قرشين حلوين ....يلا غورى شوفي البنات إلا مستنيينك جوه عشان يجهزوكى بت فقر جبتيلى الفقر والمرض مهو لو المحروسه امك كانت جابتلي حته عيل كان نفعنى عنك يا اختى .....قامت ولاء بالدخول إلى غرفتها لتجد الفتيات بانتظارها ....
ولاء بجدية : بصوا انا مش عايزاكم تعملولى حاجه انتوه هتقعدوا معايا شوية وبعدين تمشوا وتقولوا ان انتوا عملتوا إلا اتقالكم وتاخدوه فلوسكم وانا هجهز نفسى.... ومتشيلوش انتوه هم
لم تكن الفتيات موافقات فى البداية لكن ولاء قامت باقناعهم ......كان قد حل وقت صلاة المغرب عندما خرجت الفتيات من عندها وذهبوا .....كانت ولاء تتوجه للخروج من الشقة لتجد والدها يجلس يشاهد التلفاز ليردف بتسأل : رايحه فين يابت
ولاء بجدية : رايحه الصيدلية يابابا هجيب أدوات شخصية
صلاح بإيماء : متأخريش .....قامت ولاء بالذهاب إلى الصيدلية وإحضار منوم ......ثم عادت إلى المنزل ....لتجد والدها مازال يجلس أمام التلفزيون لتردف بتسأل : عايز حاجه يا بابا
صلاح باستغراب وشك : ايه يا اختى الرضى ده كله
ولاء بجدية : بمناسبة آخر يوم ليا معاك
صلاح وقد صدقها : طيب روحى اعمليلى كوباية شاى
قامت بتحضير الشاى ووضعت به المنوم وقامت باعطائها إليه لتردف باحترام : اتفضل يا بابا
صلاح : من يد ما نعدمها يا اختى
قام صلاح بتناول الشاى وخلال وقت قليل كان قد غط فى نوم عميق ....لتقوم ولاء بارتداء ملابسها .....وقامت بأخذ حقائبها وانطلقت إلى حال سبيلها ....
"""""""""""""""""""""""""""""""""""""""""""""""""""""""""""""""
بعد تحضيرها الطعام لزوجها لتجد ابنها قد حضر لتردف بجدية : تعالى يا حبيبي امك انا عارفة ان إلا الايام جاية عليك عشان انت غلبان زى امك كله جاى عليها حتى ابوك الكلب....انا عارفه يا حبيبي ان كوثر الكلب بتتبل عليك ..... ده انت ملاك...طالع لامك .... مش عارفة يابنى الدنيا هترحمك ايمتا...تعالي يا حبيبى قولي الامتحان كان عامل ايه
محمد بحزن : الامتحان كان صعب اوى يا اما
ندى بحزن تسأل: يا ضنايا وملقتش حد يغششك
محمد بنفى : لا ملقتش حد يغششني ي اما
محمد : تعرفي ياما انا اتهزيت
ندى بتسأل : رقصت يعنى
محمد : لا لا من جوايا يا اما
ليسمع احمد جميع حديثهم ليضرب كف على كف وهو يردف بسخريه : ونعم امهات العصر بتعلمي الواد ايه يامصيبة المصايب انتى كان يوم اسود يوم ما اتجوزتك ....لا والمصيبة بتسألية ان كان لقي حد يغششه.... بدل ما تقوليلوه اوع تكون غشيت ياحبيبي ....طيب حتي قوليلوه الغش حرام
easy man ليقول محمد لوالده
احمد بغضب : ايزى بتاع امك هنا يا فاشل يا ابن الفاشله
ندى بغيظ : ما تبطل تجعره فى الواد .... مش ناقصة وجع نفوخ هيه ويعنى إلا اتعلموا اخدوا ايه ....اهو واحد زيك قاعد فى البيت عاطل ليل نهار مبيعملش حاجه غير انه قاعد ياكل على قفايا وخلاص
احمد بذهول : نعم يا اختي عاطل اومال بروح اشتغل ازاى .... يكونش بروح العب نط حبل وارجع ولا يكونش قاعد ببيع فجل وجرجير وراجع محلتيش اللضا
ندى بغيظ : اهو عاطل وخلاص ...
احمد بغضب وغيظ : والله ما فى حد عاطل غيرك ....ياعاطله
ندى بسخريه : لا يا اخويا هبقى اروح اشتغل واسيبلك شهاداتى تطفحك ليل نهار
احمد وهو يقوم بتغيير الموضوع : والله عندك حق يا بت اهم الا اتعلموا اخدوا ايه .... ما تجيبى بوسه بقى
ندى بخجل : يا قليل الادب مش من شوية كانت جوازة سودة ....ومش ملاحظ الواد ابنك
احمد : والله انا زى جوزك .... جوازة سودة ايه بس ...دى جوازة عسل وصاحبتها عسل
.... تعالي بس اقولك على حاجه .....و تسكت شهرزاد عن الكلام غير المباح
"""""""""""""""""""""""""""""""""""""""""""""""""""""""""""""""""""""
بعد أن انتهوا من عشائهم وذهبوا إلى غرفتهم
آدم بجديه : شروق عايز اقولك على حاجه
شروق بإنصات : فى ايه.... سامعاك
آدم بجدية : انا هخطب
شروق بصدمة : نعم يا اخويا سمعني كده تاني
آدم بجدية : بقولك هخطب ايه مبتسمعيش
شروق بغضب : هتخطب ايه يالا تتخبط فى نافوخك
آدم : هخطب ليلى إلا بحبها ما انتى اكيد عارفاها
شروق: لا والله ياخويا مكنتش اعدمك..... ليه وانا جايبنى هنا عشان تحطنى فازه ولا ايه ... لا انا مش لقمة سايغة ده انا الففك فى المحاكم شبر شبر واخلعك عشان تبقى مخلوع يابن حمدية العمشة ......ايوه انا بقولك اهو .....
آدم بغضب : تلففين فى المحاكم ياعقربة يكشوا يلفوا علي رقبتك انتى حبل المشنقة
شروق باستفراز وسخرية : ياض ده انت مش لاقي تاكل ده انت شوية وهتقعد فى الشارع تشحت عايزة تتجوز تانى يكشوا يجنزوك
آدم بجدية : لا يا اختى مش هشحت ولا حاجه و معايا الفلوس كتيره والحمد لله وعندى شغلي وشركتى الخاصة بعيد عن شغل العيلة
شروق بغيظ : اه مهو انتى علي قلبك قد كده ومش معبرنى بجنية حتى ابقى جبلي كيس شيبسى
ادم بجدية : قرى بقى.... مهو مش هيجيبنى الأرض غير قرك ده
شروق بغضب : اوع ياض تكون من إياهم
آدم بتسأل : إياهم مين يااختى
لتكمل شروق بإجابة : الا ماشيين فى الرايحه والجاية يقولوا الشرع محللنا اربعه
آدم بجدية: لا يا اختى مش من إياهم بس انا وانتى عارفين إلا فيها وكلها فترة وهنطلق وانا عايز اخطب دلوقتى الا بحبها
شروق بجدية : معنديش مانع بس تبقى تقنع اهلى وابوك وجدك وكمان عندي شرط احنا كده الا بينا مجرد ورقة يعنى انت هتشوف حياتك وانا كمان هشوف حياتي
آدم بغضب : نعم يا اختى هو ايه الا هتشوفي حياتك وانتى لسه مراتى
شروق بغضب : هو كده.... مهو مش حلال ليك وحرام ليا متحسسنيش ان انا ميته فى دباديبك يا اخويا
آدم بسخرية : ولا ميته فى دباديبى ولا فى دباديب امي.....ليكمل بتسأل .... ومعنى كده الا هتشوفي معاه حياتك هتعرفية ان انتى لسه متجوزه
شروق بجدية : ايوه طبعا وهعرفه كل حاجه من طقطق لسلامو عليكم
آدم بتسأل : آخر كلام عندك
شروق بجدية : ده الا عندى عاجبك عاجبك مش عاجبك طص دماغك فى اكبر حيط
آدم : خلاص موافق
ادم بجدية : هو ينفع تقنعى انتى اهلك او تقوليلهم عشان انتى ادرا بيهم
شروق بابتسامه : ماشى اى خدمه يا عم... عد الجمايل بقى.....
ثم ذهب كل شخص لينام فى المكان المحدد له.
""""""""""""""""""""""""""""""""""""""""""""""""""""""""""
فى الشارع
كانت سيارة مسرعه آتية باتجاه ولاء فجاءة
YOU ARE READING
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
