فى المساء كان والد شروق ووالدتها وحسين يذهبون لزيارتهم.....
شروق لنفسها : قومى يابت اعملى حاجه تغيظي بيها سبع البرومبه بتاعك ...فكرى فكرى ...لتكمل بحماس : جاتلى فكره اقوم انفذها بقى ...
بعد وصول والد شروق ووالدتها وحسين
حسين وهو يقوم بحضن والده : اخبارك يا حاج واخبار الولاد ايه
الجدى بغضب : الحمد لله ياكلب يابن الكلب بقى متسالش على ابوك العاجز
حسين بضحك : عاجز فين بس يا بابا ما انتى صحتك زى البومب اهى .. دانت شكلك ناوى تدفنا
الجدى بغيظ : قرى عليا قرى مانا مش جايبنى الأرض غير قرك ده
اردف جمال وهو يقوم باحتضان الجدى : ازيك يا عمى
الجدى بحب : الحمد لله وانت عامل ايه يا جمال يابنى
جمال برضا : الحمد لله اهى مستوره يا حج وعايشين الحمد لله
قام الجدى بتوجيه انظاره لزوجه جمال واردف بترحاب : اخبارك يا ام شروق
ام شروق باحترام : الحمد لله يا عمى ....وانت عامل ايه
الجدى : الحمدلله يابنتى.... اصيله مش زى ابنى الكلب إلا مطمرش فيه حاجه ...ليكمل بجدية ....طيب يلا ادخلوا يا ولاد نكمل كلامنا جوه مش هنفضل واقفين على الباب كده......وبعد قليل من الوقت وصل آدم
آدم باحترام : السلام عليكم ....ليتوجه باتجاه والده ويقوم باحتضانه : ....اخبارك يا بابا
حسين بسخرية : ده على اساس انك حياله مكنتش معايا من كام ساعه
آدم : خلاص يا حاج انا اضرب بالجذمه ان سلمت عليك تانى
آدم وهو يوجه انظاره لوالد ووالدة شروق ليردف بجدية : ازيك يا عمى.... ازيك ياحماتى .....
والد ووالدة شروق : الحمد لله يابنى ....وانت اخبارك ايه ....واخبار البت شروق ....وهيه عامله معاكى ايه
آدم : انا الحمد لله انما بالنسبة لشروق عامله معايا ايه..ليكمل بسخرية...مقدرش اقولكم غير انها نسمه تتحط على الجرح يطيب مش بحس بوجودها ..... مش عارفه انتوا كنتوا بتعملوا فيها ايه عشان تبقى بالهدوء ده ....
كان والد ووالده شروق ينظرون لبعضهم باستغراب ....ليردف والد شروق باستغراب : يابنى انت بتتكلم عن بنتنا احنا بنتنا شروق مش قصدك على حد تانى
كان الجدى يفطس على نفسه من الضحك لانه يعلم مقصد آدم ....لتردف والدة شروق بعدم اقتناع : يمكن هديت عشان فى مكان غريب وكده .....لتكمل الام بتسأل : بس اومال فين البت شروق
لتقوم شروق برفع يدها مردفه : انا هنا يا وليه ....
الجميع نظروا لمصدر الصوت والا اتفاجئوا جميعا ....
آدم بصدمه : نعم ...
Flash back
شروق بجدية : انا عرفت انا هعمل ايه ....قامت شروق بأخذ اقدم ملابس لديها والتى بها ثقوب وقطوع وايضا تبدو مهرتله....قامت بوضع ميكب كانت تبدو مثل من فرمتها عربية أو مضروبة بونيتين فى وجهها ....
End
ام شروق وهى تجرى للاختباء وراء زوجها لتردف بخوف : مين العفريته دى ......ايه يابنى انت لحقت تتجوز على البنت لا وكمان رايح تتجوز عفريته ....ملقتش غير عفريته
آدم بسخريه : امنا الغولة اكيد جايه بتمثيليه جديده
شروق وهى تمثل البكاء : الحقينى يا اما شوفى جوز بنتك وصلنى لإيه مخلينى اشحت فى الشوارع ومجوعنى وبيصبحنى بعلقة وبيمسينى بعلقة .....
الجدى بسخرية : مش من كام ساعه كان حبيبك وقرة عينك
شروق بجدية : ياجدى إلا فات مات ..لتكمل بغيظ...ما تستور يا راجل انت مبيتبلش فى بوقك فوله
قام آدم بالتوجه باتجهها وجذب خدودها ليردف بسخرية : بذمتك يا عمى ده منظر خدود جعانه ولا جسم جعانه
جمال بجدية : ان جيت للحق يابنى بصراحه لا .....
شروق بتمثيل البكاء : تعرف يابابا كنت عطشانه ورايحه اشرب شوية مايه أبل بيهم ريقي راح لافحنى بالكوزلك وادى الاثبات عند عينى
آدم بسخريه : لا حلوه دى ...هايل كملى يافنانة .....يلا ابداى الشوط الا بعده .....ليكمل بسخرية ...بس هييجى منين ياختى الكوزلك
شروق بتلجلج : معرفش اسأل نفسك .....ياوكستك يا شروق ياحرقة دمك يا شروق عينى عليكى يا اختى
ام شروق بحزن : عينى عليكى يا بنتى اخدوكى لحم ورموكى عضم
جمال وهو ينظر لزوجته بذهول و التى تعلم بأفعال ابنتها : حتى انتى كمان.... هما اصلا لحقوا يخدوها
شروق وهى تنظر لآدم : يلا يا راجل يلا مطمرش فيك حاجه دانا ما اكلاك بإيديا دول إلا هياكلهم الدود
أدم بصدمه: نعم .... انا مطمرش فيا حاجه طيب والله لاوريكى
قام ادم باستدعاء احدى الخادمات ليردف بأمر : روحى هاتيلى الكر باج بتاع الاحصنه
شروق بخوف : ليه يا دومى ياحبيبى .....مش مكفيك إلا انت عامله فيا
آدم بغضب : لا مش مكفينى ......ليكمل بسخرية ..... يابت دانتى قرة عينى لازم مطلعكيش كدابه قدام اهلك ده انا هعملك عاهة مستديمة دلوقتى......لتحضر الخادمه وبيدها الكرباج لتردف بطاعة.... :اتفضل يا آدم باشا
شروق بغضب : آه ياكلبه بتغدرى بست البيت والله لهوريكى يا ام حسن الكلب والله لهخلى العيال يفتحو لك دماغك بطوبة تجيب اجلك ....
آدم بغضب : والله انا إلا هجيب اجلك دلوقتى ......لتجرى شروق من آدم
شروق بأسف : والله اسفه مش هعمل كده تانى ....يا باشا عيل وغلط..خلاص يا روحى خلاص ياقرة عينى يرضيك تعمل كده فى قرة عينك ...
آدم بتشفى : يرضيني اوى كمان ...
شروق بغضب : اه ياكلب و انا إلا مدلعاك ومستتاك و معيشاك فى تبات ونبات ومعيشاك في جو الكوميديا وجو سى السيد
حسين بأمر : خلاص يا آدم كفاية كده ....
جمال بغضب : يا بنت الكلب دانا هديكى تلاتين جذمه على وشك دلوقتى قاعده تمثلي علينا
شروق بجدية : ما خلاص يا جمال المولد فضى ياحبيبى..... انت شايف وشى بايلنه ملامح هتدينى تلاتين جذمه .....المفروض كنت حوشت عنى الوحش المفترس ده وكنت عطيته هو التلاتين جذمه ولا اكمنى غلبانه وكيوته وهاديه ورقيقة بتتكتروا عليا
آدم بسخريه : غلبانه ورقيقه زياده عن اللازم ده انتى ابليس يتعلم منك ياروحى.....
شروق وهى تمسك ركبها بتعب لتردف : آه ياركبى كان مستخبيلك فين يا شروق كل ده .....منك لله يا آدم يابن ام آدم جبتلي الروماتيزم .....
الجدى بجدية : خلاص بطلوا مرقعه بقى ....وكفايه كده ......ويلا عشان نتعشى
YOU ARE READING
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
