"Haseena.....hamari bacchi ye tumhen kya ho gaya hai. Hum.....hum tumhen aise taklif me nahi dekh sakte." Aadil Mallik ne dukhi aawaz me kaha. "Isliye aaj hum tumhen is taklif se hamesha - hamesha ke liye aajad kar denge." ye bolte huye unki aawaz me dukh ka katra bhi nahi tha.
Wo dheere - dheere Haseena ki life support machine ki taraf badhe aur uske plug ko switch se nikal diya.
Kuch seconds baad Haseena ki saanse tej hone lagi aur wo bed par pade - pade tadpane lagi.
Wahan khada Aadil Mallik shaitani muskan ke sath use yun tadpata hua dekh raha tha.
Tabhi achanak se jor ki aawaz ke sath room ka darwaja khula aur Karishma Singh ke sath Nivedita aur Cheeta apni guns ke sath enter huye.
Yah sab dekh kar Aadil Mallik ghabra gaya. Karishma ne sabse pahle Haseena ko dekha aur uski halat dekh kar wo samajh gayi ki Aadil Mallik ne kuch gadbad ki hai. Is se pahle wo kuch karti nurse room me aayi aur usne turant machine ka plug switch me laga diya.
Fir wo Haseena ko check karne lagi. Use koi fark nahi pad raha tha ki room me kya chal raha tha. Wo bina kisi parwah ke apni duty kar rahi thi.
Isi beech Aadil Mallik ne wahan se bhagne ki koshish ki lekin Karishma ne uski back par kick maari jis se wo pet ke bal gir pada.
Cheeta ne use collor se pakad kar khada kiya aur use sofe par baithate huye kaha.
"Ka babu? Baap hai ki kasai hai tu? Apni hi beti ko marne chala tha."
"Cheete." Nivedita ne use chup rahne ke liye kaha. "So Mr. Mallik accha hoga ki aap apne aap shuru se sab kuch bata den nahi to hum aapko Karishma Singh ko saump denge aur unka sach ugalwane ka tarika aapko hajam nahi hoga."
Nivedita ne Karishma ki taraf ishara karte huye kaha jo Haseena ke paas khadi ye sunishchit kar rahi thi ki uski wife thik to hai.
"Kya batayen hum aap logon ko? Hum to samajh hi nahi pa rahe ki aap kis baaren me baat kar rahe hain?"
Uski baat sun kar Karishma gusse me uske paas aayi.
"Jyada na natak karne ka jarurat nahi hai. Dilabar Pasha hamari hirasat me hai. Desh chhod kar bhag raha tha lekin ye bhul gaya tha wo ki usne Karishma Singh se dushmani mol liya hai. Usne to sab bata diya hai Aadil Mallik ab tumhara baari hai. Kahe tumne apni hi beti ke sath......"
"Hamari beti nahi hai wo." Aadil ne tej aawaz me kaha. Kisi ne notice nahi kiya lekin uski ye baat sun kar Haseena ke hath me harkat huyi. "Wo Salma ke gunah ka natija thi. Hum Salma ke driver the aur uski aashiqi ke gawah bhi. Salma ko pet se karke uska aashiq videsh bhag gaya aur jab uske abbu ko uske pet se hone ki khabar huyi to usne hamen aage kar diya. Hamen apni najayaj aulad ka baap bana diya. Mallik saab bahut pyar karte the Salma se to unhone thodi narajagi ke baad hamare aur Salma ke rishte ko manjur kar liya aur hamara nikah karwa diya. Hum bhi chup - chap sab karte gye kyonki humko to Salma ke naam par jo karodo ki sampatti thi wo chahiye thi.
Par fir Haseena paida ho gayi. Salma ke abbu ke gujar jane ke baad sari property Salma ki ho gayi par wo bahut tej thi. Usko shaq ho gaya tha ki hamari najar uski property par thi aur is liye usne sab kuch Haseena ke naam kar diya. Upar se bahut sare documents taiyar karwa diye jis se ki hum kisi bhi tarah uski property hathiya na payen."
Aadil Mallik ne fir ek tircchi muskan ke sath wahan maujud police walon ki taraf dekha.
"Hum bhi haar manne walon me se nahi the. Humne bhi sari jaydad hadpane ka tarika nikal liya. Humne hi Kashmir jane ka plan banaya tha aur meeting ka bahana bana kar dono maa beti ko akele bhej diya.
Dilabar Pasha ki sari property police ne seize kar li thi aur use khabar mili thi ki uske encounter ki taiyari chal rahi hai. Is liye wo sab chhod kar jana chahta tha. Humne isi baat ka fayda utha kar use 1 crore dekar Salma aur Haseena ko khatm karne ke liye hire kiya. Usne Kashmir me un dono ko kidnap kar liya. "
Fir Aadil Mallik ka chehra gusse se bhar gaya.
"Dono ko bahut torcher kiya humne aur is se pahle hum unko khatm karte hamen Salma ki chalaki pata chal gayi. Usne bahut takdi planning ki thi. Usne humko bataya ki usne ek vakil ko hire kiya hai jiske paas usne signed documents chhod rakhe hain ki agar Haseena ko kuch hota hai to uske gunahgar hum honge aur sari property bhi charity trust ko chali jayegi. Hum property khone aur jail jane ka risk nahi le sakte the isliye humne Haseena ko nahi maara, hum to Salma ko bhi kaid karke rakhna chahte the lekin itna torcher uski body sah nahi payi aur uski maut ho gayi. "
Aadil Mallik ka byan sun kar Karishma ko bahut gussa aaya. Usne apni muthhi kaske band kar li. Is se pahle ki Karishma kuch bolti Aadil ne ek or confession kiya.
"Tumse Haseena ki shadi karwane ke piche bhi hamara maksad tha."
"Kaisa maksad?"
"Humne Haseena ke liye tumhari aankhon me nafrat dekhi thi. Tumhare gusse aur bhaukal se to hum wakif the hi aur Haseena ki mental condition to humne hi bigadi thi aur uska swabhav aisa ho gaya tha ki wo kisi ko bhi gussa dila sakti thi."
"Jyada bakaiti mat karo sidha - sidha mudde ki baat karo."
Karishma ne Aadil se kaha.
"Humne socha tha ki kisi din Haseena ne tumhen gussa dila diya to kya pata galti se tumse goli chal jaye. Ab agar police ke samne Haseena ka katil hoga to hum par koi aarop nahi aayega jaisa ki hum abhi tak us vakil ko dhundh nahi payen hain jiske paas Salma ne documents rakhe hain."
"Tumhari maiya ki saasu maiya......"
"Karishma Singh shant aur Aadil Mallik agar aapko ye laga ki Karishma Singh gusse me apni patni ya kisi bhi nirdosh ki jaan le sakti hai to aap unhen bilkul nahi jante. Karishma Singh ka gussa aap jaise mujrimon ke liye hai, apno ke liye to wo apni jaan bhi de sakti hai. Cheeta le jao inhen." Nivedita ne Aadil Mallik se kahte huye Cheeta ko order diya.
"Chalo babu ab jail me property banana baith kar."
Unke jane ke baad Karishma ne Haseena ki or dekha to wo shocked rah gayi. Uski aankhen khuli huyi thi aur unmen se aansu bah rahe the.
______________________________
YOU ARE READING
Kaisa Hai Ye Bandhan Anjana
Fanfiction"Kya kaha tha tumne? I am not marriage material? Hum kisi ki wife banne ke layak nahi hain? Aur kya tha? Han, jo humse shadi karega wo duniya ka sabse bada murkh hoga? Well huge congratulations to you Karishma Singh, tum hi ho wo murkh insan."
