#اسكربت كامل 🕊️♥️.
إختار نفسك وحارب عشانها"
مي: هي هاجر لسة موصلتش لحد دلوقت لي!
نور: مش عارفة رنيت عليها قالت جيا
مي: يارب متوهش علي المكان بس
يارا: مي، إهدي كدا مالك بيها
مي: بحسها رخمة كد وبتزعل بسرعة
يارا: بردو يكون هزار خفيف مش يقلب بتنمر وعيزاها تقبل، هيا لو بتزعل كان زمانها مجتش، واهدي عشان جت اهي
مي: اما نشوف
هاجر: صباح الخير يبنات معلش اتأخرت الطريق كان زحمة وإحنا لسة الصبح.
نور: لا يحبيبتي ولا يهمك احنا اتكلمنا شوية ومستنيينك.
يارا: اه يلا عشان نتغدي.
مي: مش بتاكلي باشوكة والسكينة لي يا هاجر
هاجر: عادي انا بحب طريقة اكلي كد
مي: بالعيش كد، اطلعي من الروتين دا شوية او بصي هاتي علي الفيسبوك تعليم الاتيكيت عشان طريقة أكلك تبقي حضارية اكتر من كدا
هاجر بصتلها وسكتت و نور بصت ل مي عشان تسكت بس مهتمتش.
هاجر: واللة دي حاجة تخصي وبعدين مش لازم احط حدود وقواعد وانا باكل وانا قاعدة مع صحابي إلي مني وشبهي، والمفروض نحب بعض اكتر من كدا مش ننتقد بعض.
مي: اتضايقتي تاني اهو اهي دي حاجة مش حلوة فيكي، تخطيها بقا مش بتقولي صحابك!
هاجر: في فرق بين هزار وتريقة واظن انتي عارفة الفرق بينهم وإن هزارك سخيف
مي بنرفزة: هزاري سخيف متبقيش تردي او تيجي اصلًا
هاجر: كنت جاية اقعد مع صحابي بس شكل المكان غلط كالعادة!... سلام.
هاجر خدت شنطتها فعلًا ومشت ونور حاولت تقعدها وتفهمها إن دا هزار بس هاجر مشيت.
يارا: دا مش هزار يا مي، مينفعش كدا بجد كل لما البنت تيجي تحرجيها، مش دي صحبتك حبيبتك بردو ولا مش فاكرة المقالات الي كنتي بتكتبيها عنها، وبعدين يعني حضرتك اول مرة تشوفيها بتاكل! كمان فيها اي لما تاكل بعيش مانا باكل قدامك كد مش لازم شوكة وسكينة والجو دا.
مي: انا كان قصدي إننا في مكان عام ومكان كبير
يارا: يااا سلاام طب مهي نور بتشرب مش غير شاليموه يست الاتيكيت محدش سمع صوتك لي!
مي: يوه.. في اي ي يارا انتي هتفتحيلي الزنزانة يعني
يارا: في إننا صحاب ي مي... انا همشي
يارا مشيت وقابلت نور وهي طالعة.
نور: اي اي رايحة فين انتي التانية
يارا: همشي وخليكي بقا يسنيورة مع مي
نور بسرحان: سنيورة!.. يعني هي مي بتعض.. ماشي
نور: علي فين يبنتي
مي: يلا هنمشي
نور: ياربي.. لي
مي: هنقعد نعمل اي، يلا
_______________________
يارا بتتكلم مع هاجر في التليفون.
يارا: خلاص بقا يا هاجر ليا نص ساعة بصالحك، حقك عليا انا خلاص
هاجر: لا خلاص الموضوع مش فارقلي، هي صعبانة عليا والله
يارا: خلاص نكفي كلام عنها، هتروحي الكلية بكرا؟
هاجر بتفكير سريع: هه، لا هنام... تصبحي علي خير
يارا: وإنتِ مِن أهل الخير
_________________________
في الجامعة "
مي: هي مش هتيجي ولا هنفضل مستنيينها كد زي إمبارح.
يارا: لاء مش هتيجي
نور: لي، تعبانه او حصل حاجه
يارا: لا مش عايزة تيجي
نور: ماشي، يلا ندخل....
