اسكريبت 🕊️♥️.
_والله لو مش عاجبك اتجوزني؟!
ضحك _والله؟!
اتكلمت بتأكيد _اه اتجوزني، هو مش اللي بيحب حد بيتجوزه؟!
_لي وانا مثلا بحبك؟
_لا انا اللي بحبك.
_اي.
مسكت السكينه وقربت منه _هتتجوزني ولا اي؟!
هو مش اللي بيحب حد بيكون عاوز يتجوزه بسرعه، ملهوف عليه ونفسه يعيش معاه تحت سقف واحد، وياكلوا مع بعض فشار اخر الليل، وناكل سحلب في لليالي الشتاء البارده، طب يعني هو مش بيحبني ولا اي؟!
_بتقوليله اتجوزني؟!
_اه عادي.
_بتقوليله بحبك؟
_فيها أي خطيبي وقرة عيني، وبعدين مانا بحبه فعلا..
_أين حيائك؟!
_دي حاجه بتتاكل؟!
لقيتها فجأه مسكت الشبشب ورمته عليا وزعقت _لا دي حاجه بتتحس.
طول عمري مقتنعه بجملة طالما بتحب قول متبخلش على اللي بتحبه بكلمه هو ممكن يكون نفسه يسمعها منك او تأكد حبك ليه من خلالها.
"الحب قوي الحب قادر يظهر حتى من النظرات"
_تيجي ننزل نخرج؟!
ردت بحماس _ونروح نتمرجح.
بصيتلها بقرف _مراجيح اي؟! تعالي نروح المكتبه نجيبلنا روايتين وبعدين نروح نقعد في كافيه نقراهم.
حماسها قل_ نقرا امم ماشي.
_وبعدين ناكل.
_اه.
_وبعدين نروح المراجيح.
ردت بحماس وفرحه _أحلفي.
ضحكت _والله.
ساره الصديقه، ساره الأخت الجدعه، اللي بتسندني لما احتاجها، اللي عمري ماارفضلها طلب.
موبايلي رن لقيته محمد _الو
_اي
_انت في البيت عندنا؟
_طيب طيب دقيقتين وتلاقيني في وشك.
شديت ساره ومشينا _في البيت ياساره اجري يلا اخلصي عاوزه اروح.
_طب والخروجه.
_خروجه ااااي هذا ما لم نسمع به من قبل، بقولك الواد في البيت..
وعادي لو رفضتلها طلب ده محمد حبيبي قرة عيني في البيت..
وقفتها بسرعه _استنى استنى.
بصتلي بقرف _اي تاني.
ابتسمت _شكلي حلو؟!
_استنى يااخرة صبري.
مسكت اذاذة المايه وورشت شويه على ايديها وغسلتلي وشي وجابتلي مناديل مسحته ظبطتلي الطرحه حططلي مرطب في أيدي وعلى وشي.
_ بس كده وبقيتي قمر..
_يمكن بحبك.
بصتلي بقرف _يمكن.
مش بقولكم ساره هي السند!
_انا جيت..
بصيتله لقيته مبتسم بهدوء وبابا قاعد جمبه وماما قريبه من بابا بس ساكتين مبيتكلموش.
_اي الكأبه دي، بدل ما تخدوني بالاحضان، و تقولولي نورتي البيت، ده حتى ياجدع مفيش ابتسامه توحد ربنا..
دخلت وقعدت قريب منه _اذيك واذى امك.
لقيته ضحك، ضحك يبقى قلبه مال صح مش هي بتتقال كده؟!
_بخير كويسين الحمد لله.
