#اسكربت كامل ✨♥️.
_ما تيجيي نتجوز بالسر بجد
=هو انا مستحملالك دلوقتي عشان استحملك جوزي وبالسر كمان
_دة انا قمر يبختك بيا
=اخرج براااا يالا انت
_انا خارج بس خليكي عارفة انك ملكيش غيري
انا فعلا مليش غيره كدة كدة هو جاري واخويا وصديق الطفولة والحياة وكل حاجة بس انا مش قادرة اشوفه حاجة غير كدة لكن حبيبي لا الحب زي ما هو حلو وحش بردو بيدمر حاجات كتير وهيخلينا نخسر بعض يمكن انا بس اللي شايفة كدة بس انا مش مستعدة اخسره ف مكتفية ب وجوده اخ وصاحب بس..
_مااااالك
=اي ف اي
_خرجني
=وماله مش عيب
_مالك انت بتستهزق ب كلامي
=يشيخة حرام عليكي انا اقدر
بصتله بقرف_اصلا الاهتمام مبيطلبش
=خلاص خلاص قومي ربنا ع الظالم والمفتري
ف الحقيقة انو دايما مش بيرفضلي طلب ودايما بيعمل اللي يرضيني حتي لو غصب عنو دايما شاري خاطري ودي عندي بالدنيا وما فيها بجد
_قوووم ي مالك قووووم
=حد يقوم حد كدة يالي منك لله
_زغرط ي مالك انا نجحت
=اجمد واحدة تنجح ب مجهودي
_عيب والله انت بتذاكرلي اة بس انا اللي بفكر
=فداكي الدنيا اهم حاجة انك نجحتي ي كتكوتة
يلا البسي ورانا خروجة نجاح مهمة
_حالا وتلاقيني جاهزة
نزلنا ودخلنا سينما واتمشينا وشربنا مكس شوكلاتة عشان بحبو اكتر منو ..بجد انا فرحتي ولا حاجة من غيره فرحته بيا اكتر ما انا فرحت بنفسي كانت باينة من عينه وف الحقيقة انا عمري ما هلاقي زيه فالدنيا..
_الا قوليلي ي اسيا احنا هنتجوز امتا
=نتجوز اي ي بني هو انا طايقاك
_طب تمم انا هروح ادور ع واحدة طايقني تحبني واحباها ونعيش ف تبات ونبات
بصتله بصة غدر=هقتلك ي مالك لو جدع اعملها
_وانتي مالك مش انتي مش طايقني
اتكلمت بزعل وخنقة=روحني ي مالك
روحت وانا مش فاهمة حاجة انا لية زعلت من مجرد كلام بيقوله بس يعني اي يبقا مع واحدة تانية وميبقاش معايا يعني اي اصلا يكلم بنت غيري بس عادي هو حر ف الاخر دي حياتو..
اختفي يوم واتنين وانا دماغي مش مبطلة تفكير حاسة انو واحشني واليومين كانو سنتين من غيره وجوده كان خفيف ع قلبي وكانت حياتي ليها طعم فجاة اختفي ولا بيكلمني ولا بيرد عليا..
_ازيك ي طنط
بصتلي بخوف =ازيك ي اسيا خير ي بنتي ف حاجة؟
_مالك موجود ؟
=ااه جوة اتفضلي
اتكلمت بخنقة_الباشا لقي اللي تهتم بيه ولا اي؟
بصلي بصة غريبة=خير ي اسيا
_لا ولا اي حاجة بقالك يومين مبتردش عليا ولا بتسال عليا حاجة بسيطة يعني!
=هو مش انتي مش طايقني افضل موجود لية؟
_بجد!!
اتكلم بزعيق=هو انتي شايفة غير كدة ي اسيا تقدري تقوليلي انا معملتش اي يخليكي متحبنيش تقدري؟
اتكلمت بعياط_ي مالك انت مش فاهم حاجة
=ومش عايز افهم حاجة ي اسيا امشي
مشيت وانا من جوايا بنهار هو ازاي مش فاهم اني هو اقرب واحد ليا هو اقربلي من نفسي ااه بحبو وبحبو اكتر ما هو بيحبني اضعاف بس احنا كدة احسن الحب اخرته وحشة هيهد حاجات كتير بينا وانا مش عايزة كدة.
فجاة حياتنا اتغيرت ١٨٠ درجة مبقاش بيكلمني ولا بقينا نقعد مع بعض زي الاول بشوفه لما بنكون متجمعين كلنا اخرنا ازيك الله يسلمك بعد ما كنا مش بنسيب بعض لحظة كنت خايفة دة يحصل لما نحب بعض بس للاسف حصل دلوقتي
_اسيا
=نعم ي ماما
_عرفتي اني مالك هيسافر؟
بصتلها ب خضة =يسافر!!
الدنيا كلها وقفت فجاة مالك هيسافر يعني اي يسافر يعني هيبعد عني ولا اشوفه ولا اكلمو هيبعد عني ويسبني لوحدي كدة عادي هو مش بيقول انو بيحبني هو معقول اللي يحب حد يسيبو ويمشي
كلمتو وانا مفيش حتة فيا كويسة_هتسافر ي مالك؟
=ااه ي اسيا
_هتبقا مرتاح كدة
بصلي بصة كلها تأنيب ضمير=ع الاغلب
مشيت وانا مش فاهمة حاجة مش فاهمة يعني اي يسبني ويمشي عمره ما هيرتاح احنا رحتنا مع بعض لكن كل واحد لوحده عمرها ما هتبقا راحة
_مالك ي اسيا
اتكلمت بدموع=تعبت ي ماما
_انتي اللي تعبة نفسك ي بنتي
=بيقول انو بيحبني وهيسافر وهيسبني يبقا بيحبني ازاي
_كلميه ي اسيا وبطلي تفكري ف كل حاجة مش دايما الحب وحش ب اديكو انتو اللي تخلوه وحش او حلو ي بنتي
سابتني وخرجت وانا مش عارفة اعمل اي اروح اقوله انا بحبك متسافرش وتسبني ولا اسيبو يعملو اللي يريحو ولا اعمل اي
اتصلت بيه _ازيك ي مالك
=الحمدلله انتي عاملة اي
_انا تمام
حضرت ورق السفر
=لسة بجهز الحاجات
_انت قرارت خلاص هتبقا مرتاح؟
=اه اكيد
حاولت ابع ومكلموش واتاقلم مع الحوار بس للاسف معرفتش ولا عمري هعرف الدنيا واقفة من غيره
_هتفضلي قعدة ف الاوضة كدة ع طول؟
=اعمل اي ي ماما يعني
_اتعودي عيشي حياتك وسبيه هو كمان يعيش حياته
=للاسف مفيش حياة من غيره هو حياتي
_اخيرآ نطقتي دة لو جبل كان اتحرك
=مالك!!
_قلب مالك
=انت اي اللي جابك
_انت ي جميل
=انت مش قولت هتسافر سافر
_اسافر واسبيك لمين دة انتي اخرة صبري
اتكلمت بفرحة=مش هتسافر صح ؟
_صح
=قول والله
_والله يهبلة هو انا ليا غيرك اسافر واسيبك ازاي مقدرش
=قول تاني كدة
_لا مش هنقعد نقول سنة مفيش وقت نتجوز وبعدين نقول براحتنا
اتكلمت بفرحة=مش هتسبني ابدآ؟
_انا حياتي ملهاش لازمة من غيرك يحياتي♥️
وكيف للقلب ان يسكنه غيرك يروح القلب♥️.
