#اسكربت كامل 😂♥️.
_ساكساكيوزمي..
=افندم!
_أنا ما إلي حبيب و لاصديق..
=في إيه يا آنسة!
_استنى بس
=انتِ هبلة!
_بقولك إيه تيجي نتجوز في السر
=لا دا هبل رسمي!
_و نجيب بيت صغير
=اوعى من وشي!
و هو بيمشي بنرفزة خبطني من غير قصد كنت هقع فلحقني، و هنا سوف اتوه قليلا...
عينه في عيني
اتسمرنا مكانا في مشهد اتصال بصري رومانسي بحت
في ورد بينزل فوقنا
و اغنية معاك قلبي اشتغلت
سرحان
كأن الكون مافيهوش غيرنا
لحد ما انتبه فبعد و اعتذر
و أنا كانت خدودي احمرت بقا و كدا و كنت مكسوفة
لقيته بيقول:
_إحم.. انتِ عايزة إيه مني!
=أبدا دا كان هزار بس، حكم بنفزه في اللعبة..
مشي واخد قلبي معاه ابن اللذينا
إيه دا بس!
الولا ولا أبطال الروايات يخراشي عليه
خطفني كدا و أنا بصراحة ماصدقت...
يوم تاني روحت على أمل اشوفه تاني
استنيت كتير
هو يستاهل الصراحة الولا نينجا
وقبل ما يصيبني اليأس و الحزن، دخل..
في مشهد سلو موشن عيني ثابتة عليه بلهفة و بطلع قلوب حمرا و هو جيه عليا ومبتسم، وكمان قعد قصادي و قال:
_بقولك إيه بتعرفي تطبخي؟
=الاه!
_مش مشكلة تتعلمي
=اشمعنى!
_عشان احب أكل من أيد مراتي
وه!
دا خطف بلا سبب دا
و أنا ضحكت بهبل
و طبعا هو زاد ثقة...
و مع اغنية heaven
و الناس واقفة حوالينا كلهم فرحانين
و الورد برده بينزل فوقنا
كنا بنرقص سوا المرة دي
خطبني و كان قد كلمته...
الحياة طلعت جامدة و أنا عندي كتكوت
زي النهاردة كدا اتخانقنا ف مردتش عليه
فلقيته جايلي في آخر الليل ف صدمني و قولتله:
_انت اتجننت!
=انزلي وإلا هطلعلك أنا بمعرفتي
_انزل فين يا مجنون الساعة 3 الفجر!
=اسمعي الكلام!
_امشي يا سيف أنا أصلا فيا اللي مكفيني
بدأت اعيط مهو زعلانة عشان ضايقني جامد
دقايق ببص لقيته قدامي داخل م البلكونة!
_يخربيتك!
قعد على الأرض قدامي و بنظرة تدوخ من عنيه العسلية الأجمل على الإطلاق قال:
_أنا آسف، مهنتويش عليا، و حقك عليا...
يالهوي على ارمط اللي بيدوب ناو
الولا يدعو للرزيلة وقتي و أنا بتول ذات مبادئ
_أمشي بقا يا سيف ماينفعش
=مسمحاني طيب!
_مقدرش ازعل منك
لحظة و من الواضح إن شيطانه يحثه على المحظور بس لأ سنصده فمشيته
وقعدت على السرير بفرحة لقيته بيتصل، طلب أنزل السَبت، و كان جايبلي هدية..
و تمر الأيام و هو كل مادا بيثبت قد إيه يستحق قلبي
مين دي اللي متحبهوش بس!
و عشان كدا بغير عليه من الهواء نفسه حتى
زي النهاردة كدا:
_مبسوط أوي بيها يابيه!
=في إيه يا حبيبي بس!
_عجباك اوي البت المفعوصة دي!
=سبلي: محدش يعجبني غيرك يا جميل
_بتثبتني كدا يعني
=تؤ بحبك
و انتهت الخناقة و كأنها لم تكن
الولا مهكرني...
و تمر الأيام تاني و اتجوزنا
الحب بيزيد مابيقلش مابينا
رزقني ربنا بيه
و رزقنا بتوأم ولد و بنت
و اديهم مجنني زي دلوقتي كدا و ابوهم بيكون سعيد
_شايف عيالك!
= مهم عيالك برده
_انت...
=حضني: مدلعهم زي مامدلع امهم
الولاد احترموا علينا جو اسري جميل على قلبي بيزود حبي ليه
و قبل مايتكلم يغازلني الغزل المحبب على قلبي
هوب لقيت صحبتي بتفوقني:
_إيه ياستي اتهدي بقا!
=اوف عليكِ
بصت عليه و هو قاعد بعيد بيكلم واحدة فغمزتلي:
_ها بقا وصلتي لفين سميتي العيال المرة دي!
=اخرسي بقا فصلتيني!
_يقطعها الروايات والله...
