#اسكريبت كامل🥹♥️.
***
-مساء الخير يا انسة
=مساء الفل يسطا.. انت بقي العريس؟
-احمم.. ايوا يا انسة سلوي انا العريس
=طب عندي ليك شوية اسئلة كدا
-اتفضلي
=ابو سيمبا اسمه ايه؟
-سيما؟! دا قريبكو؟
=انت هتستظرف يا روح خالتك؟
-روح خالتك؟؟ لو سمحتي..
=بلا سمحتي بلا بتاع معندناش بنات للجواز يسطا.. ياباباااا باباااا
*في ايه يا بنتي؟
=مش موافقة يا بابا دا جاي يهزر
-انا اللي بهزر؟ بنتك بتقولي ابو سيمبا اسمه ايه يا عمي؟
*مين سيمبا يا سلوي؟
=سيمبا يا بابااا اللي في الاسد الملك ابن موفاساا
-اهاااا.. انتي بتتكلمي في الكرتووون.. طب ما تقولي من الصبح دنا اعجبك اوي في الحوار دا
*لا دنتو ربنا يعينكو علي بعض.. انا هسيبك تتعامل انت بقي
-اتفضلي اسالي بقي
=روبانزل قعدت في البرج كام سنة؟
-18 سنة
=مين اللي عندها فقدان ذاكرة مؤقت؟
-دوري
=عارف لما الدنيا تكشرلك تعمل ايه؟
-عوم واتمختر عوم واتمختر
=يوجين اسمه الحقيقي ايه؟
-فلين رايدر
=بياض الثلج عاشت مع كام قزم؟
-7
=كل الدنيا هنا بتقول؟
-اني بخوف زي الغول
=مين قتل موفاسا؟
-سكار
=اسماء الدببة الثلاثة؟
-شهاب وباندا وقطبي
=سيمبا خلف ولد ولا بنت؟
-بنت
=اسمها؟
-كيارا
=ايه الطائر اللي رامز كان بيدور عليه؟
-ابو فصادة
=السلحفة اللي وصلت نيمو ودوري كان عندها كام سنة؟
-150 سنة
=مين الكلب الخارق؟
-بولت
=اممممم.. لا شاطر يا واد
-اوماااال.. خلصتي؟
=لسة.. كان في واحدة ست عندها...
-عندها 12 بنت جم قالولها يا ماما جعانين.. خلاص كدا؟
=اها.. اقولك علي سر خطير؟
-انا اللي قتلت موفاسا
=مين اللي هربت م الملجأ عشان تحقق حلمها؟
-فيليسي
=امممم
-هااا موافقة نقرا الفاتحة ولا؟!
=ابو نيمو اسمه ايه؟
-ابو نيمو؟ لا مش فاكره دا
=لا خلاص مش موافقة روح شوفلك عروسة تانية يا استاذ
-انتي هتستهبلي يا بت انتي؟
=وكماااان بتغلط فيا؟باباااا.. يا بااااابااااااا
*في ايه تاني؟
=مستحيل اوفق عليه انسي
-لا حول ولا قوة الا بالله.. يا عمي هدي بنتك وعقلها الله يكرمك.. انا مالي انا ومال ابو نيمو؟
*هو معرفش سؤال ولا ايه؟
=ايوا.. سيادته بيقولي مش فاكر اسم ابو نيمو.. اومال هآمن علي نفسي معاك ازاي وانت مش فاكر اسم ابو نيمو.. مش فاكر مارلين؟.. افرض نسيتني في يوم
-انتي ضاربة حاجة يا ماما؟ انساكي ازاي يا بنتي؟
=شوف يا بابا بيقل ادبه ازاي
*بصراحة حقه
=نعااااام؟
-تشكر يا حمايااااا
*العفو يابني.. هسيبكو عشرة وجاي اتكلمو بهدوء وشوفو هتوصلو لايه وانت يا استاذ جاسر خدها علي قد عقلها معلش
-حاضر يا عمي
=باباا.. يا حاج.. رايح فين وسايبني معاااه؟
-بصي بقي يا عسل.. كلمتين ابرك من عشرة.. يا توافقي بمزاجك وتتزفي لبيتي معززة مكرمة يا برضه هتوافقي بس غصب عنك ووعد مني هطلع عليكي الي عملتيه فيا دا لحد ما تعرفي ان الله حق
=احمم.. اهدي بس كدا يا باشا ومتتعصبش بس
-انا هادي خااالص اهو.. ها موافقة نقرا الفاتحة ول اايييه؟
=انا.. انا...
-انجزي
=طب ما تزعقش ياض
-انتي بتقوليلي ياض؟
=محصلششششش.. دنا بقول ل... انا موافقة
-بتتوهي في الكلام بس مااشي.. المهم مبروك عليكي انا
=اتوكس
-نعم يا روح امك؟
=احم.. بقول بحبك بحبكككك🥹♥️
_تمت
