#اسكربت كامل 🕊️🤎.
_سلسبيل بقولك
_ايه؟!
_مش محمد اعترفلي بحبه
_بجد ماشاء الله الف مبروك
_ الله يبارك فيكِ.. وانتِ يا منيله هتتحبي امتي؟!
_ايوه عاوزه ايه يعني؟!
_بصي بصراحه
_ايوه هاتي المصيبه من اولها وتعالي
_احم صاحب محمد عاوزك
_عاوزني في ايه معلش!
_عاوزك ليه
_ما تتكلمي عدل يا بت انتِ بدل ما اقوملك
_اقصد عاوز يتقدملك
_لا مش هتجوز صالونات انا لااا يمكن
_خلاص اتعرفوا وارتبطوا
_لا يا شيرين لا مليش في الكلام ده عيب وحرام كمان لا
_خلاص يتقدملك
_مش هتجوز صالونات اناااا
_يوووه فهميني هتعمليها ازاي انتِ يا ذات الرداء التايجر انتِ
_حاسه بسُخريه في كلامك سيكا
_ابدًا استغفر الله سُخريه ايه وبتاع ايه!
_بقولك ايه ما تقومي تروحي وتكلمي كتكوتك بقا وابعدوا عني حبة كده
_اه صح كتكوتي باي انتِ بقا
"سابتني ومشت وانا فضلت قاعدة اخلص الشغل اللي ورايا علي اللابتوب في الكافيه المُقرب لقلبي شويه وكنت خلصت قومت علشان اروح بس كان الوقت اتأخر كانت الساعه 12ومفيش مواصلات فهضطر امشي قدام شويه لحد ما يقابلني تاكسي..."
_ايه اللي ممشيكِ من هنا يا حلوة
_الله مُجرم
بزهول _انتِ مخوفتيش؟!
_لا اصل انا كان نفسي اتخطف من زمان
_انتِ يا بت هبله عنده حق محمد والله ايه الواقعة اللي وقعتها لنفسي دي!
_محمد انت تعرفيه اكيد هو مجرم معاك صح؟!
_ايوة طبعًا احنا الاتنين مجرمين في الدخليه
بإحباط _ايه ده انت مش هتخطفني
بغمزه_هخطفك لبيتي ان شاء الله
_طب معطلكش بقا
_خدي هنا انتِ ازاي تمشي في شارع زي ده في الوقت ده
_وقت ايه الساعه 12
_ايوه صح الهانم متعوده
_طب امشي من قدامي علشان مخليش المتعودة تلعب في خلقتك الحلوه دي
_يعني انا حلو؟!
_عن اذنك يا عسل
"ايه الكائنات الكالحه اللي عايشه معانا علي الكوكب دي يا جماعة؟!.. سيبته ومشيت شويه وقفت تاكسي وروحت غيرت هدومي وطلعت اقعد مع ماما وبابا شويه في الصالة"
_في واحد متقدملك يا سلسبيل وانا اديته معاد ييجي بكره
_ماشي يا بابا "بصوت واطي"ان شاء الله مرفوض زي اللي قبله
_بتقولي حاجه يا قلب بابا
_لا يا حبيبي بقول تصبحوا علي خير
" دخلت نمت وانا بفكر يا تريٰ هطفشه ازاي المرة دي وهل هيطفش ولا هيكون غتت وبين كل دوامه التفكير دي النوم غلبني ونمت.."
_يلا يا سلسبيل قومي يا حبيبتي علشان ننضف وتجهزي العريس جاي الساعه ٧
_عريس مين؟!
_عريسك يا سلسبيل
_خلاص خلتيه عريسي يا ماما خلااص
_اومال ايه قومي يلا نروق
_ملهاش لازمه كده كده هيترفض زي اللي قابله
_قومي يا بت انتِ يلا قومي
"وبالفعل قومت علشان اروق ما انا مش قد ابو وردة يا جماعه يعني وخلصنا الشقه بس سؤال بس هل العريس هييجي يشوف الشباك ده متنفض ولا لا هييجي يشيى السجادة ويقولك تحتها تراب ولا لا ده انا كان فاضل بس اشيل بلاطه بلاطه امسح من تحتها.. ودخلت جهزت والساعة٧بالدقيقه كان بيرن جرس الباب حلوة الناس اللي بتيجي في مواعيدها دي اوي.."
_تعالي يا سلسبيل
_ماما ما تعفونِ والنبي انا مش عاوزه اطلع
_عيب يا سلسبيل ابوكِ بينده عليكِ برة
_استغفر الله العظيم يعني خلاص زهقتوا مني وحبكت تجوزوني
_اخلصي بقا بطلي كلام
"طلعت وانا باصه في الارض مش عارفه اروح فين واجي منين مكسوفه.."
_السلام عليكم
_وعليكم السلام
"ايه ده الصوت ده مش غريب عليا لا لا مش هو اكيييد لا رفعت راسي بسرعه.."
_هو انت؟!
_انتوا تعرفوا بعض؟!
_اه
_لا
_طب ممكن تسيبنا شويه يا عمي
_هو انت ايه اللي جايبك هنا
_حد يكلم قره عينه كده بالطريقه دي!
_لا بقولك ايه قره عين مين انت مرفوض اصلًا
_ واضح ان بابا ميعرفش بحوار امبارح خلاص اطلع اقولهم انا اعرفك ازاي
_احيه لا استني بابا لو عرف مش هينزلني بالله عليك
_خلاص رديلي جميلي
_ازاي بقا
_توافقي عليا وتتجوزيني
_لا
_خلاص هطلع اقوله
_لا طب بص نعمل اتفاقيه
_ماشي ايه هي
_انت متقولوش حاجه
_والمقابل؟!
_مجدعه منك بقا من غير مقابل
_لا مش موافق
_وبعدين بقا
_طب اسمعي اتفاقيتي
_هاا
_توافقي عليا وانا هخرج الساعه 12 انا وانتِ نتمشا
_بجد ولا بتضحك عليا
_لا بجد واللهِ
_طب لو موافقتش
_هقول لابوكِ
_حد يقول علي حماه ابوكِ كده
_قولي واللهِ
_علي فكرة غصب عني
_اسكتِ انتِ بس تعالي يا عمي باركلنا و خلي حماتي تبل الشربات
_اخيرًا يا منيله هتتجوزي
_اخرسي بقا مش طيقاكِ ولا انتِ ولا محمد
_قال مش هتجوز صالونات قال اشربي بقاا
༺༻༺༻༺༻༺༻༺༻༺༻༺༻༺༻
"تمت" 🤎
