#اسكربت كامل 🕊️💜.
بقولك رفضني يا ليلي قالي انا مهندس مش هينفع اقبل بواحدة اقل من كدا وسابني وسافر
متزعليش يا حبيبي هو الخسران والله هو اللي شخص سطحي ميستاهلش قلبك
"انا ونس ١٨ سنة. واللي بكلمها دي ليلي عوضي الجميل من ربنا كان حلمي ادخل هندسه بس مع الظلم اللي حصل في الدرجات مجبتش مجموع واللي كنت بتكلم عنه دا يونس ابن عمي العيلة كلها عارفه اننا بنحب بعض وكنا علطول مع بعض هو اللي كان بيذاكرلي هو اكبر مني بـخمس سنين خلص هندسه السنه دي ولما عرف اني مجبتش مجموع هندسة مرضاش بيا رفضني وكسر قلبي سابني وسافر وهو كان وعدني انه هيفضل جنبي علطول"
ونس بت ياونس فوقي يغيبوبه يلا كفايه عليكي اسبوع اكتئاب هو ميستاهلش يومين اصلا
اي اللي جايبك بيتنا يا مزعجه اطلعي برا واطفي النور
فوقي يلا انتي المفروض تركزي ف مستقبلك وتشوفي هتعملي اي
انا خلاص قررت
حلو قررتي اي
احم احم قررنا نحن بالاتي واحد اللي باعنا خسر دلعنا ومش هنبقي عليه
يا ونس ياجامد وبعدين
اتنين التركيز علي مستقبلنا تحقيق حلمنا باي طريقه اذا هدخل معهد واكمل بعدة هندسه
ليلي حضنتها
ربنا يوفقك يا قلبي يارب
ونس دخلت معهد وفي سنة تانيه جابت ٩٨ ودخلت هندسه وهي دلوقتي في سنة تانيه
ونس يا ونس انتي يبنتي اصحي بقا اللي يشوفك كدا يقول انك مبتناميش بقالك سنة
اي ياماما النهاردة اجازة بتصحيني بدري لي
اصحي علشان تنضفي معايا البيت يونس ابن عمك جاي من السفر النهارده
جاي! جاي لي دلوقتي
ليلي الحقيني
اي يبت في اي خضتيني
يونس رجع خايفه ياليلي خايفه احنله خايفه اسامحه بعد م اهاني
رجع!ونس يروحي
ملكيش دعوه بيه متنسيش انه سابك علشان مجبتيش مجموع هندسه ودلوقتي بعد م دخلتيها هيحاول يكلمك تاني ويحاول يرجعلك
صح انتي صح انا مليش دعوة بيه انا هركز علي مستقبلي
"تاني يوم"
ماما انا نازله هعدي علي ليلي وبعد م اخلص هروح اقعد علي البحر شويه
ماشي يا ونس لا إله الا اللّـہ
نزلت علي السلم وانا بفكر هل لسه زي م هو متغيرش ياتري حب لو شوفته هحنله وقلبي هيدقله تاني ولا اللي عمله قسي قلبي عليه فوسط تفكيري سمعت...دا صوته ايوا صوته لسه زي م هو بعيونه العسلي اللي كانت بتدوبني وشعرة اللي دايما مرفوع وبرفانه اللي كنت جيباهوله ف اخر عيد ميلاد ليه وقميصه الابيض اللي مكنتش بحبه يلبسه علشان بيبقي حلو فيه قطع تركيزي فِيَھ صوته وهو بينادي
ونس يبنتي من الارض الي ونس
احم اذيك يا يونس حمد اللّـہ علي السلامه
اللّـہ يسلمك ياونس كبرتي ياونس عرفت انك دخلتي هندسه
محدش بيفضل علي حاله يا بشمهندس و اه دخلت هندسه بعد اذنك علشان اتاخرت
نزلت وسبته وهو يا عيني نظرات الاستغراب علي وشه اي كان فاكرني هترمي ف حضنه واقوله حمد اللّـہ علي السلامة يروحي اخيرا رجعتلي كان زمان خلاص
"بعد خمس ساعات في البيت"
يا اهل البيت يا ناس ياللي هنا ها قد جاءت بهجت البيت
اللّـہ دا العيله كلها هنا متجمعين عند النبي
والدها
تعالي يونس
خير يا بابا لمتكوا دي مبيجيش من وراها خير ابدا اي ناوي تتجوز ولا اي انا ممكن ادور معاك لو مش لاقي "وبتغمزله"
يبت بطلي الهزار دا بقا هو في جواز بس مش انا
"بشهقه" عمي هيتجوز مكنش العشم كدا يابو حميد بعد العمر دا تتجوز علي سوسو
يبت بطلي لماضه جايلك عريس ياونس والله وكبرتي وهتسيبنا
عريس اي بس يحج صًلّيےّ علي النبي ومين تعيس الحظ دا
انا يا ونس اظن انك مش صغيرة وبقيتي مهندسه وتفكيرنا بقا واحد هنتخطب سنتين والسنه الاخيرة تاخديها ف بيتي باذن اللّـہ
ومين قالك اني هوافق يا بشمهندس
ڼـعم ومتوفقيش لي انا مهندس دا غير اني ابن عمك وانتي بتحبيني
كنت يا بشمهندس كنت بحبك قبل م اعرف انك اناني كدا وفوق كدا جاهل كمان اصل يا بشمهندس الجهل مش بينطبق علي اللي متعلموش دا بينطبق علي امثالك اللي معاهم شهادة بس عقلهم فاضي تفكيرهم متخلف تفتكر لو مكنتش دخلت هندسه كنت هتبقي قاعدة مكانك هنا لا طبعا انتي رفضتني زمان علشان مجبتش مجموعها ودلوقتي رجعت علشان عرفت اني بقيت مهندسه وانا بقا اللي برفضك بعد اذنك يا بابا ومن غير زعل يعمي بس انا مش موافقه انا لما اجي اوافق علي حد هوافق علي شخص جايلي انا جاي لونس لشخصيتها لطفولتها يقبلها بكل الحالات بتاعتها وكل جنونها مش يجيلي علشان انا مهندسه
#ونس_يونس
الثانوي ومجموعها مش نهاية العالم دا اولا
ثانيا حلمك ممكن تحققه بطرق مختلفه او ممكن اصلا دا ميكنش حلمك ولاليك خير فِيَھ وربنا شايلك الخير ف حتة تانيه
ثالثا متخليش حد يقل منك او من مجموعك هو ميعرفش ان تعبت قد اي طول السنه ولا التصحيح كان ظالم ازاي ولا يعرف الخير ليك فين .
