#اسكربت كامل ♥️✨..
_ سكران ! جاى يوم فرحك سَكران
= لِمى لسانكَ دا .
_ ما انا هستنى ايه من واحد زيك صعيدى متخلف.
= تعالى بس هَقولك حاجه .
مسكت سكينه _ عارف ، اقسم بالله ان قربت منى لاخليها تاخد طريقها فوشك .
رجع لورا بحركه سريعه شاور بايديه ان هيبطل اللى بيعمله ، رميت السكينه ع الارض ودخلت اقرب اوضه!
ماشى ..
= احنا أتجوزنا أمتى !
بصيتله بأرف _ روح فوق وتعالى أتكلم معايا ، ولا بص اصلا ملكش كلام معايا يلا شوف رايح فين .
رد بستهزاء = ليه العقاب الصعب دا بس ! طب هعيش أزاى من غير ما اكلمك طيب .
_ يسم !
اتكلم وهو بيتحرك ناحيه الحمام = اعمليلى الفطار يلا .
وقفت خمس ثوانى أستوعب اللى بيقوله !! نعم اللى هو نعم بجد !!
عليت صوتى _ وانت مفكر انك هتعيش مَلك وانا هبقى الخدامه اللى أمك جبتهالك !! انت تنسى الكلام دا نهائى .
مردش عشان كان دخل الحمام اصلا !!
فالحقيقه انا اللى مُهزءه وجبته لنفسى اه والله أقابل واحد فالشارع فأقوم متجوزاه عشان متجوزش أبن عمى ولحلاوه القدر يكون هو كمان بيهرب من بنت خالته انا مشوفتش فحظى بجد !!
_ اسمع انا مطبخش لحد.
= خلاص انا بعرف أطبخ .
هو ايه الطيبه دى ؟ _ ومبعملش لحد حاجه بردو وكل واحد هنا فالنص بتاعه.
= اللى يريحك .
زعقت _ انت بتتكلم معايا ببرود ليه ؟ .
اتكلم بهدوء اكتر = عشان دماغى مصدع ولو قومتلك هاكلك والله .
_ ما هو من القرف اللى انت شاربه .
= قرف لما يقرفك يشيخه، يبنتى بطلى تستفزينى بقى !!
_ روح اولع اجرى خد مُسكن .
= ملكيش فيه .
_ خلاص انا هزعق براحتى بقى ومترجعش تقولى دماغك مصدع ..
= هتموتى وتتخانقى ؟
_ بصراحه اهه بقى ، عشان انا متغاظه منك ومتغاظه من نفسى وعمرى ماهسامحنى ع اللى عملته دا بجد .
= نامى انهارده ونتخانق بكرا جامد اوى.
_ بس يلا متتكامش معايا..
الايام عدت عادى ، ال هو مافيش خناق وفنفس الوقت مافيش كلام اتنين جيران عايشين مع بعض فالشقه هو بيعمل الاكل وانا بنضف المطبخ ، هو بينضف السُفره وانا بعمله شاى وادخل انام ..
= تاكلى ايه النهارده ؟
_ اللى تعلمه .
= تصدقى يبت انا غلطان انى باخد رايك اصلا ؟
_ متبقاش تاخده تانى
= يبقى احسن ومش هعملك اكل تاني كمان .
_ اصل أكلك يتاكل أوى .
= بأمارة أنك مبتغسليش الاطباق اصلا عشان بتمسحيهم بلسانك .
_ كداب والله .
او هى بتعدى بخناق بصراحه يعنى
= هو أنا مبقيتش أشوف رؤى معاكِ ليه ؟.
اتخضيت ولفيتله بسرعه _ تعرفها منين !
ابتسم وسحب كرسى قعد عليه = من اكونت الفيس بتاعك اللى تقريباً كان كل يومين بينزل صوره عليه ليكو فمكان مُختلف .
حطيت طبق الفشار ع ترابيزه قُدامى واتكلمت وانا بدخل البلكونه عشان أنهى الحوار _ بعدنا.
دخل ورايا = ليه ؟.
بصيتله _ وأنت مالك .
رفع حاجبه واتكلم= يست أعتبرينى جوزك .
_ وبعد ما أعتبرك !
= طب أكسر الفازا دى ع دماغك ولا اعمل ايه يعنى ، هو انا هشحت الكلام منك .
عليت صوتى _ طب مش هحكى حاجه هه .
= احسن ان شاله عنك ماحكيتى انتِ هتصدعينى ليه .
