لجل عين تكرم بلد
السلام عليكم ، معاكم نوف الحارثي
اول روايه لي انشرها بعد حوارات و صراعات داخليه ماعرف شنو سببها ههههههههه
بس قررت اني ابدا سرد الروايه و اتوكل على الله واتمنى انها تنال اعجاب الجميع .
طبعا انا انسانه مدمنة روايات بالخصوص روايات اديم و ريم ( اكيد الاغلب يعرفهم) و كنت اساسا احب الكتابه و احب اسرد حوارات من خيالي بس ما عمري نشرت او حتى قلت لأي مخلوق عنها .
فلذلك قررت اني ابدا بدايه جديده و اسرد الروايه و اهزم مخاوفي اللي مالها سبب.
روايتنا اليوم بتكون خارج عن المألوف شوي ، ( لجل عين تكرم بلد ).
ابطالنا من دولتين مختلفيتين و النعم بكل الدول ،
بطلتنا من سلطنة عمان و بطلنا من جارتنا الشقيقه السعوديه.
طبعا الدولتين على عيني وراسي و كلهم لهم حب كبير ما ينوصف ، لذلك قررت اني ابني قصة حب لعيالها .
بترككم مع الشخصيات و الاحداث عشان ما احرق عليكم شي.
الشخصيات :
بيت ابو عمر(سلطنة عمان) :
عندنا محمد هو اكبر اخوانه ، عمره ٥٢ سنه، وله من العيال ٤، بنتين و ولدين، ابو عمر (محمد) رجل اعمال حالته الماديه جيده و له الكثير من الاعمال الحره اللي يشتغل عليها عشان يوفر افضل معيشه لعياله.
جميله: زوجة محمد وهي اخر العنقود عمرها ٤٢ سنه ، انسانه طيوبه وحبوبه الا اذا مس الموضوع عيالها واللي تعتبرهم اغلى شي بحياتها، تزوجت وهي حيل صغيره و اللي خلا فارق العمر بينها وبين بكرها ١٤ سنه فقط.
عمر: وهو اكبر عيال ابو عمر ، عمره ٢٨ سنه رجل عصبي و حاد الطباع نوعا ما ، بحكم انه البكر فهو دايم يحس بالمسؤوليه تجاه اخوانه ، خلص دراسه و حاليا موظف في شركة كهرباء و يساعد ابوه في اعماله الحره.
عماد : ثاني اولاد محمد عمره ٢٥ سنه ، انسان طيب و حنون على اهله و بالخصوص خواته ، دايما هو ملجئ الحنان للبيت كله و ما يرفض طلب لاهله ابدا، عاش قصة حب قديمه خلته انسان يخاف الحب وجدا.
إبريز( بطلتنا) : ثالث فرد من عيال بو عمر ، عمرها ٢١ سنه ، طالبه في كلية الحقوق ، باقي اخر سمستر و تتخرج بسبب امتيازها و تفوقها ، انسانه عفويه و مفهيه اغلب وقتها ، اغلب تصرفاتها توحي للناس انها متكبره و شايفه حالها.
رتيل: اخر العنقود و محبوبة الجميع ، الكل بالبيت يحبها لانها اصغر فرد واكثر وحده حيويه ، بس الكل تعب منها بسبب لسانها الطويل و اللي عمره ما يسكت عن الحق ، عمرها ١٩ سنه ، اول سنه جامعه ، تاخرت سنه لانها كانت تعاني من اكتئاب حاد.
أنت تقرأ
لجل عين تكرم بلد
Randomبعد القرار المصيري اللي اتخذه ابو عمر ، انتقلوا من عمان الى السعوديه والكل ما كان يعرف شنو مصيره ، بعد عدة اسابيع يلتقوا ابطالنا انمار و إبريز و تبدا الاكشنات و الحماس .....