(تنويه بسيط ، في حوارات بيت ابو عمر بتكون في مصطلحات عمانيه و يمكن غير مفهومه للبعض بس بحاول قدر الامكان اني اشرحها بين قوسين )
صباح يوم جديد على ابطالنا
قامت ابريز اليوم وهي كلها امل بانها راح تقدم اوراقها على شركات طالبين تخصص القانون و راح تلقى الوظيفه اللي تناسبها ، نزلت للاسفل وهي تدندن باغاني عبدالمجيد عبدالله وتدور على امها
ابريز : مام ، مامي ، يا امي
جميله وهي في المطبخ : ما يجي من ورا ه الدلع الى طلبات
ابريز وهي تضحك : الله عليش يا حلوه كيف عرفتي
جميله : ويش تريدي خلصيني وراي طبخ
ابريز وهي تبوسها : طلب بسييييييط صدقيني، اريد اقدم على وظيفه و انتي عارفه في عمان كنت على وشك اني اقبل بس صار اللي صار وما كملت إجراءات التوظيف ، والحين بدل جلستي بين أربع جدران بدون هدف ، اريد منش تقنعي ابوي انه اروح اليوم مع السايق واقدم على وظيفه ف كذا شركه
جميله و هي تتنحنح : والله يا امي انا ما عندي مانع بس انتي تعرفي ابوش وخوفه عليكم ، اخاف يرفظ لان المكان جديد وانتي للحين ما تعودتي عليه
ابريز بنرفزه : يا امي بلييييييييز اقنعيه ، جلسه في البيت اكثر من كذا انا ماقدر عليها و بعدين شهادتي شسوي فيها يعني ابلها واشرب مويتها ؟
جميله : بحاول انا بس ما اوعدك بشي ، لا ترفعي سقف آمالش وبعدين ينهدم .
طلعت ابريز من المطبخ وهي شوي و تصيح من القهر و من ابوها اللي فجاه صار يخاف عليهم و يتحكم فيهم زياده عن اللزوم
نزل ابوها في ه الاثناء و عينه عليها ، فزت ابريز وهي مستغربه ليش ابوها يطالعها كذا لا يكون سمع حوارها مع امها
ابو عمر : يا بنت
ابريز بخوف : ها ابوي
ابو عمر وعينه على لبسها : انا كم مره قلت ه اللبس ما ينلبس برع غرفتش؟ بسرعه أطلعي بدليه و انزلي ساعدي امش
قامت ابريز بسرعه وهي مستحيه من ابوها مع ان لبسها ما كان كاشف بس كان قصير لين فوق المعصم و مثل ما ذكرت سابقا ابو عمر انسان متشدد شوي في ه الناحيه .
ابريز وهي رايحه لغرفتها مرت لغرفة رتيل اللي كانت جالسه تقرا لها روايه و دموعها على خدها
ابريز بخوف : يممه شفيك تبكين انتي ؟ صايره بكايه ما خبرتش كذا
رتيل وهي تمسح دموعها : مات يالله مات
ابريز : منننن ماااااات ؟
رتيل : بطل الراويه الله ياخذهم موتوه و الروايه للحين ما خلصت اف قهررررر
أنت تقرأ
لجل عين تكرم بلد
Randomبعد القرار المصيري اللي اتخذه ابو عمر ، انتقلوا من عمان الى السعوديه والكل ما كان يعرف شنو مصيره ، بعد عدة اسابيع يلتقوا ابطالنا انمار و إبريز و تبدا الاكشنات و الحماس .....
