في سيارة عمر
كانت لطيفه جالسه ورا عمر وهي طول الطريق تسولف لعمر عن نفسها وعن حياتها وهي مستانسه وطايره من الفرح ، وعمر كل تفكيره في لميس وهو ينتظر رساله من رتيل عشان تطمنه ويرتاح باله , وصلوا لستاربكس و طلبوا لهم و لرتيل و لميس ، تحرك وهو راجع للجامعه ينزل لطيفه اللي بدأ ينزعج من حركاتها و سوالفها معاه ، قبل لا تنزل اخذله ورقه وقلم وكتب اسف وحطها تحت مشروب لميس ، ودعته لطيفه ونزلت رايحه للبنات وهي طوفت اول كلاس لها بس عشان تروح مع عمر
رتيل بتردد : رجعت لطيفه
لميس رفعت راسها وشافت لميس جايه لهم من بعيد والابتسامه شاقه وجهها ، وصلت عندهم ومدت لهم المشروبات وهي تضحك ، لميس كانت شوي وتنفجر من القهر ، ما قدرت تمسك نفسها وجت بتقوم بس مسكتها ايد رتيل و منعتها ،
لطيفه : جبت لكم عشان تصحصحون
رتيل : شكرا ما قصرتي
اخذت رتيل المشروبات ولاحظت ان في ورقه تحت واحد منهم ، رفعتها للميس و كان مكتوب عليها اسف ، التفت لميس لرتيل
لميس : حتى اعتذاره جاف مثل وجهه
كتمت رتيل الضحكه : يعني كنتي منتظره اعتذار
لميس : لا طبعا ، لا اعتذار ولا ودي فيه هو بكبره خل يحب لطيفه تنفعه اكثر، جته بطبق من ذهب و خليه يبعد عني وبس ، قالتها ومشت من الطاوله وهي ودها ترجع و تخنق لطيفه وحركاتها اللي تستفز الواحد
بيت ابو ماجد
ام ماجد : عاد يا ابو ماجد ، من يوم قلت لي عن اللي صار وانا فرحانه وودي بابريزتكون زوجة انمار ، ما شاء الله البنت كامله والكامل الله
ابو ماجد : والله ما ضن ان البنت راح توافق و انتي ادرى باللي صاير ، ان شاء الله خير
ام ماجد : وليه ما ترضى
ابو ماجد : للحين ما رد علي ابو عمر ولا طرى لي الموضوع مره ثانيه ، ما ودي اغصبه على شي هو ما يبيه في النهايه هذي بنته وهو من حقه يرفض
تنهدت ام ماجد : ليه ما تخليني اكلم ام عمر ؟ نحل المواضيع بين الحريم ونقنع ابريز ، بعدها يصير الموضوع بايدكم
ابو ماجد : سوي اللي تبينه ، اهم شي زواج بالاجبار ما نبي
ام ماجد بحماس : ما عليك ،خليها علي
في الشركه ، عند ابو عمر
جلس على مكتبه بضيق وهو يشوف تهديدات ابو مبارك له واللي صار يحط عينه على ابريز وصار يتعقبها حتى بالشركه ، تنهد بضيق وهو خلاص اتخذ قراره وصار ما عنده حل غير ه الحل ، اخذ مفتاح السياره وطلع من الشركه وهو ناوي ينهيها اليوم ، ركب للسياره وراح لين وصل الحاره ، وقف عند بيته ونزل وهو وده يحاكي ام عمر ويبلغها بقراره .
أنت تقرأ
لجل عين تكرم بلد
Randomبعد القرار المصيري اللي اتخذه ابو عمر ، انتقلوا من عمان الى السعوديه والكل ما كان يعرف شنو مصيره ، بعد عدة اسابيع يلتقوا ابطالنا انمار و إبريز و تبدا الاكشنات و الحماس .....